દુર્ઘટના / અમદાવાદ પ્લેન ક્રેશનું બોલિવૂડ કનેકશન, વિક્રાંત મેસીના ભાઈએ ગુમાવ્યો જીવ

12 જૂન 2025ના રોજ અમદાવાદ શહેરના મેઘાણીનગર વિસ્તારના આઈજીપી ક્વાર્ટર્સ વિસ્તારમાં એક અત્યંત દુઃખદ અને હચમચાવી નાખે એવી ઘટના બની છે. એર ઇન્ડિયાની ફ્લાઇટ AI-171, જે બોઇંગ વિમાન હતું, અને જેમાં લગભગ 200 મુસાફરો અને કાર્ગો સામાન પણ હતું, તે વિમાન અમદાવાદથી લંડન જવા માટે બપોરે 1.38 વાગ્યે ટેકઓફ થયું હતું. પરંતુ માત્ર બે જ મિનિટમાં, એટલે કે 1.40 વાગ્યે તે વિમાન તૂટી પડ્યું અને એક બિલ્ડિંગ સાથે અથડાઈ ગયું. આ ભીષણ દુર્ઘટનામાં તમામ મુસાફરોના દુઃખદ અવસાન થયા છે. સાથે જ લિસ્ટમાં વિક્રાંત મેસીનો ભાઈ અને પાયલ ઘોષની મિત્રનું  પણ નામ છે. આ વાતની માહિતી વિક્રાંત મેસીએ  અને પાયલ ઘોષ બંનેએ આપી છે.

વિક્રાંત મેસીની ઇંસ્ટા પોસ્ટ

વિક્રાંત મેસીએ ઇન્સ્ટાગ્રામ પર પોસ્ટ શેર કરી અને લખ્યું " આ દુર્ઘટનાએ મારા હ્રદયને તોડી નાખ્યું છે. આ વધુ પીડાદાયક છે કારણ કે મારા કાકા, ક્લિફર્ડ કુન્દરે પોતાના દીકરા ક્લાઇવ કુન્દરને ગુમાવ્યો છે, જે આ ફ્લાઇટનો ફર્સ્ટ ઓફિસર હતો. ભગવાન મારા કાકાને અને તમામ પ્રભાવિત પરિવારોને તાકાત આપે."

પાયલ ઘોષની સ્ટોરી

પાયલ ઘોષે ઇન્સ્ટાગ્રામ સ્ટોરી પર પોસ્ટ કરતાં પોતાની મિત્ર ગુમાવી છે તેની માહિતી આપી અને મિત્રના પરિવાર માટે સંવેદના વ્યક્ત કરી છે. તેને લખ્યું છે કે, 'રેસ્ટ ઈન પીસ પ્રીતિ. મારી સંવેદના ચટર્જી પરિવાર સાથે છે. અમદાવાદમાં પ્લેન ક્રેશ.'

સેલેબ્સે શોક વ્યક્ત  કર્યો

દુર્ઘટના બાદ આખો દેશ શોકમાં ડૂબી ગયા છે. ફિલ્મ ઈન્ડસ્ટ્રીથી પણ સ્ટાર્સે શોક વ્યક્ત કર્યો છે. શાહરુખ ખાન, અનુષ્કા શર્મા અને આમિર ખાન સહિત ઘણા હસ્તીઓએ પીડિત પરિવારો પ્રતિ સંવેદના વ્યક્ત કરી છે.  

વધુ વાંચો: પ્લેન ક્રેશને લઈ અમિત શાહનું નિવેદન : ગરમી અને વિમાનની અંદર રહેલા 1.25 લાખ લિટર ઇંધણને કારણે કોઈને

કોણ હતું ક્રેશ પ્લેનનું પાયલટ?

એર ઇન્ડિયાએ પુષ્ટિ આપી હતી કે વિમાનમાં 169 ભારતીય, 53 બ્રિટિશ, એક કેનેડિયન અને સાત પોર્ટુગીઝ નાગરિકો સવાર હતા. વિમાનનું નેતૃત્વ કેપ્ટન સુમિત સભરવાલ કરી રહ્યા હતા, જેને 8,200 કલાક ઉડાનનો અનુભવ હતો. તેની સાથે ક્લાઇવ કુંદર કો-પાયલોટ તરીકે હતા, જેમને 1,100 કલાક ઉડાનનો અનુભવ હતો. તમને જણાવી દઈએ કે, ક્લાઇવ વિક્રાંતનો ભાઈ છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ