બિહાર / 40 રોટલીઓ, 10 પ્લેટ ભાત...કવોરન્ટાઇન સેન્ટરમાં આવેલ આ યુવકના ખોરાકથી રસોઈયાઓ કંટાળ્યા

• અનૂપના ભોજન બાદ સેન્ટરનું કરિયાણું સમાપ્ત 
• અધિકારીઓ પોતે નિરીક્ષણ કરવા આવ્યા અને ચકિત થઇ ગયા 
• રસોઈયાઓએ કંટાળીને વ્યક્ત કરી નારાજગી 

અનૂપનો ખોરાક જોઇને લોકો ચકિત 

બિહારના બક્સર જિલ્લામાં મઝવારી ગામમાં સ્થિત એક કવોરન્ટાઇન સેન્ટરમાં આવેલ અનૂપ ઓઝા ખૂબ ચર્ચામાં છે, કારણ છે તેમનો ખોરાક. અનૂપ પોતે જ દસ લોકોનું ભોજન ખાઈ જાય છે. નાસ્તામાં આ વ્યક્તિ ત્રણ ડઝનથી વધારે રોટલીઓ અને એક દિવસ તો 80 લિટ્ટી ખાઈ ગયો, જે બાદ આખા જિલ્લામાં અનૂપની ચર્ચા થઇ રહી છે. અધિકારીઓ તો આ વાત પર વિશ્વાસ જ ન કરી શક્યા. અધિકારીઓ જ્યારે પોતે સેન્ટરની મુલાકાતે આવ્યા તો અધિકારીઓની સામે જ અનૂપે ભોજન કરીને બધાને ચકિત કરી દીધા.  

અનૂપ ઓઝા રાજસ્થાનથી બિહાર આવ્યા છે જેથી તેમને સેન્ટરમાં રાખવામાં આવ્યા છે. હવે 14 દિવસ પૂરા થવા તેમને ઘરે મોકલવાની તૈયારીઓ ચાલી રહી છે. અનૂપ ઓઝા ઘરે જવા માટે જેટલા ખુશ છે તેનાથી વધારે ખુશી તો રસોઈયાઓને થઇ રહી છે. કારણે કે અનૂપના ભોજન માટે તે ખૂબ પરેશાન થઇ રહ્યા હતા. 

ત્રણ ડઝન રોટલીઓ, દસ પ્લેટ ભાત ખાઈ શકે છે અનૂપ 

નોંધનીય છે કે અનૂપનું ભોજન જોઇને જે તે વ્યક્તિઓ હેરાન થઇ જતા. સેન્ટરના લોકોનું કહેવું છે કે તે ત્રણ ડઝન રોટલીઓ, દસ પ્લેટ ભાત ખાઈ જાય છે. એક જ વારમાં 80 લિટ્ટી પણ ખાઈ શકે છે. લોકોએ કહ્યું કે થોડા દિવસ પહેલા જ ત્યાં લિટ્ટી બની હતી ત્યારે અનૂપ 80 લિટ્ટી ખાધા પછી પણ અનૂપે કહ્યું કે મારું પેટ નથી ભરાયું. આ સાંભળીને ત્યાંનાં લોકો પરેશાન થઇ ગયા.  

અનૂપના ઘરે જવા પર હવે રસોઈયાઓને રાહત 

અનૂપના ભોજનના કારણે સેન્ટરમાં કરિયાણું જ ખતમ થઇ ગયું. જેની જાણકારી અધિકારીઓને આપવામાં આવી, પણ પહેલા તો અધિકારીઓએ આ વાત પર વિશ્વાસ જ ન કર્યો, પોતે નિરીક્ષણ કરવા આવ્યા તો ખરેખર અનૂપનો ખોરાક જોઇને હેરાન થઇ ગયા. રસોઈયાએ પણ અનૂપના ખોરાકના કારણે ભોજન બનાવવા પર નારાજગી વ્યક્ત કરી હતી.