અમેરિકાની એક પ્રાઈવેટ કંપનીએ ચંદ્ર પર યાનનું લેન્ડિંગ કરીને ઈતિહાસ રચી દીધો છે. પહેલી વાર કોઈ પ્રાઈવેટ કંપનીના યાને ચંદ્ર પર લેન્ડિંગ કર્યું હોય તેવું સામે આવ્યું છે. ચંદ્ર પર યાન ઉતર્યા પછી પલટી ગયું હતું, તેમ છતાં આ યાન આંકડાની અપડેટ આપી રહ્યું છે. ચંદ્રની સપાટી પર લેન્ડ થયા પછી શું પરેશાની આવી તે અંગે અહીંયા જણાવવામાં આવ્યું છે.
આ પ્રાઈવેટ કંપનીના અંતરિક્ષ યાનનું નામ ઓડીસિયસ છે અને તેણે ચંદ્રના દક્ષિણ ધ્રુવ પર લેન્ડિંગ કર્યું હતું. ચંદ્રની સપાટી પર લેન્ડિંગ કરવા દરમિયાન આ યાન પલટી ગયું અને હાલમાં ચંદ્રની સપાટી પર છે. શુક્રવારે કંપનીએ નિવેદન આપ્યું હતું કે, ગ્રાઉન્ડ કંટ્રોલર રોબોટ ડેટા અને ચંદ્રની સપાટીના ફોટોઝ ડાઉનલોડ કરી રહ્યું છે.
ચંદ્ર પર વિમાન ક્યારે ઉતર્યું?
ઓડીસિયસ અંતરિક્ષ યાને ગુરુવારે સાંજે 6:23 વાગ્યે (2323 GMT) ચંદ્રના દક્ષિણ ધ્રુવ પર લેન્ડિંગ કર્યું હતું. આ દરમિયાન વૈજ્ઞાનિકોની ટીમે બેકઅપ પર કામ કરવું પડ્યું હતું. રેડિયો સંપર્ક સ્થાપિત કરવામાં ઘણો સમય લાગ્યો હતો.
ઘણી તકલીફ આવી
અમેરિકાની પ્રાઈવેટ કંપની ઈંટુએટિવ મશીને સોશિયલ મીડિયા પર પોસ્ટ કરી હતી કે, તેમનું હેક્સોગનલ અંતરિક્ષ યાન સીધું ઊભું હતું. ત્યારપછી CEO સ્ટીવ અલ્ટેમસે શુક્રવારે જણાવ્યું કે, આ નિવેદન અયોગ્ય ડેટા પર આધારિત હતું. અલ્ટેમસે જણાવ્યું કે બોર્ડ પર ટીમની ડેટા ડાઉનલોડ કરવાની ક્ષમતા એન્ટેના કારણે સરખી રીતે થઈ શકતી નહોતી.
વધુ વાંચો: અમેરિકા જવું હવે મોંઘુ પડશે, એરલાઈન્સે આ પ્રકારના ચાર્જમાં વધારો કર્યો
પ્રાઈવેટ કંપનીની સફળતા
ઓડીસિયસને સફળતા માનવામાં આવી રહી છે, જે આર્ટેમિસ કાર્યક્રમ હેઠળ ચંદ્રમાથી અમેરિકી અંતરિક્ષ યાત્રીઓના પરત આવવાનો રસ્તો ક્લિઅર થઈ જશે. ગત મહિને અન્ય અમેરિકી કંપનીએ શરૂ કરેલ મૂન મિશન નિષ્ફળ સાબિત થયું હતું. વર્ષ 1972માં નાસા દ્વારા અપોલો 17 મિશન શરૂ કરવામાં આવ્યું હતું. પ્રાઈવેટ કંપનીઓ પાસે તે સફળતા પ્રાપ્ત કરવાની ક્ષમતા છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
