મનોરંજન / 3 વર્ષ પહેલા આવેલી ફિલ્મ કાનૂની વિવાદમાં અટવાઇ! વધી અજય દેવગણની મુશ્કેલી

બોલીવુડ અભિનેતા અજય દેવગણની આગામી ફિલ્મની બધા આતુરતાથી રાહ જોઈ રહ્યા છે. જોકે 'ધમાલ 4' પહેલા માર્ચમાં રિલીઝ થવાની હતી, પરંતુ હવે ફિલ્મ નિર્માતાઓએ જાહેરાત કરી છે કે તે જૂનમાં આવશે. સાથે જ ડિસેમ્બરમાં 'રેન્જર' રિલીઝ કરવાની યોજના ચાલી રહી છે. દરમિયાન 'ગોલમાલ 5' પર કામ શરૂ થઈ ગયું છે - એક પ્રોજેક્ટ જેની જાહેરાત રોહિત શેટ્ટીએ તાજેતરમાં કરી હતી.

આ દરમિયાન, ભલે તે પોતાની ફિલ્મી પ્રતિબદ્ધતાઓમાં વ્યસ્ત રહે છે, પણ અચાનક જ અભિનેતા માટે એક મોટો માથાનો દુખાવો ઉભો થયો છે. તાજેતરમાં જ એવા અહેવાલ આવ્યા હતા કે અજય દેવગણ કાનૂની મુશ્કેલીમાં ફસાઈ ગયો છે, કારણ કે મૂળ તમિલ ફિલ્મ 'કૈથી'ના નિર્માતાઓએ બોમ્બે હાઈકોર્ટનો સંપર્ક કર્યો છે. તો આવો જાણીએ શું છે સંપૂર્ણ મામલો?

અજય દેવગનની 'ભોલા' એ 2023 માં રિલીઝ થયેલી એક એક્શન-થ્રિલર ફિલ્મ છે, જેનું દિગ્દર્શન અજય દેવગન દ્વારા પોતે કરવામાં આવ્યું હતું. આ ફિલ્મને અજય દેવગન ફિલ્મ્સ, રિલાયન્સ એન્ટરટેઈનમેન્ટ, ટી-સિરીઝ ફિલ્મ્સ અને ડ્રીમ વોરિયર પિક્ચર્સ દ્વારા સંયુક્ત રીતે ભંડોળ પૂરું પાડવામાં આવ્યું હતું. તે 2019 ની તમિલ ફિલ્મ 'કૈથી'ની રિમેક છે. અજય દેવગન ઉપરાંત, કલાકારોમાં તબ્બુ, દીપક ડોબરિયાલ, સંજય મિશ્રા, ગજરાજ રાવ અને વિનીત કુમાર છે. હવે, આ ફિલ્મને લઈને આખો મામલો વિવાદમાં ફસાઇ ગઇ છે.

શા માટે કાયદાકીય મામલામાં ફસાયો છે અજય?

તાજેતરમાં, એક ન્યૂઝ વેબસાઇટ પર એક રિપોર્ટ છપાયો હતો જેમાં ખુલાસો થયો હતો કે મૂળ તમિલ ફિલ્મ 'કૈથી' ના નિર્માતાઓએ બોમ્બે હાઇકોર્ટનો સંપર્ક કર્યો છે. તેમણે અજય દેવગણ પર 'ભોલા'ના રિમેક રાઇટ્સ સંબંધિત નિયમો અને શરતોનું ઉલ્લંઘન કરવાનો આરોપ લગાવ્યો છે. આ સમગ્ર વિવાદ ડ્રીમ વોરિયર પિક્ચર્સ દ્વારા શરૂ કરવામાં આવ્યો હતો, જે કંપની 'કૈથી' નું નિર્માણ કરતી હતી.

રિપોર્ટ્સ અનુસાર, કંપનીનો દાવો છે કે 2019 થી આ હિટ ફિલ્મના કોપીરાઇટ અને રિમેક અધિકારો તેમની પાસે વિશિષ્ટ રીત છે. જોકે, પ્રોડક્શન હાઉસે અગાઉ હિન્દી રિમેક અંગે કેટલાક કરાર કર્યા હતા - જે પછીથી 'ભોલા' તરીકે સાકાર થયા. નિર્માતાઓનો આરોપ છે કે રિમેક અધિકાર કરાર સાથે સંકળાયેલી કેટલીક નાણાકીય જવાબદારીઓ પૂર્ણ કરવામાં આવી નથી. ફક્ત અમુક પેમેન્ટ કરવામાં આવ્યુ છે, જ્યારે બાકીની નક્કી કરેલી રકમ બાકી છે; આમાં ફિલ્મની કમાણી સાથે જોડાયેલા વધારાના હપ્તાઓ તેમજ વેરિએબલ પેમેન્ટ્સ શામેલ છે.

આ પણ વાંચોઃ 'મરી કેમ નથી જતા શહબાઝ શરીફ', પેટ્રોલનો ભાવ ભડકે બળતા પાકિસ્તાની એક્ટ્રેસ થઇ ગુસ્સે

જોકે, મૂળ ઉત્પાદકોએ તેને ઉકેલવા માટે અનેક પ્રયત્ન કર્યા પરંતુ કોઈ જવાબ ન મળતાં સમગ્ર મામલો વધુ વકર્યો. ત્યારબાદ, તેમણે વ્યાજ સાથે બાકી રકમની માંગણી કરતી કાનૂની નોટિસ ફટકારી. તેમણે ચેતવણી પણ આપી કે જો તેમની માંગણીઓ પૂર્ણ નહીં થાય, તો કરાર રદ કરવામાં આવશે અને રાઇટ્સ પાછા લઇ લેવામાં આવશે. વિવાદનો અંત ના આવે તો Dream Warrior Pictures કાનૂની ઉપાય અપનાવવાનું પસંદ કર્યું છે. તેમણે પહેલા નેશનલ કંપની Law Tribunal (NCLT)નો સંપર્ક કર્યો, જ્યાં ટ્રિબ્યુનલે તેમની અરજી ફગાવી દીધી. નિર્માતાઓએ હવે બોમ્બે હાઈકોર્ટમાં કોમર્શિયલ ઇન્ટલેક્ચુઅલ પ્રોપર્ટી કેસ દાખલ કરીને સ્ટે ઓર્ડરની માંગ કરી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ