ચુકાદો / 'હવે ઘરેલું હિંસાના કેસમાં વોઇસ રેકોર્ડિંગ પુરાવો ગણાશે', ગુજરાત હાઇકોર્ટનો મોટો ચુકાદો

ગુજરાત હાઈકોર્ટે મહિલાઓ પર થતી ઘરેલું હિંસાને લઈ મહત્વનો ચૂકાદો આપ્યો છે. હવે ઘરેલું હિંસાનાં કેસમાં વોઈસ રેકોર્ડિંગને પણ પુરાવો ગણાશે. રેકોર્ડિંગનો અવાજ ઓરીજનલ હોવાની સાબિતી આપવી પડશે. તેમજ અવાજ પરથી વ્યક્તિની ઓળખ શક્ય હશે તો પુરાવો માન્ય ગણાશે. ત્યારે અત્યાર સુધી વોઈસ રેકોર્ડિંગને આધારભૂત પુરાવો ગણવામાં આવતો ન હતો.

હાઇકોર્ટે AMCને આડેહાથ લઇ વેધક સવાલો પૂછ્યા

તો બીજી તરફ હાઈકોર્ટે અમદાવાદના બિસ્માર રોડ-રસ્તા, પાર્કિંગ-ટ્રાફિક અને રખડતાં ઢોરના મુદ્દે થયેલી કન્ટેમ્પ્ટ ઓફ કોર્ટની પિટિશન ઉપર ગુરુવારે સુનવણી હાથ ધરાઇ હતી. જેમાં કોર્ટે કહ્યું હતું કે રોડ ઉપર ખાડા પડવાનું કારણ શું છે ? ખાડા પડે તો તમે તુરંત રીપેરીંગ કામ કરો છો, પણ ખાડા ના પડે તે માટે શું તકેદારી રખાય છે ? કોઈ પ્રિવેન્શન પોલિસી બનાવી છે ? ખાડાઓને તુરંત પૂરવા માટે કંઈ પદ્ધતિ ઉપયોગમાં લેવાય છે ? રોડની ડિઝાઇન, ટેકનિકલ બાબતો વગેરે ઈન હાઉસ ડિઝાઇન કરાય છે ? છેલ્લા ત્રણ વર્ષમાં રોડ બનાવવા વપરાયેલી પદ્ધતિ અને પેરામીટર કોર્ટ સમક્ષ મૂકવામાં આવે.

વધુ વાંચોઃ LIST: અંબાજી મંદિરમાં ધજાના ચઢાવવાનાં નિયમો બદલાયા, ધજા ચઢાવવાનો લાગશે આટલો ચાર્જ

ચીફ સેક્રેટરીને કોર્ટમાં બોલાવવા પડશેઃ હાઈકોર્ટ

AMC એ જણાવ્યું હતું કે તેઓ પ્રાઇવેટ કંપનીને અમે લાવવા માંગતા નથી. ગાયના છાણનો ઉપયોગ કરીને બીજા કાર્યો કરાય છે. આ સાથે રસ્તે રખડતા ઢોર મામલે મામલધારીઓને સહકાર આપવા અને તેઓ હુમલો ન કરે તે ખાતરી આપવા અને રખડતા ઢોર મામલે ની કાર્યવાહી અંગે દલીલો ચાલી. સાથે જ શહેરમાં ડામર અને rcc રોડ અને મેનહોલ સહિત ડ્રેનેજ લાઇન ની કામગીરી અંગે પણ દલીલો અને રજૂઆતો ચાલી. જોકે છેલ્લે કોર્ટે ટાંકયું અને કહ્યું કે મુખ્યમંત્રી કેબિનેટમાં કહે છતા અધિકારીઓ સાંભળતા નથી, કોર્ટે કહ્યું કે ઢોર પોલીસીની જેમ ટ્રાફિક પોલિસી પણ લાવો, અવ્યવસ્થા માટે લોકો ટેકસ નથી ચૂકવતા, ચીફ સેક્રેટરીને કોર્ટમાં બોલાવવા પડશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ