બિઝનેસ / રોકાણકારોને આ કંપનીમાં છપ્પરફાડ કમાણી! એક લાખના બનાવી દીધા 19000000 રૂપિયા

કન્ઝ્યુમર ઇલેક્ટ્રોનિક્સ ઇન્ડસ્ટ્રી સાથે જોડાયેલી કંપની પીજી ઇલેક્ટ્રોપ્લાસ્ટ લિમિટેડના શેરોએ જબરદસ્ત રિટર્ન આપ્યું છે. પીજી ઇલેક્ટ્રોપ્લાસ્ટના શેરોએ માત્ર પાંચ વર્ષમાં શેરધારકોને માલામાલ બનાવ્યા છે. કંપનીના શેર માત્ર પાંચ વર્ષમાં 19000 ટકાથી વધુ ઉછળ્યા છે. પીજી ઇલેક્ટ્રોપ્લાસ્ટ લિમિટેડના શેરોએ માત્ર પાંચ વર્ષમાં 1 લાખ રૂપિયાનું રોકાણ વધારીને 1.9 કરોડ રૂપિયા કર્યું છે. કંપનીના શેરનું ૫૨ અઠવાડિયાનું હાઇ લેવલ 1054.95 રૂપિયા છે. તે જ સમયે, કંપનીના શેરનું 52 અઠવાડિયાનું નીચું સ્તર 334 રૂપિયા છે.

1 લાખ રૂપિયા 1.9 કરોડ રૂપિયાથી વધુ થયા

17 જુલાઈ 2020 ના રોજ પીજી ઇલેક્ટ્રોપ્લાસ્ટના શેર 3.96 રૂપિયા પર હતા. 27 જૂન 2025 ના રોજ બીએસઈ પર આ મલ્ટિબેગર કંપનીના શેર 760.95 રૂપિયા પર બંધ થયા. જો કોઈ વ્યક્તિએ 17 જુલાઈ 2020 ના રોજ પીજી ઇલેક્ટ્રોપ્લાસ્ટના શેરમાં 1 લાખ રૂપિયાનું રોકાણ કર્યું હોત અને પોતાનું રોકાણ જાળવી રાખ્યું હોત, તો 1 લાખ રૂપિયાથી ખરીદેલા શેરનું વર્તમાન મૂલ્ય 1.92 કરોડ રૂપિયા હોત. 27 જૂન 2025 ના રોજ પીજી ઇલેક્ટ્રોપ્લાસ્ટનું માર્કેટ કેપ 21,561.26 કરોડ રૂપિયા સુધી પહોંચી ગયું છે.

4 વર્ષમાં કંપનીના શેરમાં 1771% નો ઉછાળો

છેલ્લા ચાર વર્ષમાં પીજી ઇલેક્ટ્રોપ્લાસ્ટ લિમિટેડના શેર 1771 ટકા વધ્યા છે. આ સમયગાળા દરમિયાન કંપનીના શેર 40.67 રૂપિયાથી વધીને 760.95 રૂપિયા થયા છે. જો છેલ્લા ત્રણ વર્ષની વાત કરીએ તો, કંપનીના શેરમાં 750 ટકાનો વધારો જોવા મળ્યો છે. જ્યારે, છેલ્લા બે વર્ષમાં, પીજી ઇલેક્ટ્રોપ્લાસ્ટના શેર 382 ટકા વધ્યા છે. છેલ્લા એક વર્ષમાં, પીજી ઇલેક્ટ્રોપ્લાસ્ટના શેર 114 ટકા વધ્યા છે. જોકે, આ વર્ષે અત્યાર સુધીમાં, કંપનીના શેરમાં 25 ટકાથી વધુનો ઘટાડો જોવા મળ્યો છે.

વધુ વાંચો: રોકાણકારોને બખ્ખાં! માત્ર 12 પૈસાનો આ શેર, તમને 5 જ વર્ષમાં બનાવી દેશે કરોડપતિ

10 ભાગમાં શેર વહેચી ચૂકી છે કંપની

પીજી ઇલેક્ટ્રોપ્લાસ્ટે તેના શેરને 10 ભાગમાં વહેંચ્યા છે. મલ્ટિબેગર કંપનીએ જુલાઈ 2024 માં 10 રૂપિયાના ફેસ વેલ્યુવાળા તેના શેરને 1 રૂપિયાના ફેસ વેલ્યુવાળા 10 શેરમાં વહેંચ્યા હતા.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ