છત્તીસગઢમાં ભાજપે સીએમના નામનું એલાન કરી દીધું છે. રાજધાની રાયપુરમાં યોજાયેલી ભાજપ ધારાસભ્યની બેઠકમાં વિષ્ણુદેવ સાયના નામ પર મંજૂરીની મહોર મારવામાં આવી હતી. બેઠકમાં હાજર તમામ 54 ધારાસભ્યોએ વિષ્ણુદેવ સાયના નામને સર્વસંમતિથી વધાવી લીધું હતું. છત્તીસગઢના સીએમની સાથે બે ડેપ્યુટી સીએમ પણ બનાવવામાં આવશે. વિજય શર્મા ડેપ્યુટી સીએમ અને અરુણ સાઓ ડેપ્યુટી સીએમ તરીકે શપથ લેશે. બીજેપીએ આજે જ છત્તીસગઢના સીએમના નામની જાહેરાત કરી છે. છત્તીસગઢના સીએમની સાથે બે ડેપ્યુટી સીએમ પણ બનાવવામાં આવશે. વિજય શર્મા ડેપ્યુટી સીએમ અને અરુણ સાઓ ડેપ્યુટી સીએમ તરીકે શપથ લેશે. અરુણ સાવવ હાલમાં છત્તીસગઢના પ્રદેશ અધ્યક્ષ છે. છત્તીસગઢના મુખ્યમંત્રી પદ માટે વિષ્ણુદેવ સાયના નામની જાહેરાત થઈ ચૂકી છે. હવે તેમની સાથે બે ડેપ્યુટી સીએમના નામ પણ સામે આવ્યા છે.
_3.jpg)
કોંગ્રેસ સાંસદ ધીરજ સાહુ સાથે જોડાયેલા સ્થળો પરથી આવકવેરાના દરોડામાં કુલ 353 કરોડ રૂપિયાની રોકડ મળી આવી છે. આ રૂપિયા ગણવામાં કુલ પાંચ દિવસ લાગ્યા હતા. આ મતગણતરી રવિવારે મોડી રાત્રે પૂર્ણ થઈ હતી. આ સમય દરમિયાન ઘણા આઈટી અધિકારીઓ અને બેંક કર્મચારીઓ કલાકો સુધી બેસીને નોટો ગણતા હતા. ઈન્કમટેક્સે પાંચ દિવસ પહેલા ઓડિશા સહિત ત્રણ રાજ્યોમાં ઓડિશા સ્થિત ડિસ્ટિલરી ગ્રૂપ પર કરચોરીના આરોપસર દરોડા પાડવાનું શરૂ કર્યું હતું. દેશમાં અત્યાર સુધીના ઇતિહાસમાં આ સૌથી વધુ રોકડ જપ્તી છે.રવિવાર સાંજ સુધીમાં બોલાંગીર, તિતલાગઢ અને સંબલપુરમાં સ્ટેટ બેંક ઓફ ઈન્ડિયાની ત્રણ શાખાઓમાં બેંક અધિકારીઓએ 3 ડઝનથી વધુ કાઉન્ટિંગ મશીનો અને 80 અધિકારીઓને તૈનાત કરીને આશરે રૂ. 353 કરોડની ગણતરી કરી હતી. SBI બોલાંગીરના પ્રાદેશિક મેનેજરે જણાવ્યું હતું કે, છેલ્લા 3 દિવસમાં સ્ટાફ દ્વારા ગણતરી કરવામાં આવેલી રોકડની રકમ તેઓ એક વર્ષમાં ગણી છે તેના કરતા વધુ છે. રૂ. 100, 200 અને 500ની નોટોની 176 થેલીઓ હતી. આ દારૂ બોલાંગીર શહેરના સુદાપાડા વિસ્તારમાં આવેલી કંપનીની ઓફિસમાંથી એક દિવસ પહેલા બોલાંગીરની એસબીઆઈની મુખ્ય શાખામાં લાવવામાં આવ્યો હતો.
કરણી સેના ચીફ સુખદેવસિંહ ગોગામેડીના હત્યારા રોહિત રાઠોડ અને નીતિન ફોજીને મર્ડરના કેટલા પૈસા મળ્યાં હતા તેને લઈને એક જાણકારી સામે આવી છે. શૂટર રોહિત રાઠોડ અને નીતિન ફોજીને ગોગામેડીના મારવા બદલ 50-50 હજાર આપવામાં આવ્યાં હતા. કેનેડામાં બેઠેલા ગેંગસ્ટર રોહિત ગોદારાએ તેમના ખાતામાં પૈસા ટ્રાન્સફર કર્યાં હતા. પકડાયા પહેલા, તેઓએ ચંદીગઢથી ગોવા ભાગી જવાની યોજના બનાવી હતી. તેણે નકલી આઈડી કાર્ડની મદદથી ચંદીગઢમાં એક હોટલનો રૂમ પણ લીધો હતો. હત્યારાઓએ ચંદીગઢની હોટલમાં જયવીર, દેવેન્દ્ર અને સુખવીરના નામે રૂમ બુક કરાવ્યો હતો. ત્રણેયે હોટલ સ્ટાફને જણાવ્યું હતું કે તેઓ મનાલીથી આવી રહ્યા છે અને પછી હરિયાણા જઇ રહ્યા છે. તેઓ શનિવારે સાંજે 7:40 વાગ્યે હોટલ પર પહોંચ્યા હતા અને માત્ર 1 કલાક બાદ દિલ્હી પોલીસની ક્રાઇમ બ્રાંચ અને રાજસ્થાન પોલીસની ક્રાઇમ બ્રાંચે જોઇન્ટ ઓપરેશન દરમિયાન ત્રણેયની હોટલમાંથી ધરપકડ કરી હતી. આરોપીઓની અત્યાર સુધીની પૂછપરછ મુજબ હત્યાના લગભગ એક અઠવાડિયા પહેલા આ સમગ્ર ષડયંત્ર રચવામાં આવ્યું હતું. આ માટે આ હત્યાકાંડને અંજામ આપતી વખતે માર્યા ગયેલા મૃતક નવીન શેખાવતે ગોગામેડીની રેકી પણ કરી હતી.
લાંબા સમયની અટકળો પછી બસપાના વડા માયાવતીએ આખરે તેમના ઉત્તરાધિકારીની જાહેરાત કરી. ઉત્તર પ્રદેશની રાજધાની લખનઉમાં યોજાયેલી બેઠકમાં બસપા સુપ્રીમો માયાવતીએ તેમના ભત્રીજા આકાશ આનંદને તેમના ઉત્તરાધિકારી તરીકે જાહેર કર્યા છે. આ બેઠકમાં BSP સુપ્રીમોએ તમામ રાષ્ટ્રીય પદાધિકારીઓ અને રાજ્યોના મુખ્ય અધિકારીઓને બોલાવ્યા હતા.આકાશ આનંદને પાર્ટીની કમાન મળશે કે કેમ તે અંગે ઘણા સમયથી અટકળો ચાલી રહી હતી એવામાં માયાવતીએ જાહેરાત કરી કે એમનો વારસો ભત્રીજા આકાશ આનંદને સોંપ્યો છે. એવામાં BSP નેતા ઉદયવીર સિંહનું કહેવું છે કે BSP ચીફ માયાવતીએ આકાશ આનંદને તેમના ઉત્તરાધિકારી તરીકે જાહેર કર્યા છે. હવે આગામી લોકસભાની ચૂંટણી અને તેની તૈયારીઓને લઈને આકાશ આનંદનું કદ વધવાના સંકેત મળી રહ્યા છે.' સાથે જ અનેક જાણકારોનું કહેવું છે કે 'બેઠકમાં કરવામાં આવેલી આ જાહેરાતથી ઉત્તર પ્રદેશની રાજનીતિ અને પાર્ટીની રાજકીય લાઇન પર મોટી અસર પડી શકે છે.'
મેરિટલ રેપ પર સુપ્રીમ કોર્ટનો ચુકાદો આવવાનો બાકી છે પરંતુ તે પહેલા એક મોટી હાઈકોર્ટે મેરિટલ રેપને લઈને ચુકાદો જાહેર કર્યો છે. અલ્હાબાદ હાઈકોર્ટે ચુકાદો આપ્યો છે કે જો પત્નીની ઉંમર 18 વર્ષથી વધુ હોય તો વૈવાહિક બળાત્કારને ગુનો ગણી શકાય નહીં. અદાલતે આ ટિપ્પણી પતિને તેની પત્ની વિરુદ્ધ "અકુદરતી ગુનો" કરવાના આરોપમાંથી નિર્દોષ જાહેર કરતી વખતે કરી હતી. આ કેસના આરોપીઓને આઈપીસીની કલમ 377 હેઠળ દોષિત ઠેરવી શકાય નહીં એમ જણાવતાં જસ્ટિસ રામ મનોહર નારાયણ મિશ્રાની બેન્ચે કહ્યું હતું કે દેશમાં મેરિટલ રેપને હજુ સુધી ગુનો ગણવામાં આવ્યો નથી. અલ્હાબાદ હાઈકોર્ટે મધ્ય પ્રદેશ હાઈકોર્ટના અગાઉના અવલોકનને સમર્થન આપતા એમ પણ કહ્યું હતું કે વૈવાહિક સંબંધમાં કોઈ 'અકુદરતી ગુના' (આઈપીસીની કલમ 377 મુજબ) માટે કોઈ સ્થાન નથી.
આવકવેરા વિભાગે કોંગ્રેસના રાજ્યસભા સાંસદ ધીરજ સાહૂના ઠેકાણાઓ પર દરોડા પાડ્યા હતા. જેમાં રોકડ 352 કરોડ રકમ મળી આવ્યાની માહિતી છે. જે કોંગ્રેસ સાંસદના ઘરેથી કરોડોની રોકડ મામલે કેન્દ્રીય ગૃહમંત્રી અમિત શાહનું નિવેદન સામે આવ્યું છે. કેન્દ્રીય ગૃહમંત્રી અમિત શાહ જણાવ્યું કે, આઝાદી પછી આટલી મોટી રકમ કોંગ્રેસ સાંસદના ઘરેથી મળી તે આશ્ચર્યજનક છે. આ મામલે I.N.D.I.A. ગઠબંધન કેમ ચુપ છે. તેમણે કહ્યું કે, કોંગ્રેસ મૌન હોવાનું કારણ તેમનો ભ્રષ્ટાચારી સ્વભાવ છે. આ મામલે JDU, RJD, DMK અને SP પણ મૌન છે. પ્રધાનમંત્રી મોદી વિરુદ્ધ અભિયાન ચલાવવાનું કારણ તેમના ભ્રષ્ટાચારની પોલ ખુલવાનો છે. તેમણે કહ્યું કે, હું તો માનું છું આ મામલે રાહુલ ગાંધી સહિતને જવાબ આપવો જોઈએ. અમારી લડાઈ 2014થી જ ભ્રષ્ટ્રાચાર વિરોધી છે
હવામાન વિભાગ ફરી એક વખત હવામાનને લઈ આગાહી કરી છ કે,રાજ્યમાં આગામી 2 દિવસ વાતાવરણ સુકું રહેશે. આ સાથે આગામી 2 વરસાદની પણ કોઈ સંભાવના નથી. રાજ્યમાં આગામી 2 વરસાદની પણ કોઈ સંભાવના નથી. અમદાવાદ સહિત રાજ્યમાં ઠંડીનો પારો એક બે ડિગ્રી ઘટશે. આ સાથે આગામી 2-3 દિવસ તાપમાનમાં કોઈ બદલાવ નહિં આવે. મહત્વનું છે કે, નોર્થ-ઇસ્ટ ગુજરાત તરફથી ઠંડા પવન ફૂંકાઈ રહ્યા છે.
અંબાલાલ પટેલની મોટી આગાહી સામે આવી છે. અંબાલાલ પટેલે કહ્યું કે, આજથી અરબી સમુદ્રમાં હવાનું હળવું દબાણ સર્જાશે. ડિપ ડિપ્રેશન સર્જાશે જેને લઈ ઉત્તર ગુજરાતમાં ઠંડીનો ચમકારો જોવા મળશે. અંબાલાલ પટેલે કહ્યું કે, અત્યારે નબળા પશ્ચિમિ વિક્ષેપના કારણે નથી ઠંડી પડતી. આ સાથે ઠંડી સાથે રાજ્યમાં કમોસમી વરસાદ થવાની પણ સંભાવના વ્યક્ત કરાઇ છે. 22 ડિસેમ્બરથી ઉત્તરીય પર્વતીય પ્રદેશોમાં ભારે હિમવર્ષા થશે. જેને લઈ 28 ડિસેમ્બરથી રાજ્યમાં ઠંડીનો ચમકારો અનુભવાશે. તેમણે કહ્યું કે, ઓછી ઠંડીનું કારણ અલનીનો અને નબળા પશ્ચિમી વિક્ષેપ છે.
અમદાવાદમાં ફરી એક વખત પોલીસ પર તોડકાંડનો આરોપ લગાવવામાં આવ્યો છે. બીમાનગર સોસાયટી આગળ પોલીસકર્મીઓએ યુવક પાસે તોડ કર્યાનો આક્ષેપ લગાવ્યો છે. સુરેશ ગુર્જર નામના યુવક પાસેથી પોલીસકર્મીએ એક હજાર રૂપિયા પડાવ્યાના આરોપ લગાવવામાં આવ્યો છે. ભોગ બનનાર જણાવ્યું કે, 9 ડિસેમ્બરે સવારે 11.15 વાગ્યે બીમાનગર સોસાયટી આગળ બેઠો હતો ત્યારે PCR વાન લઈને આવેલા 2 પોલીસકર્મીઓએ મને બોલાવ્યો હતો. મને ધમકાવીને 2 પોલીસકર્મીઓએ મારો ફોન લઈ લીધો હતો. તેમણે મારા તમામ સોશિયલ મીડિયામાં એકાઉન્ટ પણ ચેક કર્યા હતા. Dream11ની એપ્લિકેશન જોયા બાદ સટ્ટો રમતા હોવાનું કહીને મને ધમકાવ્યો હતો.
ગુજરાતમાં ઘરેલુ હિંસાના કાયદાના દુરુપયોગનો ગંભીર કેસ સામે આવ્યો છે. 96 વર્ષના પિતાથી ઘર ખાલી કરાવવા માટે દીકરાએ પત્નીને કહીને ઘરેલુ હિંસાનો કેસ પોતાના જ પિતા પર કરાવ્યો. દીકરા અને વહુના ખોટા કેસના કારણે 96 વર્ષના વૃદ્ધે વારંવાર કોર્ટના ધક્કા ખાવા પડ્યા. જોકે હવે હાઇકોર્ટમાં દીકરા અને વહુની પોલ ખૂલી ગઈ છે. હાઇકોર્ટે દીકરાને જ ઘર ખાલી કરવાનો આદેશ આપી દીધો છે. હાઇકોર્ટે આદેશ આપ્યો કે દીકરાને વૃદ્ધ મા-બાપના ઘરમાંથી કાઢી મૂકવામાં આવે, સાથે જ સિંગલ બેન્ચના આદેશ પર પણ રોક લગાવવામાં આવી. નોંધનીય છે કે વર્ષ 2019માં દીકરાના વ્યવહારથી પરેશાન થઈને વૃદ્ધ દંપત્તિએ કેસ નોંધાવ્યો હતો. જે બાદ ટ્રિબ્યુનલે દીકરાને ઘર ખાલી કરવાનો આદેશ આપ્યો. દીકરા સામે આવ્યો આદેશ આવતા વહુએ સસરા સામે જ ઘરેલુ હિંસાનો કેસ કરી નાંખ્યો, આટલું જ નહીં વહુ તરફથી એવો પણન દાવો કરવામાં આવ્યો કે આ ઘરમાં રહેવાનો તેનો પણ અધિકાર છે.
અમરેલી જિલ્લાના ધારી તાલુકાના છતડિયા ગામના ખેડૂતે આપઘાત કરતાં પંથકમાં ચકચાર મચી છે. બાલાભાઈ ઓધવજીભાઈ નાડોદ્રા નામના ખેડૂત 3 વીઘા ખેતી કરીને પરિવારનુ ગુજરાન ચલાવતા હતા. ખેતી માટે તેઓએ સૌરાષ્ટ્ર ગ્રામીણ બેંકમાંથી લોન લીધી હતી. લોન ભરપાઈ નહી કરી શકતાં બેંક દ્વારા અવાર નવાર નોટિસ આવતી હતી. રૂપિયા 3 લાખ 59 હજાર બાકી લેણું ભરવાની ક્ષમતા નહી હોવાથી પોતાના ઘરમાં દોરડા વળે ગળેફાંસો ખાઇને મોતને વ્હાલુ કર્યુ હતુ.
ભારત અને દક્ષિણ આફ્રિકા વચ્ચેની પહેલી ટી 20 મેચમાં વિઘ્ન આવ્યું છે. વરસાદ ચાલું જ રહેતા મેચ રમાઈ શકી નહોતી અને આખરે તેને રદ કરી દેવી પડી હતી. આફ્રિકાના ડરબનમાં આ મેચ રમાવાની હતી પરંતુ મેચ પહેલા જ ધોધમાર વરસાદ શરુ થઈ ગયો હતો જે અટક્યો જ નહીં અને આને કારણે ટોસ વગર જ મેચ રદ્દ કરી દેવામાં આવી હતી.ટી-20 સીરિઝમાં સૂર્યકુમાર યાદવ ભારતીય ટીમનું નેતૃત્વ કરી રહ્યો છે. ઓસ્ટ્રેલિયા સામે તાજેતરમાં યોજાયેલી પાંચ ટી-5ની શ્રેણીમાં પણ તેણે કેપ્ટન્સી સંભાળી હતી. આ શ્રેણીમાં ભારતીય ટીમે પણ 20-4થી મજબૂત જીત મેળવી હતી.
