Budget 2026 / 'અપાર અવસરોનો હાઈવે' બજેટને વખાણતાં PM મોદીએ નિર્મલા સીતારમણને આપ્યાં અભિનંદન

Union Budget 2026 Live Updates: નાણામંત્રી નિર્મલા સીતારમણે સંસદમાં આજે 1 ફેબ્રુઆરી 2026ના તેમનું નવમું કેન્દ્રીય બજેટ રજૂ કર્યું છે. બજેટને વખાણતા પીએમ મોદીએ નાણામંત્રી નિર્મલા સીતારમણને અભિનંદન આપ્યા છે. પીએમ મોદીએ કહ્યું, "આ યુવા શક્તિ બજેટ છે. આ બજેટમાં કરવામાં આવેલી જોગવાઈઓ વિવિધ ક્ષેત્રોમાં લીડર્સ, ઇનોવેટર્સ અને ક્રિએટર્સને તૈયાર કરશે." આજે રજૂ કરાયેલા કેન્દ્રીય બજેટ 2026-27 અંગે પીએમ મોદીએ કહ્યું, "આ બજેટ અપાર અવસરોનો રાજમાર્ગ છે. આ બજેટ 2047 માં વિકસિત ભારતના આપણા ઉંચી ઉડાનનો આધાર છે."

"આ બજેટ મેક ઇન ઇન્ડિયા અને આત્મનિર્ભર ભારત અભિયાનોને નવી ગતિ આપશે"

પીએમ મોદીએ કહ્યું, "આ બજેટ મેક ઇન ઇન્ડિયા અને આત્મનિર્ભર ભારત અભિયાનોને નવી ગતિ આપવા માટે એક મહત્વાકાંક્ષી રોડમેપ રજૂ કરે છે. આ બજેટ MSME, આપણા નાના અને કુટીર ઉદ્યોગોને સમર્થન આપે છે, અને તે તેમને સ્થાનિકથી વૈશ્વિક સ્તરે પરિવર્તન માટે નવી શક્તિ આપશે."

"આ બજેટ રિફોર્મ એક્સપ્રેસને નવી ગતિ આપશે" - પીએમ મોદી

પીએમ મોદીએ કહ્યું, "આ બજેટ ભારત આજે જે રિફોર્મ એક્સપ્રેસ પર સવારી કરી રહ્યું છે તેને નવી ઉર્જા અને ગતિ આપશે. ભારત સૌથી ઝડપથી વિકસતું અર્થતંત્ર બનવાથી સંતુષ્ટ નથી. ભારત શક્ય તેટલી વહેલી તકે વિશ્વનું ત્રીજું સૌથી મોટું અર્થતંત્ર બનવા માંગે છે."

બજેટમાં કસ્ટમ ડ્યુટીમાં પણ રાહત આપવામાં આવી છે. 17 એટી કેન્સર દવાઓ અને સાત અન્ય દુર્લભ બિમારિયોની દવાઓને બેસિક કસ્ટમ ડ્યુટીમાંથી મુક્તિ આપવામાં આવશે. પાંચ વર્ષથી ભારતમાં રહેતા વિદેશી નાગરિકોને તેમની બિન-ભારતીય આવક પર કર મુક્તિ મળશે. નાણામંત્રીએ દેશના વિકાસ માટે ત્રણ ઉદ્દેશ્યો ઓળખ્યા છે: વિકાસ, લોકોની આકાંક્ષાઓ અને સબકા સાથ સબકા વિકાસ... બજેટ રોજગાર, આરોગ્ય, રોકાણ અને માળખાગત સુવિધાઓ પર ભાર મૂકે છે.

સરકારે સ્થાનિક બજારમાં SEZ ઉત્પાદન એકમોને એક વખત વેચાણ સુવિધા આપવાની વ્યવસ્થા પુરી પાડી છે. સંરક્ષણ ક્ષેત્રમાં વિમાન સમારકામ માટેના કાચા માલ પર મૂળભૂત કસ્ટમ ડ્યુટીમાંથી મુક્તિ આપવામાં આવશે, અને નાગરિક તાલીમ વિમાન માટેના ભાગોને પણ BCDમાંથી મુક્તિ આપવામાં આવશે. બાયોગેસ-મિશ્રિત સીએનજીનું મૂલ્ય કેન્દ્રીય એક્સાઇઝ ડ્યુટીની ગણતરીમાં શામેલ કરવામાં આવશે નહીં. વધુમાં, ઉદ્યોગોને ઉત્પાદન અને નિકાસ કરવા માટે પ્રોત્સાહિત કરવા માટે મહત્વપૂર્ણ ખનિજો માટે મૂડી માલ પર મૂળભૂત કસ્ટમ ડ્યુટીમાંથી મુક્તિ આપવામાં આવશે.

આ પણ વાંચોઃ AIIMS જેવી 3 સંસ્થાઓ બનશે આયુર્વેદિક ચિકિત્સાને મોટી ભેટ, બજેટમાં એલાન

બાયોફાર્મા ક્ષેત્રમાં "શક્તિ" યોજના દ્વારા આગામી પાંચ વર્ષમાં બાયોલોજિક્સ અને બાયોસિમિલર ઉત્પાદનોના સ્થાનિક ઉત્પાદનમાં વધારો કરવા માટે 10,000 કરોડ ફાળવવામાં આવ્યા છે. સેમિકન્ડક્ટર મિશન 2.0 પણ શરૂ કરવામાં આવશે, જે ઉદ્યોગ-આગેવાની હેઠળ સંશોધન અને તાલીમ કેન્દ્રો વિકસાવશે.

વૈશ્વિક અનિશ્ચિતતા અને સ્થાનિક માંગને સંતુલિત કરવા માટે ઘણી મોટી જાહેરાતો પણ કરવામાં આવી છે. બજેટમાં કરદાતાઓ, રોકાણકારો, ખેડૂતો, મધ્યમ વર્ગ અને ઉદ્યોગો માટે ઘણી મોટી જાહેરાતો કરવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ