બિઝનેસ / લાખોપતિ બનવું છે? તો પહોંચી જાઓ આ દેશમાં, કરન્સીની વેલ્યૂ જાણી ચક્કર ચડી જશે!

અમેરિકા અને પશ્ચિમી દેશો (યુરોપ) દ્વારા લાદવામાં આવેલા પ્રતિબંધોની ઈરાન પર ગંભીર અસર પડી છે. ભારતનો આ મિત્ર દેશ પણ ઈઝરાયલ સાથેના સંઘર્ષનો ભોગ બની રહ્યો છે. પરિણામે, ફુગાવો સતત વધી રહ્યો છે અને દેશની નાણાકીય સ્થિતિ નબળી પડી રહી છે. આ દરમિયાન ઈરાની સંસદે એક ઐતિહાસિક બિલ પસાર કર્યું છે જે તેના ચલણ રિયાલમાંથી ચાર શૂન્ય દૂર કરશે.

એટલે કે આનો અર્થ એ થયો કે 10000 જૂના રિયાલ હવે 1 નવા રિયાલ બરાબર છે. ભલે આ ફક્ત આંકડાઓનો ખેલ લાગે, પણ તેનું મૂળ ફુગાવો, યુએસ પ્રતિબંધો અને બગડતી અર્થવ્યવસ્થામાં છે. આ બધા વચ્ચે, ભારતીય રૂપિયો ઈરાનમાં મજબૂત સ્થાન ધરાવે છે. તેથી, જો તમે ઈરાનની યાત્રાનું આયોજન કરી રહ્યા છો, તો તે ખૂબ જ સસ્તું હોવાની શક્યતા છે. એક સમય હતો જ્યારે 1979ની ઇસ્લામિક ક્રાંતિ પછી રિયાલ સંઘર્ષ કરી રહ્યું છે, અને હવે તે ભારતીય ચલણ કરતાં સસ્તું છે. એક સમય હતો જ્યારે ઈરાનમાં એક રોટલી ખરીદવા માટે લાખો નોટો ગણવી પડતી હતી.

1000 INR બરાબર કેટલા Iranian Rial

ઈરાનમાં એક ભારતીય રૂપિયો 473.20 રિયાલ બરાબર થાય છે. આનો અર્થ એ કે જો તમે ફક્ત 100 રૂપિયા તમારી સાથે લઈ જાઓ છો, તો તમારી પાસે લગભગ 47,319 રિયાલ હશે. 1000 ભારતીય રૂપિયા 473,199 રિયાલ બરાબર થાય છે. પરિણામે, ઈરાન ભારતીયો માટે સસ્તી મુસાફરી અને ખરીદી માટે એક શ્રેષ્ઠ સ્થળ બની ગયું છે.

ચલણમાંથી 4 શૂન્ય દૂર કરવાથી શું બદલાશે?

ઈરાનના રાજ્ય મીડિયા એ અહેવાલ આપ્યો છે કે રિયાલ એ જ રહેશે, ચલણમાંથી ફક્ત 4 શૂન્ય દૂર કરવામાં આવશે. સેન્ટ્રલ બેંકને આ માટે તૈયારી કરવા માટે 2 વર્ષનો સમય મળશે. 10,000 નું જૂનું રિયાલ હવે 1 નવું રિયાલ બનશે. આનાથી વ્યવહારો સરળ બનશે. આવી સ્થિતિમાં, બિલ ચૂકવતી વખતે ગણતરી કરવામાં આવતી મુશ્કેલી હવે સમાપ્ત થશે. પહેલા બ્રેડ ખરીદવા માટે 10,000 રિયાલ ચૂકવવા પડતા હતા, હવે ફક્ત એક જ રિયાલ ચૂકવવા પડશે. લાખોને બદલે, સેંકડો ગણવા પડશે.

વધુ વાંચો: ડિજિટલ દુનિયામાં VTV Digitalની જબરજસ્ત સફળતા, સૌ ફોલોઅર્સનો હૃદયપૂર્વક આભાર

રોટલી ખરીદવા માટે લાખો રૂપિયાની નોટો ગણવી પડતી હતી.

હકીકતમાં રિયાલ 1979 ની ઇસ્લામિક ક્રાંતિથી સંઘર્ષ કરી રહ્યું છે. અને હવે તે કાગળ કરતા સસ્તું થઈ ગયું છે. પહેલા ઈરાનમાં રોટલી ખરીદવા માટે લાખો રૂપિયાની નોટો ગણવી પડતી હતી, જોકે, હવે લોકોને આમાંથી રાહત મળશે. છેલ્લા ઘણા વર્ષોથી ઈરાનમાં ફુગાવો 35 ટકાથી ઉપર છે. ક્યારેક તે 40 તો ક્યારેક 50 ટકા સુધી પહોંચે છે.

(DISCLAIMER : બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે. કોઈ પણ દેશની કરન્સી વિશેની કોઈ પુષ્ટિ કે સત્યતાની જવાબદારી vtvgujarati.com ની રહેશે નહિ. કોઈ પણ મુશ્કેલી માટે પણ vtvgujarati.com બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ