Top Technical Uni / દેશમાં ટોપ 20 યુનિવર્સિટીમાં ગુજરાતની બે સંસ્થાઓ, GTU બીજા નંબરે, જાણો પ્રથમ કઈ

તાજેતરમાં એક ખાનગી એજન્સી દ્વારા ભારતની ટોચની યુનિવર્સિટી યાદી બહાર પાડવામાં આવી હતી. જેમાં ગુજરાતની બે યુનિવર્સિટીઓને આવરી લેવામાં આવી છે. જેમાં આઇઆઇટી ગાંધીનગરનો ઓલ ઇન્ડિયા રેન્ક 12 અને ગુજરાત ટેક્નિકલ યુનિવર્સિટીનો ઓલ ઇન્ડિયા રેન્ક 19 પર સ્થાન મેળવ્યુ હતુ.

2000 માંથી અપાય છે માર્કસ

ભારતભરની યુનિવર્સિટીની વાત કરવામાં આવે તો પ્રથમ ક્રમાંકે આઇઆઇટી દિલ્હી, બીજા ક્રમે આઇઆઇટી કાનપુર અને આઇઆઇટી મુંબઇએ ત્રીજો ક્રમ પ્રાપ્ત કર્યો છે. જેમાં આ તમામ યુનિવર્સીટીને 2000 ના સ્કોરમાંથી ક્રમશ 1890, 1834.8 અને 1823.1 જેટલો સ્કોર હાંસલ કર્યો છે.

ટોપ 28 માં છેલ્લી ત્રણ યુનિ.

બીજી તરફ જોઈએ તો 28 યુનિવર્સિટીમાંથી ગોરખપુર યુનિવર્સિટી, જયપુર યુનિવર્સિટી અને કન્યાકુમારી યુનિવર્સીટીને ક્રમશ 26, 27 અને 28 મો ક્રમાંક મળ્યો છે. જેમના સ્કોર 1048.8, 1019.7 અને 765.4 છે.

આઈઆઈટી ગાંધીનગરના સ્કોરમાં વધારો

વર્ષ 2023 માં ભારતની ટોચની યુનિવર્સિટીમાંથી ગુજરાતની ફક્ત આઈઆઈટી ગાંધીનગરનો નંબર આવ્યો હતો. જેમાં તેને 2000 માંથી 1388.3 સ્કોર પ્રાપ્ત થયા હતા. ત્યારે આ વર્ષે યુનિવર્સીટીના સ્કોરમાં 501.7 નો વધારો જોવા મળ્યો છે.

3 વર્ષની હિસ્ટ્રી

આઇઆઇટી ગાંધીનગરની પાછળા 3 વર્ષની હિસ્ટ્રી જોવામાં આવે તો વર્ષ 2021 માં 1403.4, વર્ષ 2022 માં 1398.6 અને વર્ષ 2023 માં 1388.3 સ્કોર મળ્યો હતો. એટલે કે સતત ત્રણ વર્ષથી સ્કોરમાં નોંધપાત્ર ઘટાડો નોંધાયો હતો. પરંતુ આ વર્ષના સ્કોર ચોંકાવનારા જોવા મળ્યા છે.

વધુ વાંચો : VIDEO : ઝાંપો તૂટી પડતાં આંગણામાં રમી રહેલી ફૂલ જેવી માસૂમ ચગદાઈ, હૈયુ વલોવતો વીડિયો

કેવી રીતે મપાય છે યુનિવર્સિટીના રેન્ક

વિવિધ પ્રકારની 7 રીતે આ રેન્ક માપવામાં આવે છે,

1. REG (Reputation & Governance): વિદ્યાર્થી પસંદગી પ્રક્રિયા, ફેકલ્ટી પસંદગી ગુણોત્તર, વિદ્યાર્થી અને શિક્ષકોની વિવિધતા, યુનિવર્સિટીનો વારસો અને છબી, રાષ્ટ્રીય અને આંતરરાષ્ટ્રીય માન્યતા, ગવર્નિંગ બોર્ડ, ફી, બજેટની યોગ્ય ફાળવણી અથવા ભંડોળની ઉપલબ્ધતા વગેરે.
2. ARE (Academic & Research Excellence): ફેકલ્ટી ગુણવત્તા, શિક્ષણ શાસ્ત્ર, ગુણવત્તા, સંશોધન પેપર્સ, ફેકલ્ટી દ્વારા પ્રકાશિત પુસ્તકો અને કન્સલ્ટન્સી પ્રોજેક્ટ્સની ગુણવત્તા, અભ્યાસક્રમ ડિઝાઇન અને વિકાસ, ભૂતપૂર્વ વિદ્યાર્થીઓનું નેટવર્ક અને યોગદાન, વ્યવહારુ એક્સપોઝર અને લર્નિંગ વગેરે.
3. ILE (Infrastructure & Living Experience): વિદ્યાર્થીઓ અને શિક્ષકો માટે ઈન્ફ્રાસ્ટ્રક્ચર એટલે કે લેબ સુવિધા, પુસ્તકાલય, વર્ગખંડો, રમતગમત, કેન્ટીન, હોસ્ટેલ, ઓડિટોરિયમ, વગેરે.
4. PLD (Personality & Leadership Development): નેતૃત્વ કૌશલ્ય વિકાસ માટે લેવામાં આવતી પ્રવૃત્તિઓ જેવી કે પરિસંવાદો, સાંસ્કૃતિક ઉત્સવો, અતિથિ પ્રવચનો, સહ અભ્યાસક્રમ પ્રવૃત્તિઓ અને શિક્ષણની આધુનિક પ્રથા વગેરે.
5. CPP (Career Progression & Placement ): પ્લેસમેન્ટ, કારકિર્દી વિકાસની તકો, ઉચ્ચ શિક્ષણ અભ્યાસક્રમો-સ્પર્ધાત્મક પરીક્ષાઓમાં પસંદગી, ટકાવારી, શૈક્ષણિક આઉટપુટ, ભરતી કરનારાઓની સંખ્યા અને ગુણવત્તા, કેમ્પસ પ્લેસમેન્ટમાં ઓફર કરાયેલ પગાર વગેરે.
6. OB (Objective Score): કૉલેજમાંથી લેવામાં આવેલા ડેટાના આધારે અને MDRA દ્વારા માન્ય કરાયેલા 5 પેરામીટર્સના કુલ સ્કોરનો સરવાળો.
7. PS (Perceptual Score): હિસ્સેદારો વચ્ચે સમજણપૂર્વકના સર્વેક્ષણના આધારે

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ