NULL / UPમાં 73માંથી 74 થશે 71 નહીં: અમિત શાહનો હુંકાર

ભાજપના રાષ્ટ્રીય અધ્યક્ષ અમિત શાહે દાવો કર્યો છે કે યુપીની બેઠકોની સંખ્યા 73માંથી 74 થશે 72 નહીં થાય. દિલ્હીમાં આયોજિત ભાજપના રાષ્ટ્રીય અધિવેશનમાં સંબોધન કરતાં કહ્યું લોકો પૂછી રહ્યું છે ફૈબા-ભત્રીજા એક થઇ જશે તો શું થશે.

અમિત શાહે જવાબ આપતાં કહ્યુંકે એકબીજાનો ચહેરો ન જોનાર એકબીજા સાથે સોફા પર નહીં બેસનાર આજે એક મંચ પર આવશે. એનું મુખ્ય કારણ એ છે કે પોતાનું અસ્તિત્વ બચાવું હોય તો મોદી વિરુધ્ધ એક થવું જ પડશે કારણ કે મોદીને એકલા હાથે હરાવી શકાશે નહીં. 

ભાજપના રાષ્ટ્રીય અધ્યક્ષ અમિત શાહે જણાવ્યું કે મને આનંદ છે કે પહેલા કોંગ્રેસ સામે બધા પક્ષ એકજૂટ થતા હતા આજે મોદી સામે બધા એક થઇ રહ્યાં છે. અમિત શાહે દાવો કર્યો કે તેઓ એનડીએના સાથી દળો સાથે ભાજપની પૂર્ણ બહુમતિવાળી સરકાર બનાવીશું.

ભાજપે ઘણા બધા ઉતાર-ચઢાવ જોયા છે. એક સમય એવો આવ્યો હતો કે આપણે સંસદમાં ઘટીને 2 થઇ ગયા હતા. પછી બિહારમાં આપણને જીત મળી ત્યારબાદ ગુજરાતમાં સફળતા મળી. ગુજરાતમાં સરકાર બની. 2014માં જ્યારે આપણે ચૂંટણી લડ્યા ત્યારે ભાજપની 6 રાજ્યોમાં સરકાર હતી.

આજે જ્યારે 2019ની ચૂંટણી યોજાવા જઇ રહી છે ત્યારે ભાજપની 16 રાજ્યોમાં સરકાર છે. અમિત શાહે કાર્યકરોને આહવાન કરતાં કહ્યું કે 2019માં મોદીને એકવાર ફરી પીએમ બનાવી આપો અમે કેરળ સુધી ભાજપનો ધ્વજ ફરકાવી દઇશું.

અમિત શાહે કહ્યું કે આપણે પશ્ચિમ બંગાળમાં સરકાર બનાવાની સ્થિતમાં પહોંચી ગયા છીએ. 2014માં આપણા 2.40 કરોડ કાર્યકર્તા હતા. આજે પુરા દેશમાં 11 કરોડથી વધારે પાર્ટીના કાર્યકર્તાઓ છે. આપણે વિશ્વની સૌથી મોટી કાર્યક્રતા આધારિત પાર્ટી છીએ.