ટેક્નોલોજી / એનરોઈડમાં આ રીતે કામ કરે છે એપ્પલની એરડ્રોપ સિસ્ટમ, જાણી લેજો આ ટ્રિક

હવે Google એ પોતાના ફાઇલ શેરિંગ ફીચરમાં સુધારો કર્યો છે. હવે Android અને Apple ડિવાઇસ વચ્ચે પણ સરળતાથી ફાઇલ મોકલી શકાય છે. તેમાં કોઈ અલગ એપ ઇન્સ્ટોલ કરવાની જરૂર નથી, સીધા ડિવાઇસથી ડિવાઇસ કનેક્શનથી ફાઇલ શેર થઈ જાય છે. એટલે હવે Android વાપરનાર લોકોને પણ iPhone જેવી સરળતા મળશે.

એન્ડ્રોઈડથી આઈફોનમાં આવી રીતે થશે ફાઈલ શેર

હવે નવા અપડેટ પછી Android ફોનમાંથી સીધું iPhone, iPad અથવા Macમાં ફાઇલ મોકલવી સરળ બની ગઈ છે. આ માટે સામેના iPhoneમાં AirDrop ને “Everyone (14 minutes)” પર રાખવું પડે. પછી Android ફોનમાં Quick Share ખોલીને નજીકમાં દેખાતું Apple ડિવાઇસ સિલેક્ટ કરીને સરળતાથી ફાઇલ મોકલી શકાય છે. એજ રીતે જો iPhoneમાંથી Androidમાં ફાઇલ મોકલવી હોય તો Android ફોનને પણ “discoverable” (બીજાને દેખાય એવું) રાખવું પડશે. પછી iPhoneમાંથી AirDrop વડે ફાઇલ મોકલી શકાય છે. એટલે હવે બન્ને ડિવાઇસ વચ્ચે ફાઇલ શેર કરવું ઘણું સરળ બની ગયું છે.

કેવી રીતે કામ કરે છે આ સિસ્ટમ?

આ ફીચર બ્લૂટૂથ અને Wi-Fi બન્નેને સાથે લઈને કામ કરે છે. સૌથી પહેલા બન્ને ડિવાઇસ એકબીજાને ઓળખે છે, પછી સીધુ કનેક્શન બનાવે છે અને ફાઇલ ટ્રાન્સફર શરૂ થાય છે. એટલે ફાઇલ એક ડિવાઇસમાંથી સીધી બીજા ડિવાઇસમાં જાય છે. આમાં ઇન્ટરનેટ કે કોઈ સર્વરનો ઉપયોગ થતો નથી. એટલે તમારી ફાઇલ ક્યાંય વચ્ચે સ્ટોર થતી નથી અને સીધી જ મોકલાય છે. આ કારણે ફાઇલ શેરિંગ ઝડપી પણ બને છે અને સુરક્ષિત પણ રહે છે.

આ પણ વાંચોઃ ફોન અને સ્માર્ટવોચ પર સકંટ, સરકારી એજન્સીએ જાહેર કરી જરુરી વોર્નિંગ

પહેલા કેવી રીતે કામ કરતુ હતુ એરડ્રોપ

પહેલાં AirDrop ફક્ત Appleના ડિવાઇસ વચ્ચે જ કામ કરતું હતું. એટલે iPhone, iPad અને Mac વાપરનાર લોકો એકબીજાને ફોટો, વિડિયો કે ડોક્યુમેન્ટ સરળતાથી મોકલી શકતા હતા. તેમાં પહેલા Bluetoothથી નજીકના ડિવાઇસ શોધાતા અને પછી Wi-Fi વડે ઝડપથી ફાઇલ મોકલાતી. હવે આવી જ સુવિધા Android યુઝર્સને પણ મળવા લાગી છે. આ સિસ્ટમ સુરક્ષિત માનવામાં આવે છે કારણ કે ફાઇલ મોકલતી વખતે ડેટા એન્ક્રિપ્ટેડ રહે છે અને ક્યાંય સર્વર પર સેવ થતો નથી. ફાઇલ મોકલતા પહેલા બન્ને લોકોની મંજૂરી લેવી પડે છે. એટલે હવે Android અને Apple વચ્ચે ફાઇલ મોકલવી સરળ બની જશે અને કોઈ એપ કે ઇન્ટરનેટની જરૂર નહીં પડે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ