ચૂંટણી / સલમાનના બોડીગાર્ડે કરી રાજનીતિમાં એન્ટ્રી, આ પાર્ટીમાં થઇ ગયો શામેલ

• સલમાન ખાનના બોડીગાર્ડ શેરાની રાજનીતિમાં એન્ટ્રી
• ઉદ્ઘવ ઠાકરે અને આદિત્ય ઠાકરેની હાજરીમાં શેરા શિવસેનામાં શામેલ

શુક્રવારે શિવસેનાના પ્રમુખ ઉદ્ઘવ ઠાકરે અને યુવા સેનાના અધ્યક્ષ આદિત્ય ઠાકરેની હાજરીમાં સલમાન ખાનના બોડીગાર્ડ શેરા શિવસેનામાં શામેલ થયો. શિવસેનાએ પોતાના ઑફિશ્યલ ટ્વીટર હેન્ડલ પર આ વાતની જાણકારી આપતા ફોટોઝ શૅર કર્યા છે.

अभिनेते सलमान खान जी यांचे निष्ठावंत व विश्वासू गुरमीत सिंग उर्फ शेरा जी यांनी आज मातोश्री निवासस्थानी येथे शिवसेना पक्षप्रमुख मा. श्री. उद्धव साहेब ठाकरे आणि युवासेनाप्रमुख @AUThackeray यांच्या उपस्थितीत शिवसेनेत जाहीर प्रवेश केला. pic.twitter.com/UQ2YN4CAnp

— ShivSena - शिवसेना (@ShivSena) October 18, 2019

આ ફોટોમાં જોઇ શકાય છે કે, શેરાએ ભગવા રંગનો ખેસ ધારણ કર્યો છે. આ સાથે જ તેના હાથમાં તલવાર છે. શિવસેનાએ તેની તસવીર શેર કરી છે. જણાવી દઇએ કે, મહારાષ્ટ્રમાં શિવસેના અને બીજેપી સાથે મળીને ચૂંટણી લડી રહ્યા છે. શેરાને પાછલા 22 વર્ષોથી સલમાનનો સૌથી ભરોસાપાત્ર બોડીગાર્ડ મનાવામાં આવે છે. તેનું અસલી નામ ગુરમીત સિંહ જોલી છે. 

ઉલ્લેખનીય છે કે, મહારાષ્ટ્રના બધા 288 વિધાનસભાની સીટો માટે એક જ ચરણમાં 21 ઓક્ટોબર વોટ નાખવા માટે જશે. આજ દિવસે જ હરિયાણામાં 90 સીટો પર વિધાનસભાની ચૂંટણી યોજવાની છે. તેના 3 દિવસ પછી એટલે કે 24 ઓક્ટોબરના રોજ બંને રાજ્યોમાં ચૂંટણીના પરિણામ આવશે.