Gold-Silver Rate / અમેરિકા-ઈરાન સીઝફાયરની અસર સોના-ચાંદી પર, કિંમતી ધાતુઓના ભાવમાં નોંધાયો ઉછાળો

Gold-Silver Rate Today: શેરબજારમાં આજે બુધવારના દિવસે ભારે કડાકો બોલ્યો હતો. (Stock Market Crash) તો એનાથી વિપરીત બીજી તરફ સોના અને ચાંદીના ભાવમાં (Gold-Silver Rate) જબરદસ્ત તેજી જોવા મળી રહ્યો છે. મલ્ટી કોમોડિટી એક્સ્ચેન્જ MCX પર છેલ્લા કેટલાય દિવસોથી ચાંદીના ભાવમાં સતત થઈ રહેલા ઘટાડામાં રોક લાગી છે અને હવે ચાંદીના ભાવમાં સીધો 6000 રૂપિયા પ્રતિ કિલોનો ઉછાળો આવ્યો છે તો બીજી તરફ સોનાના ભાવમાં પણ વધારો નોંધાયો છે.

અમેરિકા અને ઈરાન વચ્ચે યુદ્ધવિરામ જાહેર થયા બાદ પણ વૈશ્વિક બજારોમાં અનિશ્ચિતતા યથાવત છે. બંને દેશો વચ્ચે તણાવ ચાલુ રહેતા તેનું સીધો પ્રભાવ આર્થિક બજારો પર જોવા મળી રહ્યું છે. ક્રૂડ ઓઈલના ભાવમાં વધારાને કારણે શેરબજારમાં ઘટાડો નોંધાયો છે. જ્યારે સોનું અને ચાંદી જેવી કિંમતી ધાતુઓમાં રોકાણકારોનું વલણ વધતા તેમના ભાવોમાં તેજી જોવા મળી રહી છે.

ચાંદીના ભાવમાં ઉતાર-ચઢાવ

ચાંદીના બજારમાં પણ મહત્વપૂર્ણ હલચલ નોંધાઈ છે. MCX એક્સચેન્જ પર 5 મેના એક્સપાયરીવાળી ચાંદીનો ભાવ પાછલા ટ્રેડિંગ દિવસે 2,50,698 રૂપિયા પ્રતિ કિલોગ્રામ પર બંધ થયો હતો. જોકે બુધવારે બજાર ખુલતા જ તેમાં ઘટાડો થઈ ભાવ 2,44,701 રૂપિયા સુધી પહોંચી ગયો. આ પ્રમાણે ભાવમાં 5997 નો ફેરફાર નોંધાયો છે. આમ ચાંદી તેના ઓલ ટાઈમ હાઈ રેટ્સથી ઘણું નીચે ટ્રેડ થઈ રહી છે. જાન્યુઆરીમાં ચાંદીનો ભાવ પહેલી વાર 4,00,000 પાર કરી 4,39,337 પ્રતિ કિલોગ્રામ સુધી પહોંચ્યો હતો. પરંતુ છેલ્લા દિવસોની સરખામણીમાં હાલ ચાંદીના ભાવમાં 6000 રૂપિયાનો વધારો નોંધાયો છે.

સોનાના ભાવમાં તેજી

સોનાના બજારમાં પણ તેજીનો માહોલ જોવા મળ્યો છે. 5 જૂનના વાયદા માટે મંગળવારે સોનાનો ભાવ 1,51,671 રૂપિયા પ્રતિ 10 ગ્રામ પર બંધ થયો હતો. જ્યારે બુધવારે બજાર ખુલતા ભાવ વધીને 1,53,699 રૂપિયા પર પહોંચી ગયો. આ પ્રમાણે 24 કેરેટ સોનાના ભાવમાં 2028 રૂપિયાનો વધારો નોંધાયો છે. રોકાણકારો દ્વારા સુરક્ષિત રોકાણ તરીકે સોનામાં વધતી માંગને કારણે આ તેજી જોવા મળી રહી છે.

હાઈ લેવલથી ભાવ ઓછા

તાજેતરના વધારા છતાં સોનું અને ચાંદી બંને તેમના ઓલ ટાઈમ હાઈ લેવલથી હજુ પણ નીચે ટ્રેડ થઈ રહ્યા છે. MCX પર જાન્યુઆરી મહિનામાં સોનાએ પહેલી વાર 2,00,000 પ્રતિ 10 ગ્રામનો આંકડો પાર કર્યો હતો અને 2,02,984 સુધી ભાવ પહોંચ્યો હતો. હાલના દર મુજબ સોનું લગભગ 49,285 રૂપિયા સસ્તુ છે.

આ પણ વાંચો: ઓટો ડેબિટ નિયમઃ ગ્રાહકોને પોતાના પૈસા પર મળશે વધુ નિયંત્રણ, RBI લાગુ કરી નવી ગાઇડલાઇન

શેરબજારમાં ઉથલપાથલ

આ દરમિયાન શેરબજારમાં પણ નબળાઈ જોવા મળી રહી છે. બુધવારે ટ્રેડિંગના ત્રીજા દિવસે BSE સેન્સેક્સમાં લગભગ 800 પોઈન્ટનો ઘટાડો નોંધાયો હતો. જ્યારે NSE નિફ્ટી પણ 200 પોઈન્ટ જેટલો નીચે ટ્રેડ થઈ રહ્યો હતો. વૈશ્વિક તણાવ અને ક્રૂડ ઓઈલના વધતા ભાવને કારણે બજારમાં દબાણ વધ્યું છે. આ પરિસ્થિતિમાં રોકાણકારો માટે સાવચેતી રાખવી જરૂરી બની છે. કારણ કે આવનારા દિવસોમાં બજારમાં વધુ ઉતાર-ચઢાવ જોવા મળી શકે છે.

(DISCLAIMER બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ