ખાસ કામનું / ઓન ધ સ્પૉટ Loan જોઇએ છે? તો આ 5 બાબતો અવશ્ય ધ્યાને લેજો, સરળતાથી મળી જશે

Personal Loan : પર્સનલ લોન એ તાત્કાલિક નાણાકીય જરૂરિયાતો માટે એક સહેલાઈભર્યો વિકલ્પ છે, પરંતુ પૂર્વ જાણકારી વિના લોન લેવા જવું બહુ જ જોખમભર્યું સાબિત થઈ શકે છે. યોગ્ય તૈયારી વગર લોન અરજી નકારવામાં આવે, તો માત્ર યોજનાઓમાં વિલંબ નહીં થાય પણ તમારા ક્રેડિટ સ્કોર પર પણ નકારાત્મક અસર પડે છે. લોન મંજૂર થવામાં અનેક પરિબળો મહત્વના હોય છે. આ આર્ટીકલમાં આપણે જાણીશું કે, લોન લેતા પહેલા કયા-કયા માપદંડોનું ધ્યાન રાખવું જોઈએ ?

પગાર અને આવકનું સ્તર

લોન આપતી સંસ્થાઓ માટે સૌથી પહેલો મહત્વનો મુદ્દો તમારી આવક સ્તર હોય છે. તે સુનિશ્ચિત કરવા માંગે છે કે, તમે EMI સમયસર ચૂકવી શકો. નોકરીમાં સ્થિરતા હોય તો વધુ પોઝિટિવ ઈમ્પ્રેશન પડે છે. સ્વ-રોજગાર વ્યક્તિઓ માટે ટેક્સ રિટર્ન અને નાણાકીય અહેવાલ આપવાનો ફરજિયાત હોય છે.

ક્રેડિટ સ્કોર (Credit Score)

750 કે તેથી વધુ સ્કોર ધરાવનારો વ્યક્તિ 'સુરક્ષિત ઉધારકર્તા' તરીકે ગણાય છે. મોડી ચુકવણી, લોન ડિફોલ્ટ અથવા વધુ લોન માટેની અરજીઓ તમારા સ્કોરને ખોટું અસર કરી શકે છે. નિયમિતપણે ક્રેડિટ રિપોર્ટ તપાસો અને તેમાં ભૂલ હોય તો સુધારો.

દેવું અને જવાબદારીઓ

તમારી હાલની નાણાકીય જવાબદારીઓ પણ વિશ્લેષણમાં લેવામાં આવે છે. તમારા DTI (દેવું-આવક ગુણોત્તર) 40% કરતા ઓછું હોવું શ્રેષ્ઠ છે. જૂની લોન વહેલી ચૂકવીને અથવા કન્સોલિડેટ કરીને પાત્રતા સુધારી શકાય છે.

ઉંમર અને ચુકવણી ક્ષમતા

બેંકો સામાન્ય રીતે 21 થી 60 વર્ષની ઉંમરવાળા અરજદારોને પસંદ કરે છે. યુવાઓ માટે આવક સ્થિર હોય તો લોન સરળતાથી મળી શકે છે. વયસ્ક લોકો માટે લોનની મુદત નિવૃત્તિ પહેલા પૂરી થવી જોઈએ.

નોકરીદાતા અને વ્યવસાયિક પૃષ્ઠભૂમિ

તમારી નોકરી કે વ્યવસાય પણ લોન મંજૂરીમાં મહત્વની ભૂમિકા ભજવે છે. સરકાર અને બહુરાષ્ટ્રીય કંપનીઓના કર્મચારીઓ લોન માટે વધુ પાત્ર ગણાય છે. ડૉક્ટર, એન્જિનિયર, ચાર્ટર્ડ એકાઉન્ટન્ટ જેવા વ્યવસાયોમાં લોન મંજૂરી સરળ બને છે.

પર્સનલ લોન એ ઝડપી નાણાં મેળવવાનો માર્ગ છે પરંતુ યોગ્ય તૈયારી વગર અરજી કરવી તમારી નાણાકીય સ્થિરતાને નુકસાન પહોંચાડી શકે છે. ઉપર દર્શાવેલ મુદ્દાઓનું ધ્યાન રાખીને તમે ન માત્ર લોન માટે પાત્ર બની શકો પણ વધુ સારાં વ્યાજદરમાં અને વધુ અનુકૂળ શરતો સાથે લોન મેળવી શકો છો.

આ પણ વાંચો : તહેવારોની સિઝનમાં 'સ્માર્ટ ગોલ્ડ' ખરીદો, ટેક્સ બચશે સાથે બીજા ફાયદાઓ નફાના, લેનારા ખુશખુશાલ

(DISCLAIMER બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ