તપાસ / વડોદરાની ઇન્શ્યોરન્સ ઓફિસના ACમાં બ્લાસ્ટ થતા દોડધામ, 6 કર્મચારીઓ દાઝ્યાં, કરાયા હોસ્પિટલાઇઝ

વડોદરામાં ઓલ્ડ પાદરા રોડ પર મલ્હાર પોઈન્ટ પાસે શ્રી રામ ફાઈનાન્સ ઈન્શ્યોરન્સની ઓફીસમાં લગાવેલ એસીમાં બ્લાસ્ટ થતા આગ લાગી હતી. ત્યારે અચાનક બનેલ આ ઘટનામાં 6 કર્મચારીઓને ગંભીર ઈજાઓ થવા પામી હતી. તમામ કર્મચારીઓને ઈમરજન્સી 108 મારફતે સારવાર અર્થે હોસ્પિટલ ખસેડાયા હતા.

6 કર્મચારીઓ આગની ઘટનામાં દાઝ્યા

કોમ્પ્લેક્ષમાં ઈન્શ્યોરન્સની ઓફીસમાં લાગેલ એસીમાં એકાએક બ્લાસ્ટ થયા બાદ આગનો બનાવ બન્યો હતો. ત્યારે અચાનક જ બ્લાસ્ટ થતા ઓફીસનાં કર્મચારીઓમાં દોડાદોડ થઈ જવા પામી હતી. તેમજ કોમ્પ્લેક્ષમાં આવેલ ઓફીસોમાં પણ લોકોમાં ભયનો માહોલ વ્યાપી જવા પામ્યો હતો. આ ઘટના બનતાની સાથે જ ફાયર ફાઈટ તેમજ પોલીસ ઘટનાં સ્થળે પહોંચી બચાવ કામગીરી શરૂ કરી હતી.

વધુ વાંચોઃ એમ્બ્યુલન્સ અટવાઇ, રસ્તાઓ બંધ, ખેતરો ડૂબ્યાં, જુઓ છેલ્લા 24 કલાકમાં મેઘમહેરથી ગુજરાતમાં ક્યાં કેવી સ્થિતિ

ઘાયલોને સારવાર અર્થે હોસ્પિટલ ખાતે ખસેડાયા

શ્રી રામ ફાઈનાન્સ ઈન્શ્યોરન્સની ઓફીસનાં એસીમાં બ્લાસ્ટ થતા 6 કર્મચારીઓને ગંભીર ઈજાઓ પહોંચતા તેઓને તાત્કાલી સારવાર અર્થે સયાજી હોસ્પિટલ ખસેડાયા હતા. ત્યારે આ ઘટનાની જાણ પોલીસને થતા પોલીસ તાત્કાલીક ઘટનાં સ્થળે પહોંચી આગળની તપાસ હાથ ધરી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ