બિઝનેસ / શેરબજારમાં જોરદાર તેજી, રજા પછી બુધવારે બજારની ધમાકેદાર શરૂઆત, રોકાણકારોને મોજ

Stock Market Today: વૈશ્વિક બજારોમાંથી મળેલા સકારાત્મક સંકેતોના કારણે ભારતીય શેરબજારમાં આજે જોરદાર તેજી જોવા મળી. શરૂઆતથી જ સેન્સેક્સ અને નિફ્ટી બંનેમાં મજબૂત ઉછાળો નોંધાયો.

શરૂઆતથી જ બજારમાં જોરદાર ઉછાળો

બુધવારે ટ્રેડિંગ શરૂ થતાં જ શેરબજારમાં તેજીનો માહોલ જોવા મળ્યો. બોમ્બે સ્ટોક એક્સચેન્જ (BSE) નો સેન્સેક્સ 77981 પર ખુલ્યો. જે તેના અગાઉના 76847 ના બંધ સ્તર કરતા લગભગ 1100 પોઈન્ટ વધારે હતો. થોડા જ સમયમાં તેમાં વધુ ગતિ આવી અને તે લગભગ 1300 પોઈન્ટ વધીને ફરી 78000 ના સ્તરને પાર કરી ગયો. આ તેજી પાછળ વૈશ્વિક બજારોમાંથી મળેલા પોઝિટિવ સંકેતોનો મોટો ફાળો રહ્યો.

નિફ્ટી પણ તેજીમાં

NSE નો નિફ્ટી ઇન્ડેક્સ પણ મજબૂત તેજી સાથે ખુલ્યો. તે 24163 પર શરૂ થયો જે અગાઉના 23842ના બંધ સ્તર કરતા ઊંચો હતો. થોડા સમયમાં જ તે વધીને 24280 સુધી પહોંચ્યો. બજારમાં ઈન્ડિગો, ઈન્ફોસિસ, TCS અને HCL ટેક જેવી મોટી કંપનીઓના શેરોમાં જોરદાર ખરીદી જોવા મળી. જેના કારણે ઇન્ડેક્સને વધુ સપોર્ટ મળ્યો.

આ પણ વાંચો: બજાર ઘટે કે વધે? અદાણી ગ્રુપના આ શેરે કરી કમાલ, પહોચ્યો All Time High પર

ટોપ ગેઇનર્સ શેર

બજારમાં થયેલી આ તેજી દરમિયાન લાર્જ-કેપ શેરોમાં ઇન્ડિગો (5.10%), L&T (2.90%), ઇટરનલ (2.65%), TCS (2.60%), ઇન્ફોસિસ (2.55%) અને અદાણી પોર્ટ્સ (2.40%) નોંધપાત્ર વધારા સાથે ટ્રેડ થયા. મિડ-કેપમાં HP (4.50%), સુઝલોન (4.40%), GMR એરપોર્ટ (4%), IDFC ફર્સ્ટ બેંક (2.60%) અને ડિક્સન (2.55%) મજબૂત રહ્યા. જ્યારે સ્મોલ-કેપમાં રિલાયન્સ પાવર (8.85%), સિન્ટ (7.10%) અને હિન્દુસ્તાન કોપર (6.50%)માં તેજી જોવા મળી. કુલ મળીને, બજારમાં આજે વ્યાપક રીતે ખરીદીનો માહોલ રહ્યો અને રોકાણકારોમાં ઉત્સાહ જોવા મળ્યો.

(DISCLAIMER : બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ