VIRAL / લો બોલો! પપ્પાએ જેગુઆરની જગ્યાએ BMW આપી, દિકરાએ નહેરમાં ફેંકી દીધી

જી હા, આ કોઇ નાના ગિફ્ટ નથી. વાસ્તવમાં યમુનાનગર જિલ્લામાં એક યુવકે ગુસ્સમાં આવીને પોતાની BMW કારને નહેરમાં ફેંકી દીધી. યુવકે કાર એટલા માટે ફેંકી કારણે કે તેણે માતા-પિતા તરફથી જેગુઆરની જગ્યાએ BMW કાર ગિફ્ટમાં મળી, એટલુ જ નહી આ ઘટનાનો વીડિયો TikTok પર અપલોડ કર્યો. 

યમુનાનગરના મુકારમપુરના યુવકે પોતાની BMW કાર નહેરમાં ઉતારી દીધી. કહેવામાં આવી રહ્યુ છે કે, યુવક એટલો જિદ્દી છે કે તેણે માતા-પિતા પાસેથી જેગુઆરની માંગ કરી હતી, જેનો પિતાએ ઇન્કાર કરી દીધો હતો. આ યુવક પાસે પહેલાથી BMW તો છે જ ... 

Yamunanagar: A youth from Mukarampur pushed his BMW car in river after his father denied to buy him a Jaguar car. Police says, "his family informed that he is mentally unwell. He was demanding a Jaguar car as the BMW car was small for him. Investigation will be done." #Haryana pic.twitter.com/Mx3Ep3xewZ

— ANI (@ANI) August 10, 2019

આ પછી યુવકે ગુસ્સે થઇને BMW કાર યમુનાનગરના દાદુપુર સ્થિત એક નહેરમાં ઉતારી દીધી. પહેલા તો ગાડી દૂર સુધી ગઇ અને પછી ડૂબી ગઇ. યુવકે ઘટનાનો વીડિયો પણ બનાવ્યો અને TikTok પર શૅર કરી દીધો. જોકે સ્થાનિકો દ્વારા આ સમાચાર પોલીસને મળતા, યુવકની અટકાયત કરી વધુ પૂછપરછ હાથ ધરી છે. 

ઘટનાસ્થળે હાજર રહેલા લોકોએ કહ્યુ કે, જ્યારે ગાડી નહેરમાં વહેતી નજર આવી ત્યારે વાઇપર અને ઇન્ડિકેટર ચાલતા હતા, ત્યારે લાગ્યુ કે કોઇ ગાડી ચાલકની સ્પીડને કારણે નહેરમાં પડી ગઇ હશે. પરંતુ જ્યારે પાસે જઇને જોયુ ત્યારે ગાડી ચાલક પહેલાથી ઉતરી ચૂક્યો હતો. જોકે ગાડીને મહાપરાણે બહાર કાઢવામાં આવી છે. 

ઉલ્લેખનીય છે કે, હરિયાણાના યુવાનોમાં જગુઆર અને લેંબોર્ગિની જેવી મોંઘી મોંઘી ગાડી ખરીદવાની હોડ ચાલી છે. જગુઆર કંપનીની કારની કિંમત 40-50 લાખ રૂપિયાથી શરૂ થાય છે. BMW પણ કોઇ સસ્તી કાર નથી. તેની કિંમત 30-35 લાખ સુધીની છે. આવી મોંઘી કારને લઇને યુવાનો પોતાના મિત્રોને સામે માત્ર શૉઑફ કરે છે.