અભિનેત્રી યામી ગૌતમની લેટેસ્ટ એક્શન અને થ્રિલર ફિલ્મ ‘આર્ટિકલ 370’ ચર્ચામાં આવી ગઈ છે. આ ફિલ્મ કાશ્મીરમાં આર્ટિકલ 370 હટાવવા પર આધારિત છે. દર્શકો તરફથી આ ફિલ્મને સારો રિસ્પોન્સ મળી રહ્યો છે અને આ ફિલ્મે સારી કમાણી કરી લીધી છે. ખાડી દેશોમાં આ ફિલ્મ પર પ્રતિબંધ મુકવામાં આવ્યો છે.
ફિલ્મ ‘આર્ટિકલ 370’ પર પ્રતિબંધ
ખાડી દેશ ઈરાક, કુવૈત, બહરીન, ઓમાન, કતર, દોહા, સંયુક્ત અરબ અમીરાતમાં ફિલ્મ ‘આર્ટિકલ 370’ પર પ્રતિબંધ મુકવામાં આવ્યો છે. આ ફિલ્મ પર પ્રતિબંધ મુકવામાં આવ્યો તે ખૂબ જ અચરજની વાત છે. ખાડી દેશોમાં બોલિવુડ ફિલ્મોનો ખૂબ જ ક્રેઝ રહે છે અને હિન્દી ફિલ્મોને સારો રિસ્પોન્સ પણ મળે છે. ખાડી દેશોમાં બોલિવુડની તમામ ફિલ્મોનું શુટીંગ પણ થાય છે. આ પરિસ્થિતિમાં ખાડી દેશોમાં ફિલ્મ ‘આર્ટિકલ 370’ પર પ્રતિબંધ મુકવો તે ખૂબ જ હેરાન કરી દેતી ન્યૂઝ છે. અગાઉ UAE સિવાય તમામ ખાડી દેશ ઋતિક રોશનની ફિલ્મ ‘ફાઈટર’ પર પણ પ્રતિબંધ મુકવામાં આવ્યો હતો.
PM મોદીએ કરી પ્રશંસા
પ્રધાનમંત્રી નરેન્દ્ર મોદીએ એક રેલીમાં યામી ગૌતમની ફિલ્મ ‘આર્ટિકલ 370’નો ઉલ્લેખ કર્યો હતો. PM મોદીએ રેલીમાં જણાવ્યું હતું કે, ‘સાંભળ્યું છે કે, આર્ટિકલ 370 પર કોઈ ફિલ્મ આવી રહી છે, જેથી લોકોને સારી અને યોગ્ય જાણકારી મળશે.’
ત્રણ દિવસમાં બજેટ કરતા વધુ કમાણી
દર્શકો તરફથી ફિલ્મ ‘આર્ટિકલ 370’ને સારો રિસ્પોન્સ મળી રહ્યો છે. આ ફિલ્મ 20 કરોડના બજેટમાં બની છે. આ ફિલ્મ રિલીઝ થઈ તેના ત્રણ દિવસમાં 20 કરોડ કરતા પણ વધુ કમાણી કરી લીધી છે. ફિલ્મ ‘આર્ટિકલ 370’એ બોક્સઓફિસ પર પહેલા દિવસે 6.12 કરોડ રૂપિયાથી વધુની કમાણી કરી છે. આ ફિલ્મ બીજા દિવસે 9.8 કરોડ રૂપિયાની અને ત્રીજા દિવસે 10.5 કરોડ રૂપિયાનું કલેક્શન કર્યું છે. જેથી આ ફિલ્મે માજ્ઞ ત્રણ દિવસમાં 34.71 કરોડ રૂપિયાની કમાણી કરી છે.
વધુ વાંચો: વિરૂષ્કાની પુત્રી વામિકાને બર્થ-ડે પર અપાઇ હતી આ સ્પેશ્યલ ગિફ્ટ, 1 મહિના બાદ ગિફ્ટ પેક થયું વાયરલ
‘આર્ટિકલ 370’ સ્ટાર કાસ્ટ
બોલિવુડ એક્ટ્રેસ યામી ગૌતમે ફિલ્મ ‘આર્ટિકલ 370’માં લીડ રોલ પ્લે કર્યો છે. આ ફિલ્મમાં યામી ગૌતમીએ તપાસ અધિકારીની ભૂમિકા ભજવી છે. આ ફિલ્મમાં પ્રિયામણિ અને અરુણ ગોવિલે પણ મુખ્ય પાત્ર ભજવ્યું છે. અરુણ ગોવિલે આ ફિલ્મમાં PM મોદીનું પાત્ર ભજવ્યું છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
