VIRAL / આનંદ મહિન્દ્રા 'દિલદાર', સ્કૂટર પર માતાને દેશ ફરાવવા માટે નીકળેલા યુવકે આપશે ગાડી

આનંદ મહિન્દ્રાએ આ વ્યકિતને મહિન્દ્રા KUV 100 NXT કાર ગિફ્ટ કરવાની ઇચ્છા વ્યક્ત કરી છે. મહિન્દ્રાએ મનોજ કુમારનું ટ્વિટ શૅર કરતા લખ્યુ છે કે, “મા અને દેશપ્રેમની સુંદર વાર્તા. મનોજ આ શેર કરવા માટે આભાર. જો તમે આમના સંપર્કમાં હોવ તો હું પોતે તેમને મહિન્દ્રાની એક KVU100 NXT ગિફ્ટ કરવા માગુ છું. જેથી તેઓ પોતાની આગામી યાત્રા માને કારમાં કરાવી શકે.''

A beautiful story. About the love for a mother but also about the love for a country... Thank you for sharing this Manoj. If you can connect him to me, I’d like to personally gift him a Mahindra KUV 100 NXT so he can drive his mother in a car on their next journey https://t.co/Pyud2iMUGY

— anand mahindra (@anandmahindra) October 23, 2019

સોશ્યલ મીડિયા પર વાયરલ થયેલા વીડિયો અનુસાર, પોતાની 70 વર્ષની માતાને દેશભરની યાત્રા કરાવવા માટે કૃષ્ણ કુમારે નોકરી છોડી દીધી છે. આ યાત્રાને તેમણે 'માતૃસેવા સંકલ્પ યાત્રા' નામ આપ્યુ છે. તેમણે પોતાનું 20 વર્ષ જૂનું બજાજ ચેતક સ્કૂટર કાઢ્યું અને નીકળી પડ્યા. તેમની મા હમ્પી શહેર જોવા માંગતા હતા. ડી. કૃષ્ણ કુમાર 39 વર્ષના છે. તેમણે એક ઈન્ટરવ્યૂમાં કહ્યું હતું, “સંયુક્ત કુટુંબ હોવાને લીધે મારી માની ભૂમિકા પિતાના નિધન સુધી રસોડા પૂરતી જ હતી. મેં નિર્ણય લીધો કે મારી મા દિકરા સાથે સમય વિતાવવા અને ગૌરવપૂર્ણ જીવનની હકદાર છે.

રિપોર્ટ અનુસાર, મા-દિકરાની જોડીને જાન્યુઆરી મહિનામાં યાત્રા શરૂ કરી હતી. આ દરમિયાન તેમણે દેશના ઘણા તીર્થસ્થળોની યાત્રા કરી છે. હોટલમાં રહેવાના બદલે બંને મઠમાં સમય વિતાવે છે. આ અનોખી યાત્રા માટે તેઓ સ્કૂટર પર જરૂરી સામાન લઇને નીકળ્યા છે. તો આ તરફ આનંદ મહિન્દ્રાના ટ્વિટ પર સોશ્યલ મીડિયા પર વખાણ થઇ રહ્યા છે.