બિઝનેસ / ચાંદીની ચમક ફિક્કી પડી, ભાવમાં 22,000 રૂપિયાનો ઘટાડો, જાણો લેટેસ્ટ રેટ

સોના અને ચાંદીના ETFમાં આજે ફરી ઘટાડો નોંધાયો છે. બંને ધાતુઓ પોતાના રેકોર્ડ હાઈ લેવલથી 20% કરતાં વધુ તૂટ્યાં છે. વૈશ્વિક સ્તરે પણ ગોલ્ડ-સિલ્વર પર દબાણ ચાલુ છે. હવે રોકાણકારો માટે સૌથી મોટો પ્રશ્ન એ છે કે શું કરવું વેચવું કે રાહ જોવી?

ગોલ્ડ-સિલ્વર રેટમાં ભારે ઘટાડો

વિશ્વબજારમાં હાજર સોનું 0.53% ઘટીને $4,102.09 પ્રતિ ઔંસ પર આવ્યું છે. ડિસેમ્બર વાયદા માટે અમેરિકન સોનું 0.4% વધીને $4,124.10 પ્રતિ ઔંસ પર ટ્રેડ થઈ રહ્યું છે. ચાંદી હાલ $48.82 પ્રતિ ઔંસ પર છે, જ્યારે તે ક્યારેક $52 પ્રતિ ઔંસ સુધી પહોંચી ગઈ હતી.

ચાંદી ₹22,000 સસ્તી

MCX પર ચાંદી હાલમાં ₹1,48,385 પ્રતિ કિલોના દરે ટ્રેડ થઈ રહી છે. આજે તેમાં ₹2,827નો વધારો નોંધાયો છે. પરંતુ તેના રેકોર્ડ હાઈ ₹1,70,415ની સરખામણીમાં ચાંદી લગભગ ₹22,000 સસ્તી થઈ ગઈ છે. સોનું પણ હાલ ₹1,23,400 પ્રતિ 10 ગ્રામ પર છે, જે પોતાના રેકોર્ડ હાઈ ₹1,32,294થી લગભગ ₹9,000 નીચે છે.

સિલ્વર ETFમાં ઘટાડો

• Nippon India Silver ETF – 20% નીચે
• SBI Silver ETF – 18% નીચે
• HDFC Silver ETF – 24% નીચે
• ICICI Silver ETF – 21% નીચે

ગોલ્ડ ETFમાં પણ ઘટાડો

• Gold Bees ETF – 7% ઘટાડો
• HDFC Gold ETF – 6% નીચે
• SBI Gold ETF – 6.3% નીચે
• ICICI Gold ETF – 6.6% નીચે

આ પણ વાંચોઃ ટ્રમ્પનો એક સંકેત અને ભારતીય શેરબજારમાં આવી તેજી, રોકેટ બની ગયા આ શેર!

રોકાણકારો માટે એક્સપર્ટ સલાહ

ફાઇનાન્સ એક્સપર્ટ્સ કહે છે કે સોનું અને ચાંદી લાંબા ગાળાના રોકાણ માટે ઉત્તમ એસેટ્સ છે. બજારમાં ઘટાડો ટૂંકા ગાળાનો છે, લાંબા ગાળે આ ધાતુઓ ફરી ઉછાળી શકે છે. જો તમે ETFમાં હાઈ પ્રાઈસ પર એન્ટ્રી લીધી હોય, તો પેનિક ન થવું, ધીરજ રાખવી જોઈએ. ઘટાડામાં તમે ETFને એવરેજ કરીને ખરીદી પણ કરી શકો છો. નવા રોકાણકારો માટે સલાહ છે કે દર અઠવાડિયે કે મહિને નાના અમાઉન્ટમાં ETF ખરીદો, જેથી લાંબા ગાળે સારો નફો મળી શકે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ