વિધાનસભા સત્ર / ઈમ્પેક્ટ ફી મામલે આમને સામને: અમિત ચાવડાનો દાવો આખી સોસાયટીઓ ગેરકાયદેસર રીતે બંધાઈ જાય છે, મંત્રીએ બતાવ્યો 'અરિસો'

Dinesh

Last Updated: 06:44 PM, 20 December 2022

FOLLOW ON

શેર કરો

ઈમ્પેક્ટ ફી મામલે કોંગ્રેસના ભાજપ પર આકરા પ્રહાર; વહીવટી તંત્ર દ્વારા શહેરી વિસ્તારમાં ભ્રષ્ટાચાર ચાલે છે અને આખી સોસાયટીઓ ગેરકાયદેસર રીતે બંધાઈ જાય છે: અમિત ચાવડા

ઈમ્પેક્ટ ફી મામલે કોંગ્રેસના ભાજપ પર આકરા પ્રહાર
શૈલેષ પરમાર બાદ હવે અમિત ચાવડાએ તંત્ર સામે ઉઠાવ્યા સવાલો
અમિત ચાવડાના આક્ષેપો પર મંત્રી ઋષિકેશ પટેલે વળતો જવાબ આપ્યો

ઈમ્પેક્ટ ફી મામલે કોંગ્રેસે ભાજપ પર આકરા પ્રહાર કર્યો છે. કોંગ્રેસના શૈલેષ પરમાર બાદ હવે અમિત ચાવડાએ તંત્ર સામે સવાલો ઉઠાવ્યા છે. ઈમ્પેક્ટ ફી મુદ્દેની ચર્ચા દરમિયાન તંત્રની કામગીરી પર સવાલો ઉઠાવ્યા હતાં.

અમિત ચાવડાના વહીવટી તંત્ર પર આક્ષેપ
કોંગ્રેસ નેતા અમિત ચાવડાએ વહીવટી તંત્ર પર આક્ષેપ કર્યો છે તેમણે કહ્યું કે, વહીવટી તંત્ર દ્વારા શહેરી વિસ્તારમાં ભ્રષ્ટાચાર ચાલે છે. તેમણે જણાવ્યું કે, આખી સોસાયટીઓ ગેરકાયદેસર રીતે બંધાઈ જાય છે અને 9 વર્ષથી ભાજપની બહુમતી વાળી સરકાર છતાં ગેરકાયદેસર બાંધકામ થયા છે. સંપૂર્ણ બહુમતી વાળી ભાજપની સરકાર ચાલી રહી છે છતા હજૂ પણ લખવું પડે કે યોગ્ય રીતે લાભ આપી ન શક્યા.

અમિત ચાવડાના આક્ષેપો પર મંત્રી ઋષિકેશ પટેલનો જવાબ
અમિત ચાવડાના આક્ષેપો પર મંત્રી ઋષિકેશ પટેલે વળતો જવાબ આપ્યો હતો. તેમણે કહ્યું કે, જે કહેવું હોય તે સ્પષ્ટ કહી શકો છો તેમણે જણાવ્યું કે, નગરપાલિકા, કોર્પોર્શન સામે આક્ષેપો થઈ રહ્યા છે અને તમામ નગરપાલિકા, મનપામાં ભ્રષ્ટાચાર હોત તો 156 ધારાસભ્ય ન હોત તેમણે કહ્યું કે, બિલના સંદર્ભેમાં ચર્ચા કરવામાં આવે તે યોગ્ય

ઋષિકેશ પટેલના જવાબ બાદ ફરી અમિત ચાવડાનો ફરી કટાક્ષ
ઋષિકેશ પટેલના જવાબ બાદ અમિત ચાવડાએ ફરી કટાક્ષ કરતા તેમણે કહ્યું કે, ચૂંટણી ફંડની વાત નથી કરી, વિકાસ માટે ફંડની વાત કરી હોઈ શકે તેમણે કહ્યું કે, નદીની જગ્યામા ખાનગી બિલ્ડરો કોંપ્લેક્ષ બાંધે છે. વડોદરામાં નદીના પટ પર બાંધકામનો મુદ્દો ગૃહમાં ઉઠ્યો હતો. તેમણે કહ્યું કે, વડોદરામાં નદીની જગ્યામાં બાંધકામ થયું છે અને બાંધકામના વિરોધમાં આંદોલન પણ થયું હતુ.

ઈમ્પેક્ટ ફીનો કાયદો સમજો