ચૂંટણી 2024 / કાર્યકર્તા સંવાદ કાર્યક્રમમાં સોમનાથના MLAની ગેરહાજરી આંખે ઉડીને વળગી, હીરાભાઈ જોટવાએ કહ્યું 'કોંગ્રેસમાં કોઇ કકળાટ નથી'

લોકસભાની સામાન્ય ચૂંટણીનો પ્રચાર હવે ધીમે ધીમે વેગ પકડી રહ્યો છે ત્યારે આજે જુનાગઢ લોકસભા બેઠક પરથી જાહેર થયેલા કોંગ્રેસના ઉમેદવાર હીરાભાઈ જોટવા ગીર સોમનાથ જિલ્લાના પ્રવાસે છે જિલ્લાની તમામ વિધાન સભા બેઠક પર કાર્યકર્તા સંવાદ કાર્યક્રમ યોજી કાર્યકરોને સંબોધ્યા હતા. જ્યાં તેમણે સોમનાથના ધારાસભ્ય વિમલ ચુડાસમા જાહેર મંચ પરથી દેખાયા નથી તેવા સવાલના જવાબમાં વિમલભાઈ કોંગ્રેસનું કામ કરી રહ્યા છે અને ચૂંટણી પરિણામના દિવસે કોંગ્રેસના નેતાઓ દ્વારા કરેલું કામ મતદારો સમક્ષ સામે આવશે તેવો ભરોસો હીરાભાઈ જોટવાએ વ્યક્ત કર્યો હતો. 

હીરાભાઈ જોટવાનો ગીર સોમનાથના પ્રવાસ

જ્યારથી કોંગ્રેસે લોકસભા બેઠક પર હીરાભાઈ જોટવાની ઉમેદવારી જાહેર કરી છે ત્યારથી જાહેર મંચ પરથી સોમનાથના કોંગ્રેસના ધારાસભ્ય વિમલ ચુડાસમા દેખાયા નથી. જેથી કોંગ્રેસમાં અંદરોઅંદર કકળાટ હોવાની ચર્ચાએ જોર પકડ્યું છે. જો કે આ અંગે હીરાભાઈ જોટવાને પ્રશ્ન પૂછતાં વિમલ ચુડાસમા કોંગ્રેસના કામમાં સતત લાગી ગયા છે. તથા વિજય માટે પ્રતિબદ્ધ હોવાનું જણાવ્યું હતું. ભાજપ અને કોંગ્રેસ દ્વારા જુનાગઢ લોકસભા બેઠક પર ઉમેદવારો જાહેર કરી દેવામાં આવ્યા છે. 

વાંચવા જેવું: સામાન્ય કે પછી...! આ વર્ષે ગુજરાતમાં ચોમાસું કેવું રહેશે? જાણો શું કહે છે સ્કાયમેટની આગાહી

રાજેશ ચુડાસમા અને હીરાભાઈ જોટવા વચ્ચે રાજકીય જંગ

ભાજપે વર્તમાન સાંસદ રાજેશ ચુડાસમાની ત્રીજી વખત પસંદગી કરી છે તો કોંગ્રેસે આહિર આગેવાન અને શૈક્ષણિક સંસ્થા સાથે જોડાયેલા હીરાભાઈ જોટવાને ઉમેદવાર બનાવ્યા છે. ભાજપ અને કોંગ્રેસના બંને ઉમેદવારો કાર્યકર્તા સંમેલન અને ગ્રુપ મીટીંગ દ્વારા ચૂંટણી પ્રચારને ધીમે ધીમે આગળ ધપાવી રહ્યા છે ત્યારે આજે કોડીનાર કાર્યકર્તા સંમેલનમાં આવેલા કોંગ્રેસના ઉમેદવાર હીરાભાઈ જોટવા એ સોમનાથના ધારાસભ્ય વિમલભાઈ ચુડાસમાને લઈને નિવેદન આપ્યું હતું અને જણાવ્યું હતું કે વિમલ ચુડાસમા કોંગ્રેસના કામમાં સતત લાગી ગયા છે દરરોજ તેમની સાથે મુલાકાત થાય છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો