ટોક્યો / BREAKING : જાપાનના પ્રધાનમંત્રી શિગેરુ ઈશિબાનું રાજીનામું! જાણો અચાનક શું બન્યું?

Japan PM resign: જાપાનના વડાપ્રધાન શિગેરુ ઇશિબા રાજીનામું આપશે. તેમણે પોતાના પક્ષ LDP માં વિભાજન અટકાવવા માટે આ નિર્ણય લીધો છે. તાજેતરની ચૂંટણીઓમાં, LDP-ગઠબંધનને ઉપલા ગૃહમાં હારનો સામનો કરવો પડ્યો હતો. પક્ષની અંદર નેતૃત્વ પરિવર્તનની લાંબા સમયથી માંગ ઉઠી રહી હતી. જેના કારણે રાજીનામું આપવું તેમના માટ ફરજીયાત હતું.

સત્તા પર પકડ નબળી પડી

ઉપલા ગૃહના ચૂંટણી પરિણામથી વડાપ્રધાન શિગેરુ ઇશિબાની સત્તા પરની પકડ વધુ નબળી પડી ગઈ હતી. જોકે તેમણે પક્ષના વડા રહેવાની જાહેરાત કરી હતી. ઇશિબાએ આનું કારણ અમેરિકા સાથે ચાલી રહેલી ટેરિફ વાટાઘાટો ગણાવી હતી. જ્યાં તાજેતરમાં જ યુએસ પ્રમુખ ટ્રમ્પે જાપાન પર ટેરિફ 25 ટકાથી ઘટાડીને 15 ટકા કર્યો છે. જુલાઈમાં યોજાયેલી ચૂંટણીમાં લિબરલ ડેમોક્રેટિક પાર્ટી (LDP) અને તેના સાથી કોમિટોએ કુલ 47 બેઠકો જીતી હતી. જ્યારે બહુમતી માટે ઓછામાં ઓછી 50 બેઠકોની જરૂર હતી. ઉપલા ગૃહમાં કુલ 248 બેઠકો છે અને આ ચૂંટણીમાં અડધી બેઠકો પર મતદાન થયું હતું.

આ પણ વાંચો : દિલ્હી ફરી પૂરનાં સંકટમાં ફસાઈ, ઘરો પાણીમાં ગરકાવ અને યમુના નદીનું રૌદ્ર સ્વરૂપ

LDPનું નબળું ચૂંટણી પ્રદર્શન

ગયા વર્ષે ઓક્ટોબરમાં યોજાયેલી નીચલા ગૃહની ચૂંટણીમાં, LDPને છેલ્લા 15 વર્ષમાં તેના સૌથી ખરાબ પ્રદર્શનનો સામનો કરવો પડ્યો હતો. આ કારણે, ઇશિબા સરકાર હવે અવિશ્વાસ દરખાસ્તો અને પક્ષની અંદર નેતૃત્વ પરિવર્તનની માંગણીઓ વચ્ચે ફસાઈ ગઈ હતી. જુલાઈમાં ઉપલા ગૃહની ચૂંટણીના પરિણામો આવ્યા પછી, પીએમ ઇશિબાએ મીડિયા સાથેની વાતચીતમાં કહ્યું હતું કે, "હું આ કઠોર પરિણામને ગંભીરતાથી સ્વીકારું છું."

ટ્રમ્પ તરફથી ટેરિફમાં રાહત મળી હતી

બાદમાં એક મુલાકાતમાં તેમણે કહ્યું હતું કે, "અમે અમેરિકા સાથે ખૂબ જ મહત્વપૂર્ણ ટેરિફ વાટાઘાટોમાં રોકાયેલા છીએ. આ વાટાઘાટોને બગાડવી એ અમારી સૌથી મોટી ભૂલ હશે. તેથી, રાષ્ટ્રીય હિતો પ્રાપ્ત કરવા માટે આપણે સંપૂર્ણ સમર્પણ અને શક્તિ લગાવવી પડશે." ઉદાહરણ તરીકે, હવે જ્યારે તેઓ પદ છોડવાના છે, ત્યારે જાપાનને પણ અમેરિકા તરફથી ટેરિફ રાહત મળી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ