ચોથો કેસ / અમદાવાદમાં HMPV વાયરસનો વધુ એક કેસ નોંધાયો, 59 વર્ષના વૃદ્ધનો રિપોર્ટ પોઝીટીવ

અમદાવાદમાં વધુ એક HMPV વાયરસનો કેસ નોંધાયો છે.. કચ્છના 59 વર્ષીય વૃદ્ધને HMPV પોઝીટીવ આવ્યો છે.ઝાયડસ હોસ્પિટલ ખાતે આ વૃદ્ધની સારવાર ચાલી રહી છે . આ સાથે અમદાવાદમાં HMPV વાયરસના પોઝિટિવના કેસોનો આંકડો 4 પર પહોંચ્યો છે.

આ પહેલા ત્રણ કેસ સામે આવી ચૂક્યા છે, આ ચોથો કેસ

9 માસનું બાળક HMPV પોઝિટિવ

અમદાવાદમાં HMPV વાયરસનો ત્રીજો કેસ 9 માસના બાળકનો સામે આવ્યો હતો.. વિહા ચિલ્ડ્રન હોસ્પિટલમાં બાળકને દાખલ કરવામાં આવ્યો છે. શરદી, ઉધરસ અને શ્વાસ લેવામાં બાળકને તકલીફ થતી હતી.

80 વર્ષના વૃદ્ધ HMPV પોઝિટિવ

અમદાવાદમાં 80 વર્ષના વૃદ્ધને HMPV કેસ પોઝિટિવ આવ્યો હતો. સ્ટર્લિંગ હોસ્પિટલમાં દર્દી સારવાર હેઠળ છે.

હિંમતનગરમાં 8 વર્ષના બાળકને HMPV પોઝિટીવ આવ્યો હતો

HMPV વાયરસનો હિંમતનગરમાં પ્રથમ કેસ નોંધાયો હતો. ખાનગી હોસ્પિટલમાં 8 વર્ષના બાળકને HMPV પોઝિટીવ આવ્યો હતો. પ્રાંતિજ તાલુકાના ગ્રામ્ય વિસ્તારના આ બાળકનો રિપોર્ટ પોઝિટિવ આવ્યો હતો. બાળકને ખાનગી હોસ્પિટલમાં આઈસીયુમાં દાખલ કરવામાં આવ્યો છે.

મેટાન્યુમો વાઈરસ (HMPV) વિશે જાણવા જેવી બાબતો

- મેટાન્યુમો વાઈરસ (HMPV) અન્ય શ્વસન વાયરસ જેવો જ વાયરસ છે.

- વર્ષ 2001થી આ વાઈરસની ઓળખ થયેલ છે.

- આ વાઈરસ શિયાળાની ઋતુ દરમિયાન ખાસ કરીને નાના બાળકો અને વૃદ્ધોમાં દેખાય છે અને તેના લક્ષણોમાં સામાન્ય શરદી અને ફલુનો સમાવેશ થાય છે.

મેટાન્યુમોવાઈરસ (HMPV)ના લક્ષણો દેખાય તો શું કરવું (Do's) ?

- જ્યારે ઉધરસ અથવા છીંક આવે ત્યારે મોઢું અને નાકને રૂમાલ અથવા ટિસ્યુથી ઢાંકવું.

- નિયમિત રીતે હાથ સાબુ અને પાણીથી ધોવાં કે સેનેટાઈઝરનો ઉપયોગ કરવો.

- ભીડભાડવાળા સ્થળોથી દૂ૨ રહેવું અને ફલૂથી પીડિત વ્યક્તિઓથી ઓછામાં ઓછું એક હાથનું અંતર રાખવું.

- તાવ, ઉધરસ કે છીંક આવે છે તો જાહેર સ્થળો પર જવાનું ટાળવું.

- વધુ પાણી પીવું અને પૌષ્ટિક ખોરાક ખાવો.

- પ્રબળ પ્રતિરોધક શક્તિ માટે પૂરતી ઊંઘ લેવી.

- બીમારીઓ ફેલાતી અટકાવવા માટે યોગ્ય વેન્ટિલેશન વાળા વાતાવરણમાં રહેવું.

- શ્વસનને લગતા લક્ષણો જણાય તો ઘરમાં જ રહેવું, બીજાઓ સાથે સંપર્ક મર્યાદિત કરવો અને તાત્કાલિક નજીકના સરકારી દવાખાનાનો સંપર્ક કરવો.

મેટાન્યુમોવાઈરસ (HMPV)ના ચેપની સ્થિતિમાં શું ના કરવું (Don'ts):

- આવશ્યક ના હોય તો આંખ, નાક કે મોઢાને સ્પર્શ ક૨વો નહિ.

- ચેપ ગ્રસ્ત વ્યક્તિએ વ્યક્તિગત ચીજવસ્તુઓ જેમ કે ટુવાલ, રૂમાલ અથવા અન્ય વાસણો બીજા વ્યક્તિના સંપર્કમાં કે ઉપયોગમાં ના આવે તેનું ધ્યાન રાખવું.

- જાતે દવા લેવાનું ટાળવું, લક્ષણોમાં વધારો દેખાય તો આરોગ્ય કર્મચારીનો સંપર્ક કરવો.

આ પણ વાંચોઃ ONGCમાં અનેક પદો પર બહાર પડી ભરતી, 1.80 લાખ સુધી મળશે પગાર, ફટાફટ કરી દો એપ્લાય

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ