સાવધાન / કોરોનાનો દેશમાં ફરી પગપેસારો: આ રાજ્યમાં નવા વેરિઅન્ટે મારી એન્ટ્રી, જાણો શું છે JN.1ના લક્ષણ-ઉપાય

• નવો વેરિએન્ટ વધુ ખતરનાક સાબિત થઈ શકે છે
• જાણો આ વેરિએન્ટના લક્ષણો અને ઉપાય
• નવા વેરિએન્ટને કારણે ચિંતાનો માહોલ

તિરુવનંતપુરમ જિલ્લાના કારાકુલમમાં RTPCR ટેસ્ટ પરથી જાણવા મળ્યું છે કે, એક દર્દી JN.1થી સંક્રમિત છે. સમગ્ર વિશ્વમાં કોરોનાના આ નવા વેરિએન્ટને કારણે ચિંતાનો માહોલ ઊભો થયો છે. કોરોનાનો આ નવો વેરિએન્ટ અગાઉના વેરિએન્ટની સરખામણીએ વધુ ખતરનાક સાબિત થઈ શકે છે. કોવિડ-19નો આ વેરિએન્ટ, તેના લક્ષણો અને ઉપાય વિશે અહીંયા જાણકારી આપવામાં આવી છે. 

JN.1 વેરિએન્ટ
ઓમિક્રોનના સબવેરિએન્ટ BA.2.86ને પિરોલા તરીકે ઓળખવામાં આવે છે. આ વેરિએન્ટને JN.1 વેરિએન્ટ કહેવામાં આવે છે. સપ્ટેમ્બર 2023માં અમેરિકામાં આ વેરિએન્ટનો પહેલો કેસ નોંધાયો હતો. 15 ડિસેમ્બરના રોજ ચીનમાં આ સબ વેરિએન્ટના 7 કેસ નોંધાયા હતા. CDCએ જણાવ્યું હતું કે, BA.2.86 અને JN.1 વેરિએન્ટ તદ્દન અલગ છે. સ્પાઈક પ્રોટીનમાં BA.2.86 અને JN.1 વેરિએન્ટ વચ્ચે માત્ર એક મ્યુટેશન છે.

JN.1ના લક્ષણ
જો તમે પણ JN.1 વાયરસ થાય તો તાવ, નાકમાંથી પાણી નીકળવું, ગળામાં ખરાશ અને માથાના દુખાવાની સમસ્યા થઈ શકે છે. ગેસ્ટ્રોઈંટેસ્ટાઈનલ પ્રોબ્લેમ થઈ શકે છે. દર્દીઓને શ્વાસ લેવામાં તકલીફ થાય છે. સામાન્ય રીતે આ ઈન્ફેક્શન 4-5 દિવસમાં ઠીક થઈ જાય છે. 

JN.1ના લક્ષણો જોવા મળે તો શું કરવું?
જો તમને પણ સંક્રમણ થયું હોય તો તાત્કાલિક કોવિડ-19નો ટેસ્ટ કરાવવો. કોવિડ તથા અન્ય કોઈ સંક્રમણ જોવા મળે તો તે ગંભીર હોઈ શકે છે. કેટલાક દર્દીઓમાં આ સંક્રમણના લક્ષણો અન્ય દર્દીઓની સરખામણીએ અલગ જોવા મળે છે. 

JN.1થી બચવાના ઉપાય

• કોવિડ પ્રોટોકોલનું પાલન કરવું
• માસ્ક પહેરો અને મેડિકલ ટેસ્ટ કરાવો
• ક્વોરન્ટાઈન થઈ જવું