બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અમદાવાદના સમાચાર / એમ્બ્યુલન્સ અટવાઇ, રસ્તાઓ બંધ, ખેતરો ડૂબ્યાં, જુઓ છેલ્લા 24 કલાકમાં મેઘમહેરથી ગુજરાતમાં ક્યાં કેવી સ્થિતિ
10 ફોટો ગેલેરી
Last Updated: 12:15 PM, 29 July 2024
FOLLOW ON
શેર કરો
1/10
રાજ્યમાં સવારે 8 થી 10 વાગ્યા સુધી 132 તાલુકાઓમાં વરસાદ પડ્યો છે. સવારથી 8 થી 10 કલાક વચ્ચે સૌથી વધુ પ્રાંતિજમાં સવા પાંચ ઈંચ વરસાદ પડ્યો હતો. માણસામાં 3, તલોદમાં પોણા 3 ઈંચ, હિંમતનગરમાં અઢી ઈંચ, જોટાણામાં પોણા 2 ઈંચ, મોડાસામાં દોઢ, વિજાપુરમાં સવા ઈંચ, મેઘરજ તેમજ વિસનગરમાં સવા ઈંચ વરસાદ પડ્યો હતો.
આ તસવીર શેર કરો
2/10
આજે સવારથી રાજ્યનાં 162 તાલુકામાં વરસાદ પડ્યો હતો. પ્રાંતિજમાં સૌથી વધુ 5 ઈંચ, લુણાવાડામાં 4 ઈંચ, મોડાસા, તલોદમાં 3.5 ઈંચ, હિંમતનગર, મેઘરજમાં 3 ઈંચ, મહેસાણામાં 2.5 ઈંચ, ખાનપુર, જોટાણામાં સવા 2 ઈંચ, બાયડમાં પોણા 2 ઈંચ વરસાદ પડ્યો હતો. હજુ પણ રાજ્યનાં મોટા ભાગનાં જીલ્લામાં વરસાદની આગાહી કરવામાં આવી છે.
આ તસવીર શેર કરો
3/10
અમદાવાદમાં ધોધમાર વરસાદને પગલે એસ.જી. હાઈવેનાં સર્વિસ રોડમાં પાણી ભરાયા હતા. સામાન્ય વરસાદમાં જ બે ફૂટ જેટલા પાણી ભરાયા હત. એસ.જી.હાઈવે પર પાણી ભરાતા વાહન ચાલકો મુશ્કેલીમાં મુકાયા હતા.
આ તસવીર શેર કરો
4/10
અમદાવાદમાં વરસાદ બાદ અનેક વિસ્તારોમાં ટ્રાફિક જામની સ્થિતિ સર્જાઈ હતી. સરસપુર જવાનાં રસ્તે ઘૂંટણસમા પાણી ભરાયા હતા. રસ્તા પર જળભરાવને લઈ વાહન ચાલકો ટ્રાફિકમાં અટવાયા હતા. વાહનો પાણીમાં બંધ થતા 4 જેટલી એમ્બ્યુલન્સ ટ્રાફિકમાં અટવાઈ હતી. સ્થાનિકો દ્વારા ભારે ટ્રાફિકજામ વચ્ચેથી એમ્બ્યુલન્સને બહાર કાઢવાનાં પ્રયાસ કરાયા હતા.
આ તસવીર શેર કરો
5/10
સાબરકાંઠામાં ભારે વરસાદ પડ્યો. વરસાદના પગલે નાની મોટી નદી નાળાઓ છલકાયા. ખેડૂતોના ખેતરોમાં વરસાદી પાણી ભરાયા.હાઇવે સહિત રોડ પર જાણે નદીઓ વહેતી થઈ તેવા દ્રશ્યો સર્જાયા. આ સાથે સાબરકાંઠાના ગ્રામ્ય વિસ્તારોમાં પણ ભારે વરસાદ પડ્યો.
આ તસવીર શેર કરો
6/10
સાબરકાંઠામાં વહેલી સવારથી ધોધમાર વરસાદ વરસી રહ્યો છે. ભારે વરસાદને કારણે અનેક વિસ્તારોમાં પાણી ભરાયા છે. ધોધમાર વરસાદને કારણે હમીરગઢનો રેલવે અંડરપાસ પાણીમાં ગરકાવ થયો. ગરનાળામાં પાણી વચ્ચેથી પસાર થતાં ST બસ પાણીમાં ડૂબી. બસમાં પાણી ભરાતા ST બસના ડ્રાઇવર, કંડક્ટર બસ પર ચઢ્યા. જો કે સ્થાનિકોએ ડ્રાઇવર-કંડક્ટરને બહાર કાઢવા પ્રયાસ હાથ ધર્યા.
આ તસવીર શેર કરો
7/10
અરવલ્લી જીલ્લામાં માલપુરનાં અમીયોર પંથકમાં પણ ધોધમાર વરસાદ પડ્યો હતો. વાઘા કોતરોમાં પાણી ભરાયા હતા. ગ્રામીણ પંથકમાં સારા વરસાદથી ખેડૂતોમાં ખુશી જોવા મળી હતી.
આ તસવીર શેર કરો
8/10
અરવલ્લીનાં મોડાસામાં ધોધમાર વરસાદને પગલે અમૃતપુરાકંપામાં ધોધમાર વરસાદ જશભરાવ થયો હતો. ગામમાં 3 ઈંચથ વધુ વરસાદથી ખેતરોમાં પાણી ભરાઈ જવા પામ્યા હતા. ખેતરોમાં પાણી ભરાઈ જવાથી મગફળી સહિતનો પાક પાણીમાં ગરકાવ થયો હતો.
આ તસવીર શેર કરો
9/10
મહેસાણા જીલ્લામાં પણ સાર્વત્રિક વરસાદ પડ્યો હતો. મહેસાણા શહેરમાં સવારનાં બે કલાકમાં બે ઈંચ વરસાદ ખાબક્યો હતો. મહેસાણા શહેરમાં ઠેર ઠેર પાણી ભરાઈ જવા પામ્યા હતા. શહેરમાં માનવ આશ્રમ ચોકડી, વિસનગર રોડ સહિતનાં વિસ્તારોમાં પાણી ભરાઈ જતા વાહન ચાલકોને ભારે હાલાકીનો સામનો કરવો પડ્યો હતો.
આ તસવીર શેર કરો
10/10
મહીસાગરમાં ધોધમાર વરસાદનાં કારણે મકાનની દીવાલ પડી જવા પામી હતી. નવી ગોધર ગામે કાચા મકાનની દીવાલ ધરાશાયી થવા પામી હતી. મકાનની દિવાલ ધરાશાયી થતાં પરિવારજનોનો આબાદ બચાવ થયો હતો. મકાનની અંદર રહેતા અંદાજિત 7 જેટલા લોકોનો આબાદ બચાવ થયો હતો.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
ટોપ સ્ટોરીઝ
