મોટો વિવાદ / અનુષ્કાના બર્થડે પર કોહલીએ એક્ટ્રેસ અવનીત કૌરના ફોટાને લાઈક કરતાં વિવાદ, કોહલીએ કર્યો ખુલાસો

ટીમ ઈન્ડિયાના સ્ટાર ક્રિકેટર વિરાટ કોહલીએ એક્ટ્રેસ અવનીત કૌરના ફોટા પર લાઈક કરતાં સોશિયલ મીડિયામાં વિવાદ થયો હતો. અવનીત કૌર જાણીતી ગ્લેમરસ એક્ટ્રેસ છે. ખુલાસો કરતાં કોહલીએ ઈન્સ્ટા પર લખ્યું કે મારો આવો ઈરાદો નહોતો, મેં તો મારા ફીડને સાફ કરતાં ભૂલથી આવું કરી લીધું હશે. અલ્ગોરિધમે ભૂલથી કોઈ ક્રિયા આપી દીધી હશે, ખરેખરે મારો આવો કોઈ (અવનીતની તસવીરને લાઈક કરવાનો) ઈરાદો નહોતો. હું વિનંતી કરું છું કે કોઈ બિનજરૂરી ધારણાઓ ન બાંધી લો. તમારી સમજણ બદલ આભાર.

સોશિયલ મીડિયામાં વિવાદ

હકીકતમાં 1 મેના દિવસે કોહલીની પત્ની અનુષ્કાનો જન્મદિવસ હતો અને આ દિવસે કોહલીએ ગ્લેમરસ એક્ટ્રેસ અવનીત કૌરના ફોટાને લાઈક કરતાં સોશિયલ મીડિયાના યૂઝર્સ ખળભળ્યાં હતા.

અનુષ્કા સાથેનો એક સુંદર ફોટો શેર કર્યો

ગુરુવારે કોહલીએ તેના ઈન્સ્ટાગ્રામ હેન્ડલ પર અનુષ્કા સાથેનો એક સુંદર ફોટો શેર કર્યો અને તેણીને જન્મદિવસની શુભેચ્છા પાઠવવા માટે એક પ્રેમભરી નોંધ લખી. "મારા શ્રેષ્ઠ મિત્ર, મારા જીવનસાથી, મારી સલામત જગ્યા, મારા શ્રેષ્ઠ ભાગ, મારા બધું. તમે અમારા બધાના જીવનનો માર્ગદર્શક પ્રકાશ છો. અમે તમને દરરોજ વધુ પ્રેમ કરીએ છીએ. જન્મદિવસની શુભેચ્છાઓ મારા પ્રેમ (sic)," તેમણે લખ્યું, અને ચાહકો દુર્લભ PDA પર ઉત્સાહિત થયા વિના રહી શક્યા નહીં.

વામિકા સાથેની કોહલીની તસવીર વાયરલ

ક્રિકેટ જગતમાં જેનો જોડો ન જડે તેવો ટીમ ઈન્ડિયાનો સ્ટાર વિરાટ કોહલી પિતા તરીકે પણ ખૂબ પ્રેમાળ છે અને ક્રિકેટની વચ્ચે પણ એકની એક દીકરી વામિકા સાથે સમય ગાળી લેતો હોય છે અને તેને લાડ લડાવતો હોય છે. આજે ચેન્નઈ સુપરકિંગ્સ સામેની મેચ પહેલાં કોહલીનો ડોટર વામિકા સાથેની એક તસવીર સોશિયલ મીડિયામાં જોરદાર વાયરલ થઈ હતી. વાયરલ તસવીરમાં, કોહલી RCB જર્સીમાં વામિકા સાથે સમય પસાર કરતો જોવા મળી રહયો છે. વિરાટ કોહલીએ અભિનેત્રી અવનીત કૌરને સમર્પિત એક ફેન પેજની પોસ્ટને લાઈક કર્યા પછી ઓનલાઈન ચર્ચા વચ્ચે આ વાયરલ ફોટો સામે આવ્યો હતો.

વધુ વાંચો : ચેન્નઈ મેચ પહેલાં દીકરી વામિકા સાથે કોહલીનો ફોટો થયો જોરદાર વાયરલ, જોઈને આંખો ભીની થશે

કેવું છે કોહલી-અનુષ્કાનું લગ્નજીવન

અનુષ્કા શર્મા અને વિરાટ કોહલીએ ડિસેમ્બર 2017 માં ઇટાલીના ટસ્કનીમાં લગ્ન કર્યા હતા. આ દંપતીએ જાન્યુઆરી 2021 માં તેમની પુત્રી વામિકાનું સ્વાગત કર્યું અને ફેબ્રુઆરી 2024 માં એક બાળક, અકાયના માતાપિતા બન્યા.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ