ચિંતાજનક / ચીન ફરીવાર આવ્યું ચર્ચામાં, વિશ્વના અનેક દેશોમાં ચીની કીડાએ મચાવી ભારે તબાહી

ચીન અવારનવાર તેની અવળચંડાઈને કારણે ચર્ચામાં રહે છે. ક્યારેય તેની સરહદો પરની કાર્યવાહીને પગલે તો ક્યારેક કોરોના જેવા વાયરસને કારણે. આ વખતે ચીન ફરીવાર ચર્ચામાં આવી ગયું છે. જેમાં ચીનની તેના એક જીવજંતુના કારણે ચર્ચા થઈ રહી. વાત એમ છે એક ઉધઈ પ્રકારનાં ચીનના કીડા વિશ્વમાં મોટા પાયે નુકસાન કરી રહ્યા છે. ચીનના આ લોન્ગ હોર્ન બીટલ (Chinese Long horn Beetle) નામના કીડાની ક્ષમતા એટલી વધારે છે કે તે કેટલાક દિવસોમાં જ આખા જંગલને પણ સાફ કરી શકે છે.

ચીનના આ કીડા ગુબરૈલા નામથી પણ જાણીતા છે. આ કીડા ચીન, તાઇવાન, કોરિયન દ્વીપકલ્પમાં મળી આવે છે. પરંતુ હવે આ કીડા અમેરિકા, સાઉથ આફ્રિકા, ઓસ્ટ્રેલિયા, સ્વિટ્ઝરલેન્ડ અને ભારતના કેટલાક રાજ્યમાં પણ પહોંચી ગયા છે. આ કીડા એટલા ખતરનાક છે કે એકવાર ઝાડ કે છોડમાં ઘૂસી જાય તો તે સરળતાથી નીકળતા નથી અને તેને કાઢવા માટે આખું ઝાડ જ કાપી નાખવું પડે છે. 

જર્મનીની હેમ્બર્ગ યુનિવર્સિટીના શોધકર્તાઓ પણ આ લોન્ગ હોર્ન બીટલ (Chinese Long horn Beetle) થી ચિંતામાં મુકાઈ ગયા છે. આ શોધકર્તાઓ અનુસાર જો આ લોન્ગ હોર્ન બીટલ એકવાર તમારા ઘરમાં ઘુસી જાય તો તે ઘરની અંદરની લાકડાની તમામ વસ્તુઓ ખાઈ જાય છે. જેમાં ડાઈનિંગ ટેબલ, ખુરશી, બારી-બારણાં અને લાકડાના સોફા જેવી વસ્તુઓ ખાઈ જાય છે. તાજેતરમાં જ આ કીડાએ સ્વિટ્ઝર્લૅન્ડમાં તબાહી મચાવી કે તેને કારણે ત્યાંના જંગલનો એક હિસ્સો કાપી નાખવો પડ્યો. લોન્ગ હોર્ન બીટલ (Chinese Long horn Beetle)થી ઘણા દેશોમાં વાંસ ઉદ્યોગને ભારે નુકસાન પણ થયું છે.

વધુ વાંચો: અમેરિકામાં વધુ એક ભારતીય વિદ્યાર્થીએ ગુમાવ્યો જીવ, છેલ્લા ત્રણ મહિનામાં 10ના મોત

જણાવી દઈએ કે આ કીડા વાંસના લાકડાને વધારે નુકસાન પહોંચાડે છે. લોન્ગ હોર્ન બીટલ કીડા ઝાડમાં કાણું કરે છે અને તેમાં જ ઈંડા મુકે છે, બચ્ચા પેદા કરે છે અને પછી ફેલાઈ જાય છે. પછી નવી વંશાવલી પણ આ જ કામ કરે છે. ઝાડમાં કાણા થવાને કારણે તેને પોષણ નથી મળતું અને અંતે ઝાડ સુકાઈ જાય છે. આને કારણે વિશ્વભરમાં અબજો ડોલરનું નુકસાન થઈ રહ્યું છે. યુરોપમાં આ પહેલી વાર 1924માં મળી આવ્યા હતા, ત્યારથી તબાહી મચાવી રહ્યા છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો