લ્યો બોલો / વધુ એક જાણીતી બોલિવૂડ એક્ટ્રેસનું ઘર તૂટ્યું! લગ્નના ત્રણ વર્ષમાં જ છૂટાછેડા!

બોલીવુડ અભિનેત્રી હંસિકા મોટવાણીએ 3 વર્ષ પહેલા બીઝનેસમેન સોહેલ ખટુરિયા સાથે લગ્ન કર્યા હતા. હવે તેમના સંબંધોમાં તિરાડ પડવાની અફવાઓ સામે આવવા લાગી છે. હિન્દુસ્તાન ટાઈમ્સે તેના અહેવાલમાં દાવો કર્યો છે કે હંસિકા મોટવાણી તેના પતિથી અલગ રહે છે. એટલું જ નહીં, તેમના સંબંધો પર પણ પ્રશ્નો ઉભા થઈ રહ્યા છે.

અફવાઓ પાછળનું સત્ય શું છે?

મીડિયા રીપોર્ટ મુજબ, 'હંસિકા તેની માતા સાથે રહેવા લાગી છે, જ્યારે સોહેલ તેના માતાપિતા સાથે રહે છે. ડિસેમ્બર 2022 માં જ્યારે બંનેના લગ્ન થયા, ત્યારે તેઓએ શરૂઆતમાં સોહેલના પરિવાર સાથે રહેવાનું શરૂ કર્યું. જોકે, મોટા પરિવાર સાથે એડજસ્ટ થવું એક સમસ્યા હતી. તેથી, તેઓ એક જ બિલ્ડિંગમાં કોન્ડોમાં રહેવા લાગ્યા. પરંતુ એવું લાગે છે કે સમસ્યાઓ યથાવત રહે છે.'

33 વર્ષીય હંસિકા અને 35 વર્ષીય સોહેલે જયપુરના એક કિલ્લામાં ભવ્ય લગ્ન કર્યા હતા. ત્યારબાદ આ સમારોહને રિયાલિટી ટીવી શોની જેમ બતાવવામાં આવ્યો હતો, હંસિકાના પ્રેમ લગ્ન. તેમના લગ્ન ચર્ચામાં આવ્યા કારણ કે હંસિકાના આગમન પહેલાં, સોહેલના લગ્ન રિંકી બજાજ સાથે થયા હતા. એવું કહેવામાં આવી રહ્યું હતું કે રિંકી અને હંસિકા બેસ્ટ મિત્રો છે. જોકે, હંસિકા અને સોહેલ બંનેએ સ્પષ્ટતા કરી હતી કે તેઓ એકબીજાને ઘણા લાંબા સમયથી ઓળખે છે કારણ કે સોહેલ તેના ભાઈનો મિત્ર હતો.

આ પણ વાંચો : વરસાદમાં બાઈક બંધ પડે તો ફટાફટ કરો આ કામ, ગેરેજનો ખર્ચો બચી જશે!

ટીવી સિરિયલે મને ઓળખ આપી

જણાવી દઈએ કે હંસિકા મોટવાણીને વર્ષ 2002 માં આવેલી સીરિયલ 'ક્યોંકી સાસ ભી કભી બહુ થી' માં ઓળખ મળી હતી. આ પછી, તેને ઘણી ફિલ્મોમાં કામ કર્યું અને હંસિકાએ ઋતિક રોશનની ફિલ્મ 'કોઈ મિલ ગયા' માં બાળ કલાકાર તરીકે પણ પ્રશંસા મેળવી. આ પછી, હંસિકાએ બાળ કલાકાર તરીકે ઘણા યાદગાર પાત્રો ભજવ્યા અને ટીવીની દુનિયામાં પોતાનું નામ બનાવ્યું. હવે ઘણી સુપરહિટ સીરિયલોમાં દમદાર પાત્રો ભજવી ચૂકેલી હંસિકાએ 2022 માં એક બીઝનેસમેન સાથે લગ્ન કર્યા. લગ્નની તસવીરો અને વીડિયો પણ ખૂબ વાયરલ થયા હતા. હવે બંનેના સંબંધોમાં કડવાશની અફવાઓ બજારમાં ફેલાઈ રહી છે. જોકે, આ અફવાઓ પર હંસિકા અને તેના પતિ તરફથી કોઈ પ્રતિક્રિયા આવી નથી.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ