કેન્દ્રીય બજેટ 2026 / મિડલ ક્લાસના હાથ ખાલી, શેર રોકાણકારોને પણ ઝટકો, 5 આશાઓ બજેટથી તૂટી ગઈ

Union Budget 2026: FM નિર્મલા સીતારમણે આજે દેશનું આર્થિક બજેટ 2026 રજુ કર્યું હતું. આ બજેટ સામાન્ય માણસ, મહિલો, ખેડૂતો અને યુવાનો ને ફોકસમાં રાખીને કરવામાં આવશે તેમ જણાવાઈ રહ્યું હતું. આ બજેટની કુલ સાઇઝ 53 લાખ કરોડ રૂપિયાથી પણ વધારે છે. આ બજેટમાં સામાન્ય માણસ માટે ઘણી મોટી જાહેરાત કરવામાં આવી છે. 7 નવા રેલ કોરિડોરની જાહેરાત કરવામાં આવી છે તો બીજી તરફ ગંભીર બીમારીઓની દવાઓને પણ સસ્તી કરવામાં આવી છે.

પરંતુ આ બજેટમાં ઘણી એવી મોટી જાહેરાતો નથી કરવામાં આવી જેની સામાન્ય માણસને આશા હતી કે આ મોટી જાહેરાતો કરવામાં આવશે અને તેમને મોટી રાહત મળશે. ચાલો જાણીએ કે કઈ એવી મોટી જાહેરાતો કે રાહતો છે જે સામાન્ય માણસને આપવામાં આવી નથી.

ઇન્કમ ટેકસમાં કોઈ છૂટ નહિ

છેલ્લા બજેટમાં નવા ઇન્કમ ટેકસ રીઝીમ અંતર્ગત સામાન્ય ટેકસ પેયરને 12 લાખ રૂપિયા સુધીની વાર્ષિક કમાણી પર 0 ટેકસની જાહેરાત કરવામાં આવી હતી જેની લિમિટ વધારીને આ બજેટમાં 14 લાખ થશે તેવી આશા હતી પણ તેમાં સરકારે કોઈ ફેરફાર કર્યા નથી.

નવા ટેકસ રીઝીમમાં છૂટ

નવા ટેકસ સિસ્ટમ અંતગર્ત PPF, NPS અને ELSS જેની યોજનાઓમાં રોકાણ પર ટેકસમાં છૂટ આપશે તેવી આશા કરવામાં આવી હતી. પરંતુ સરકારે તેમાં કોઈ ફેરફાર કર્યો નથી. આ માત્ર જૂના ટેકસ રીઝીમ અંતર્ગત છૂટને લાયક હશે. ઓલ્ડ ટેકસ રીઝીમમાં આ યોજનામાં રોકાણ કરવા પર ઇન્કમ ટેકસની કલમ 80 C અંતર્ગત 1.5 લાખ રૂપિયા સુધીના ટેકસની છૂટ આપવામાં આવે છે.

બજેટને લગતી તમામ અપડેટ Live જોવા માટે નીચેની લિન્ક પર ક્લિક કરો.

https://www.youtube.com/watch?v=nvaV2v4uMlg

ખેડૂતો માટે ના થઈ કોઈ જાહેરાત

ખેડૂતોને આશા હતી કે પીએમ કિસાન યોજનાના બજેટમાં વધારો કરવામાં આવશે અને તેને 6000 રૂપિયાથી વધારીને 12000 રૂપિયા કરી દેવાશે. પરંતુ આ વખતના બજેટમાં આમા કોઈ વધારો કરવામાં આવ્યો નથી. તો બીજી તરફ પાકને લઈને MSP ને લઈ કોઈપણ મોટી જાહેરાત કરવામાં આવી નથી.

સિનિયર સીટીઝનને કોઈ છૂટ નહિ

એવી આશા હતી કે સિનિયર સીટીઝન માટે અમુક વીમા યોજના સપોર્ટ અને રેલવે ટ્રેન ટિકિટમાં છૂટ આપવામાં આવી શકે છે. પંરતુ બજેટમાં માત્ર રેલ કોરિડોર અંગે જ જાહેરાત કરવામાં આવી છે. તો બીજી તરફ સિનિયર સીટીઝન માટે TDS કપાતમાં પણ કોઈ ફેરફાર થયો નથી.

આ પણ વાંચો: 'અપાર અવસરોનો હાઈવે' બજેટને વખાણતાં PM મોદીએ નિર્મલા સીતારમણને આપ્યાં અભિનંદન

શેરબજારમાં રોકાણકારોને પણ ઝટકો

બજેટમાં શેરબજારમાં રોકાણકારોને મોટો ઝટકો લાગ્યો છે. F&O ટ્રેડર્સ માટે ટ્રાન્ઝેક્શન ચાર્જ વધારી દેવામાં આવ્યો છે. જ્યારે એવી આશા હતી કે આમાં ઘટાડો થઈ શકે છે. બીજી તરફ લોંગ ટર્મ કેપિટલ ગેન ટેકસ (LTCG) અને શોર્ટ ટર્મ ગેન ટેકસ (STCG) માં કોઈ ફેરફાર કરવામાં આવ્યો નથી. એવી આશા છે કે આમા કપાત એ મોટી રાહત રોકાણકારોને આપવામાં આવી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ