ખુલાસો / સુરતમાં ટ્રેન ઉથલાવવાનું કાવતરું: મોટર મેનની નજર પડતા ટળી મોટી દુર્ઘટના, ભંગારિયાનું કનેક્શન નીકળ્યું

• સુરતમાં ટ્રેન ઉથલવાના પ્રયાસ
• રેલવે ટ્રેક પર લોખંડનો પાઇપ રખાયો હતો
• ટ્રેક પર મોટર મેનની નજર પડતા દુર્ઘટના ટળી

સુરતમાં ટ્રેન ઉથલવાનો પ્રયાસ કરવામાં આવ્યો છે. રેલવે ટ્રેક પર લોખંડનો પાઇપ રખવામાં આવ્યો હતો. જો કે, ટ્રેક પર મોટર મેનની નજર પડતા સમગ્ર દુર્ઘટના ટળી હતી. અત્રે ઉલ્લેખનીય છે કે, સૌરાષ્ટ્ર જનતા ટ્રેન સુરત રેલવે સ્ટેશનથી ઉપડી અમદાવાદ તરફ જતી હતી

સમયસૂચકતાના પગલે મોટી દુર્ઘટના ટળી
મોટર મેનની સમયસૂચકતાના પગલે મોટી દુર્ઘટના ટળી છે. સૌરાષ્ટ્ર જનતાના મોટર મેનની સતર્કતાના પગલે દુર્ઘટના ટળતા રેલવે વિભાગે હાસકારો અનુભવ્યો છે. અહી પટરી પર સૌરાષ્ટ્ર જનતા ટ્રેન સુરત રેલવે સ્ટેશનથી ઉપડી અમદાવાદ તરફ જતી હતી. 2 દિવસ પહેલાની બનેલી આ ઘટનામાં રેલવે પોલીસે તાત્કાલિક ઘટનાની તપાસ શરૂ કરી હતી. જે પોલીસની તપાસમાં બે આરોપીઓનું કારસ્તાન સામે આવ્યું છે. 

વાંચવા જેવું: 6 ટ્રેનો સંપૂર્ણ તો 9 ટ્રેનો આંશિક રદ, 25 ટ્રેનના રુટ ડાઈવર્ટ, ઉત્તર, મધ્ય અને દક્ષિણ ગુજરાતની આ ટ્રેનો પ્રભાવિત, જાણો કેમ

લોખંડનો પાઇપ કટિંગ કરવા ટ્રેક પર મુક્યો !
આ સમગ્ર મામલે જાણવા મળ્યું છે કે, રેલવેની હદમાંથી ચોરેલા લોખંડનો પાઇપ કટિંગ કરવા ટ્રેક પર મુક્યો હતો. ભંગારના વેપારીએ પાઇપ લાંબો હોવાથી ખરીધો નહતો. જેને લઈ પાઇપ કટિંગ કરવા બંને શખ્સોએ રેલવે ટ્રેક પર મુક્યાનો ખુલાસો થયો છે. પોલીસે બંને શખ્સોની અટકાયત કરી વધુ પૂછપરછ હાથ ધરી છે.