- 'આર્ટિકલ 370'માં આખરે કેટલું સત્ય છે?
- યામી ગૌતમે ઈન્ટરવ્યૂમાં કર્યો ખુલાસો
- NIA ઓફિસરના પાત્રમાં મળશે જોવા
ફેમસ એક્ટ્રેસ યામી ગૌતમ તેમની ફિલ્મ 'આર્ટિકલ 370'ને લઈને ચર્ચામાં છે. આ ફિલ્મ યામી ગૌતમ માટે ખૂબ જ ખાસ છે. કારણ કે પ્રોડ્યુસર તેમના પતિ આદિત્ય ઘરની આ પહેલી ફિલ્મ છે. શૂટિંગ વખતે યામી અને આદિત્યને ખબર પડી કે તે માતા-પિતા બનવાના છે. એક ઈન્ટરવ્યૂમાં વાતચીત વખતે યામીએ આ ફિલ્મને લઈને તેની જવાબદારી પતિ આદિત્ય ઘરના વિઝન અને તેમની ફિલ્મોની ચોઈસને લઈને ઘણી રસપ્રદ વાતો શેર કરી.
'આર્ટિકલ 370' માં પોલિટિકલ સાઈડ જ હશે? આ પ્રશ્નના જવાબમાં યામીએ જણાવ્યું, 'આર્ટિકલ 370'એવા નિર્ણયની વાત છે જે 70 વર્ષ પહેલા લેવામાં આવ્યો હતો. ઘણા વર્ષ પહેલા લેવામાં આવેલો આ નિર્ણય આજે પણ અસર કરે છે. આ સંપૂર્ણ સ્ટોરી અમે ઓડિયંસને સરળ રીતે જણાવવાનો પ્રયત્ન કરી રહ્યા છીએ. પરંતુ તે સરળ નથી.
યામીએ આગળ જણાવ્યું આ ફિલ્મમાં એક્શન પણ છે. પરંતુ આ એક પોલિટિકલ એક્શન ડ્રામા ફિલ્મ છે. તેમાં ઉરીના મુકાબલે ઓછુ એક્શન હશે. પરંતુ હું એક રિયલ લાઈફ પાત્રને પડદા પર રજૂ કરી રહી છુ અને આ વાતની મને ખુશી છે. આ એવી ઓફિસર છે જેમણે પોતાના દેશ માટે પોતાની જવાબદારી તો નિભાવી પરંતુ છતાં તે નથી ઈચ્છતા કે લોકો તેમનું નામ જાણે. હું પણ તેમનું નામ નથી જાણતી.
વધુ વાંચો: ઋતિક રોશનના ફોટોએ વધારી ચાહકોની ચિંતા, એક્ટર કમર પર બેલ્ટ સાથે પાટાપિંડીમાં દેખાયો
ફિલ્મમાં થયો છે ક્રિએટિવ લિબર્ટીનો ઉપયોગ?
ક્રિએટિવ લિબર્ટી વિશે જણાવતા યામીએ કહ્યું થોડા સમય પહેલા આદિત્ય અને હું આના પર વાત કરી રહ્યા હતા. ઘણી વખત તો જે હકીકત હોય છે તેમાંથી યોગ્ય સિનેમા બનતા થોડુ ટોન ડાઉન કરવું પડે છે. કારણ કે ઓડિયન્સ તરીકે જ્યારે તમે ફિલ્મ જોવો છો તો મગજમાં એવા સવાલ આવી જાય છે કે આ પોસીબલ છે... અથવા તો આવું તો થઈ જ ન શકે.... અને અમે પણ તેને જસ્ટિફાઈ નથી કરી શકતા. ભલે અમે તેના પર રિસર્ચ કર્યું હોય અમારી પાસે તેનો પુરાવો હોય. બે કલાકની ફિલ્મમાં તમે બધુ જ ન બતાવી શકો.
