Asia Cup 2025 / IND vs PAK: હાથ શું નજર પણ ન મળાવી, સૂર્યકુમારે ફરી પાક કેપ્ટનને કર્યો અવગણ્યો, જુઓ VIDEO

ભારત-પાકિસ્તાન વચ્ચે એશિયા કપની સુપર 4ની પહેલી મેચ શરૂ થાય તે પહેલાં, ટોસ દરમિયાન ફરી એકવાર "નો હેન્ડશેક પાર્ટ 2" જોવા મળ્યું. ભારતે ટોસ જીતીને પ્રથમ બોલિંગ કરવાનો નિર્ણય લીધો. સૂર્યકુમાર યાદવે ફરીએકવાર ટોસ બાદ પાકિસ્તાની કપ્તાન સાથે હાથ મિલાવવાનું ટાળ્યું હતું.

ભારતીય કેપ્ટન સૂર્યકુમાર યાદવે ટોસ દરમિયાન પાકિસ્તાની કેપ્ટન સલમાન આગાને અવગણ્યા. સૂર્યકુમાર યાદવે સલમાન આગા તરફ કોઈ ધ્યાન આપ્યું નહીં. કેમેરામાં સ્પષ્ટપણે દેખાતું હતું કે સૂર્યા સલમાનને અવગણીને મોઢું ફેરવી રહ્યો છે. આ દ્રશ્યે સોશિયલ મીડિયા પર ભારે ચર્ચા જગાવી હતી. ચાહકોએ તેને "નો હેન્ડશેક પાર્ટ 2" નામ આપ્યું હતું. નોંધનીય છે કે તાજેતરના ભારત-પાકિસ્તાન મેચ દરમિયાન આ વિવાદ વારંવાર હેડલાઇન્સમાં છવાયેલો રહ્યો છે.

ટોસ બાદ, સૂર્યાએ કહ્યું, "અમે પહેલા બોલિંગ કરીશું. પિચ સારી લાગે છે, અને ગઈકાલે ઝાકળ પડી હતી. પહેલા રાઉન્ડથી, અમે વિચારી રહ્યા હતા કે અમે નોકઆઉટ ટુર્નામેન્ટ રમી રહ્યા છીએ; કંઈ બદલાયું નથી. તે સંપૂર્ણપણે અલગ વિકેટ હતી (અબુ ધાબીમાં). બુમરાહ અને વરુણ ટીમમાં પરત આવ્યા છે, જ્યારે ઓમાન સામે રમનાર અર્શદીપ અને હર્ષિત આ મેચ માટે બહાર છે."

આ પણ વાંચોઃ પાક સામે ભારતે ટોસ જીતી પહેલા બોલિંગનો નિર્ણય, ટીમ ઈન્ડિયામાં બે મોટા બદલાવ, જાણો પ્લેઇંગ 11

સલમાન આગાએ ટોસ વખતે કહ્યું, "અમે પહેલા બોલિંગ કરી હોત. આ એક નવી મેચ છે, એક નવો પડકાર છે. વાતાવરણ સામાન્ય છે. પિચ થોડી ધીમી લાગે છે. અમે બેટિંગ અને બોલિંગ બંને સાથે સારી શરૂઆત કરવા માંગીએ છીએ. બે ફેરફારો છે. હસન નવાઝ અને ખુશદિલ શાહ આ મેચમાં રમી રહ્યા નથી."

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ