બબાલ / કૃષિ મહોત્સવમાં ભાજપ-કોંગ્રેસ નેતાઓ ખુરશી મામલે બાખડ્યાં, પ્રજા પરેશાન નેતાઓને ખુરશી મોહ

BJP Congress leaders clash : આપણે ત્યાં નેતાઓને સ્ટેજ બેસવાનો મોહ એટલો છે કે ન પૂછો વાત, હળવદમાં કૃષિ મહોત્સવમાં સ્ટેજ પર બેસવાને લઈને ભાજપ-કોંગ્રેસના નેતાઓ જાહેરમાં બાખડી પડ્યાં હતા. જે જનતા માટે કાર્યક્રમ રાખ્યો હતો તે સાઈડમાં રહીને ખુરશી માટે નેતાઓ બાખડી પડ્યાં હતા. વાત જાણે એમ છે કે, ભાજપમાંથી સસ્પેન્ડેડ નેતા વલ્લભ પટેલને સ્ટેજ પર બેસાડાતાં કોંગ્રેસી નેતાઓના લોહી ઉકળી ઉઠ્યા હતા.

ધારાસભ્યની હાજરીમાં બબાલ

બીજી તરફ જિલ્લા પંચાયતના મહિલા સભ્યના પતિ પણ સ્ટેજ પર ચઢી ગયા, અને ગામના સરપંચ અને સરપંચના પતિને નીચે બેસવાનો વારો આવ્યો હતો. સમગ્ર માથાકૂટ ધારાસભ્ય પ્રકાશ વરમોરાની હાજરીમાં થઈ હતી. MLA સાહેબ જોતાં રહ્યાંને નેતાઓ ઝઘડતાં રહ્યાં હતા. ભારે રકઝક બાદ તમામ નેતાઓને સ્ટેજ પરથી ઉતારી દેવાયા હતા. કોંગ્રેસના નેતાઓનો આક્ષેપ છે કે, સસ્પેન્ડેડ નેતા વલ્લભ પટેલ દરેક કાર્યક્રમમાં સ્ટેજ પર જોવા મળે છે. તેમને ભાજપે માત્ર કાગળ પર જ સસ્પેન્ડ કર્યા છે.

આ પણ વાંચોઃ અમિત ખૂંટ આપઘાતમાં રાજદીપસિંહ રીબડાની વધી મુશ્કેલી, સુપ્રીમ કોર્ટે આગોતરા જામીન અરજી ફગાવી

ભાજપ-કોંગ્રેસ નેતા સામસામે બાખડ્યાં

હળવદમાં કૃષિ મહોત્સવ કાર્યક્રમમાં ભાજપ-કોંગ્રેસ સામ સામે આવી ગયા હતા. નવા ઇસનપુર ગામે કાર્યક્રમમાં ત્રણ બાબતોને લઈ બબાલ થઇ હતી. સસ્પેન્ડ BJP નેતા વલ્લભ પટેલને સ્ટેજ ઉપર બેસાડતા વિવાદ વકર્યો હતો. આ ઉપરાંત જિલ્લા પંચાયતના મહિલા સભ્યના પતિ પણ સ્ટેજ પર જોવા મળ્યા હતા. સરકારી કાર્યક્રમમાં સરપંચ તેમજ સરપંચના પતિઓને નીચે બેસાડવાનો પણ વિરોધ કર્યો હતો. ધારાસભ્ય પ્રકાશ વરમોરા હાજરીમાં કોંગ્રેસ અને ભાજપ સામ સામે આવી ગયા હતા. જો કે ધારાસભ્યએ મામલો થાળે પાડવાના બદલે સમગ્ર બબાલથી દુર જ રહ્યા હતા. ભારે રકઝક બાદ તમામને નેતાઓને સ્ટેજ પરથી નીચે ઉતારાયા હતા.

View this post on Instagram

A post shared by Sambhaav Nascent LLP (@vtv_gujarati_news)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ