દર્દનાક દુર્ઘટના / VIDEO : ઝાંપો તૂટી પડતાં આંગણામાં રમી રહેલી ફૂલ જેવી માસૂમ ચગદાઈ, હૈયુ વલોવતો વીડિયો

સુરક્ષા માટે રખાયેલો ઘરનો ઝાંપો પણ કાળ બની શકે છે. મહારાષ્ટ્રના પુણમાં લોખંડના ઝાંપાએ એક હસતી-ખેલતી બાળકીને કચરી નાખી. પિંપરી-ચિંચવાડમાં એક હૃદયદ્રાવક ઘટનામાં 3 વર્ષની બાળકી બુધવારે તેના ઘરની બહાર રમતી હતી ત્યારે લોખંડનો ભારે ગેટ તેના પર પડતા તેનું મોત થયું હતું.

બાળકી પર પડ્યો લોખંડનો ઝાંપો

ઘટનાના સીસીટીવી ફૂટેજમાં ચાર બાળકો તેમના ઘરની બહાર રમતા જોવા મળે છે. થોડી વાર પછી એક છોકરાએ લોખંડનો ગેટ સરકાવી દીધો અને બે બાળકો અંદર ગયાં જ્યારે છોકરો અંદર ગયો, ત્યારે તેણે તાળું મારવા માટે ગેટ ખેંચ્યો. આ જોઈને બંને છોકરીઓ લોખંડના દરવાજા તરફ ધસી ગઈ. બરાબર આ સમયે લોખંડનો ઝાંપો તૂટી પડ્યો હતો જે પછી ટેડી બિયર પકડેલી એક છોકરી સમયસુર કૂદીને દૂર જતી રહી પરંતુ બીજી છોકરી ઝાંપા નીચે આવી જતાં તેનું કરુણ મોત થયું હતું. ગભરાઈ ગયેલા બાળકો મદદ માટે બોલાવવા દોડ્યા. મૃતકની ઓળખ ગિરિજા ગણેશ શિંદે તરીકે થઈ છે.

વધુ વાંચો : વડોદરામાં બાળકની કિલકારીઓ ગૂંજે તે પહેલા ગર્ભવતી પત્નીનું મર્ડર, પતિએ ફટકારી કોસ

બાળકો મોટાને બોલાવી લાવ્યાં ત્યાં સુધી બાળકીનું મોત

ઝાંપો પડતાં બાળકો દોડ્યા હતા અને ઘરનાને બોલાવી લાવ્યાં હતા પરંતુ તેટલી વાર ઝાંપાએ પોતાનું કામ પૂરુ કરી નાખ્યું હતું અને ફૂલ જેવી માસૂમને ચગદી નાખી હતી.

ગેટ ખામીવાળો હતો

પોલીસ તપાસમાં બહાર આવ્યું છે કે બિલ્ડિંગના માલિક અને રહેવાસીઓ બંનેને ગેટ ખામીયુક્ત હોવાની ખબર હતી છતાં કોઈ પગલાં ભરાયા નહોતા. આ ઘટનાથી રહીશોમાં રોષ ફેલાયો છે અને બિલ્ડીંગ માલિક સામે કડક કાર્યવાહીની માંગ કરી છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ