વિધાનસભા પેટા ચૂંટણી / બંગાળમાં TMCની ક્લિન સ્વીપ, હિમાચલ-MPથી તમિલનાડુ સુધી વિપક્ષનો જાદુ, NDAને ઝટકો

સાત રાજ્યો બિહાર, પશ્ચિમ બંગાળ, તમિલનાડુ, મધ્યપ્રદેશ, ઉત્તરાખંડ, પંજાબ અને હિમાચલ પ્રદેશમાં યોજાયેલી પેટાચૂંટણીની 13 બેઠકોના રિઝલ્ટ જાહેર થયાં છે જેમાં એનડીએને ફરી ઝટકો લાગ્યો છે અને વિપક્ષની જીત થઈ છે. 13 બેઠકો પર 10 જુલાઈએ મતદાન થયું હતું.

બંગાળમાં દિદીનો જાદુ ચાલ્યો

પશ્ચિમ બંગાળની ચાર બેઠકો પર શાસક ટીએમસીનો જાદુ ચાલ્યો છે અને તેને તમામ 4 બેઠકો જીતી લીધી છે.

જલંધર પશ્ચિમ પર AAPની શાનદાર જીત

જલંધર પશ્ચિમ બેઠક પર યોજાયેલી પેટાચૂંટણીમાં આમ આદમી પાર્ટીએ શાનદાર જીત નોંધાવી છે. AAPના મોહિન્દર ભગતે કોંગ્રેસના સુરિન્દર કૌરને 37000થી વધુ મતોના અંતરથી હરાવ્યા હતા.

ઉત્તરાખંડમાં કોંગ્રેસની જીત

ઉત્તરાખંડની એક બેઠક કોંગ્રેસના ખાતામાં ગઈ છે. કોંગ્રેસ ઉમેદવાર કાજી નિઝામુદ્દીન જીતી ગયા છે.

હિમાચલમાં બે બેઠકો પર કોંગ્રેસની જીત

હિમાચલમાં સત્તાધારી કોંગ્રેસની બે બેઠકો પર અને ભાજપની 1 બેઠક પર જીત થઈ છે.

તમિલનાડુમાં પણ ડીએમકે વિજેતા

તમિલનાડુમાં પણ શાસક ડીએમકેનો દબદબો જળવાઈ રહ્યો છે. ડીએમકેના ઉમેદવારની જીત થઈ છે.

વધુ વાંચો : વહેતા પાણીમાં રથ પર બેસીને રાધિકાએ લગ્નમાં મારી બ્રાઇડલ એન્ટ્રી, Videoએ સોશ્યલ મીડિયા પર ધૂમ મચાવી

એમપીની અમરવાડા બેઠક પર ભાજપની જીત

એમપીની 1 બેઠક પર ભાજપના કમલેશ સાહુએ કોંગ્રેસના ધીરેન સાહને હરાવ્યાં હતા.