બિઝનેસ / રોકાણકારોને બખ્ખાં! માત્ર 12 પૈસાનો આ શેર, તમને 5 જ વર્ષમાં બનાવી દેશે કરોડપતિ

અમેરિકન પ્રમુખ ડોનાલ્ડ ટ્રમ્પ દ્વારા લગાવવામાં આવેલા ટેરિફ, ઇઝરાયલ-ઇરાન યુદ્ધ વગેરે પછી જિયો પોલિટિકલ તણાવ વધવાને કારણે ભારતીય શેરબજારમાં તાજેતરમાં ઘણી અસ્થિરતા જોવા મળી છે. જેના કારણે રોકાણકારો માટે એવા શેર શોધવાં ખૂબ મુશ્કેલ બની ગયાં છે જે આવા ઊથલપાથલનો સામનો કરી શકે અને યોગ્ય નફો આપી શકે.

જોકે, એક શેર એવો છે જેણે આ અસ્થિરતાને હરાવવાનો સફળ પ્રયાસ કર્યો છે. રોકાણકારોને સતત નફો અપાવી રહ્યો છે. આ મલ્ટીબેગર શેરનું નામ છે હઝૂર મલ્ટી પ્રોજેક્ટ્સ.

હજૂર મલ્ટી પ્રોજેક્ટ્સ, જેની કિંમત જૂન 2020માં 0.12 રૂપિયા હતી, તે હવે BSE પર 39.19 રૂપિયા પર ટ્રેડ થઈ રહ્યો છે. તેનો અર્થ એ થયો કે જો કોઈએ આ શેરમાં 1 લાખ રૂપિયાનું રોકાણ કર્યું હોત તો તેની કિંમત આજના સમયમાં 3.27 કરોડ રૂપિયા થઇ ગઈ હોત.

કંપનીના શેરનો દેખાવ કેવો રહ્યો છે?

શુક્રવારના વ્યવસાયિક સત્રમાં હઝૂર મલ્ટી પ્રોજેક્ટ્સના શેર 38.50 રૂપિયા પ્રતિ શેર ભાવ સાથે ખુલ્યા હતા અને બજાર બંધ થયે આશરે 2.5%ની તેજી સાથે 39.19 રૂપિયા પર પહોંચ્યા હતા. આ પેની સ્ટોકે પાંચ વર્ષમાં 32,558 ટકા કરતાં વધુની વૃદ્ધિ કરી અને તેના લાંબા ગાળાના રોકાણકારોને મલ્ટીબેગર રિટર્ન આપ્યું છે.

જોકે, મલ્ટીબેગર પેની સ્ટોક ટૂંકા ગાળાના રોકાણકારોને પ્રભાવિત કરવામાં નિષ્ફળ રહ્યો છે. ગયા એક વર્ષમાં હઝૂર મલ્ટી પ્રોજેક્ટ્સના શેરોમાં આશરે 13%નો વધારો થયો છે. આ વચ્ચે, છેલ્લાં છ મહિનામાં આ શેરમાં 21%થી વધુનો ઘટાડો થયો છે.

હાલના વર્ષની વાત કરીએ તો આ શેરે રોકાણકારોને ઘણા નિરાશ કર્યા છે અને અંદાજે 27%નો ઘટાડો આવી ચુક્યો છે. વર્ષની શરૂઆતમાં આ શેર 53 રૂપિયા કરતા વધુના ભાવ પર જોવા મળ્યો હતો.

ચોથી ત્રિમાસિકમાં કંપનીનો ધંધો કેવો રહ્યો હતો?

કંપનીના ચોથી ત્રિમાસિક પરિણામો અનુસાર કંપનીના નેટ પ્રોફિટમાં અંદાજે 69%નો ઘટાડો જોવા મળ્યો, જે ગયા વર્ષેની આ જ અવધિમાં 53.93 કરોડથી ઘટીને 16.78 કરોડ રૂપિયા રહ્યો. મુખ્ય રિયલ એસ્ટેટ ઓપરેશનમાંથી મળેલ આવકમાં પણ 46%નો નોંધપાત્ર ઘટાડો થયો છે અને આ વર્ષ 2024-25ની ચોથી ત્રિમાસિકમાં 249 કરોડ રૂપિયા રહી છે, જ્યારે ગયા વર્ષના આ જ સમયગાળામાં આ આવક 464 કરોડ રૂપિયા હતી.

વધુ વાંચો: યુવાઓ થઈ જાઓ તૈયાર! ભારતમાં 350000000 નોકરીઓનું થશે સર્જન!

30 મે 2025ના રોજ, હઝૂર મલ્ટી પ્રોજેક્ટ્સના બોર્ડ ઓફ ડિરેક્ટર્સે નાણાંકીય વર્ષ 2024-25 માટે 1 રૂપિયા ફેસ વેલ્યુ ધરાવતાં શેર પર 0.20 રૂપિયા પ્રતિ શેર અંતિમ ડિવિડન્ડ જાહેર કર્યો હતો. કંપનીએ એક્સચેન્જ ફાઈલિંગમાં જણાવ્યું હતું કે બોર્ડે નાણાંકીય વર્ષ 2024-25 માટે શેરહોલ્ડર માટે 20 ટકા અંતિમ લાભાંશ આપવા ભલામણ કરી છે, જે પૂરેપૂરા ચૂકવાયેલા અને 1 રૂપિયા અંકિત મૂલ્ય ધરાવતા દરેક ઇક્વિટી શેર પર 20 પૈસાનો રહેશે.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ