ગરુડ પુરાણ / ગરીબાઈ પીછો નથી છોડતી? ગરુડ પુરાણ અનુસાર આવા કાર્ય કરવાથી થઈ જશો કંગાળ, કોઈ હાથ પણ નહીં પકડે

• ગરુડ પુરાણ અનુસાર બિલકુલ પણ ના કરશો આ કામ.
• મૃત્યુ બાદ સદગતિ મેળવવા કરો આ કામ. 
• આ બાબતોનું અનુસરણ કરવાથી જીવન સુખમયી બને છે. 

હિંદુ ધર્મમાં ગરુડ પુરાણ એક એવો ગ્રંથ છે, જે 18 મહાપુરાણમાંથી એક છે. ગરુડ પુરાણમાં જે પણ જ્ઞાન અને નીતિ નિયમ જણાવવામાં આવ્યા છે, તેના પર અમલ કરવામાં આવે તો કોઈપણ વ્યક્તિએ મુશ્કેલીઓનો સામનો કરવો પડતો નથી. 

ગરુડ પુરાણ ગ્રંથમાં ભગવાન વિષ્ણુ જણાવે છે કે, કયા કર્મ કરવા જોઈએ અને કયા કર્મ ના કરવા જોઈએ, કોની સંગત કરવી જોઈએ અને કોની સંગત ના કરવી જોઈએ. મૃત્યુ બાદ યમલોકની યાત્રા, સ્વર્ગ અને નરક આ તમામ બાબતો વિશે ગરુડ પુરાણમાં જણાવવામાં આવ્યું છે. ગરુડ પુરાણમાં જે બાબતો જણાવવામાં આવી છે, તે બાબતોનું અનુસરણ કરવાથી વ્યક્તિને સાચા અને ખોટાની ખબર પડે છે. આ પ્રકારે વ્યક્તિ સુખી જીવન જીવે છે અને મૃત્યુ પછી સદગતિ પ્રાપ્ત થાય છે. અહીંયા એવા કાર્યો વિશે જણાવવામાં આવ્યું છે, જે ક્યારેય પણ ના કરવા જોઈએ. આ કાર્ય કરવાથી ઘરમાં દરિદ્રતા આવે છે. 

અન્નનું દાન કરો: અન્નનું દાન કરવું એ પુણ્યનું કામ છે. અન્નું દાન કરવાથી તમારી સાથે સાથે સાત પેઢીઓનું પણ કલ્યાણ થાય છે. આ કારણોસર ભૂલ્યા વગર અન્નનું દાન કરવું જોઈએ અને ભૂખ્યાને ભોજન કરાવવું જોઈએ. 

પતિથી દૂર ના રહેશો: પત્ની પતિનું અડધુ અંગ ગણવામાં આવે છે. ગરુડ પુરાણ અનુસાર પત્નીએ પતિથી દૂર ના રહેવું જોઈએ. દાંપત્ય જીવન સુખમયી રહે તે માટે પતિ અને પત્નીએ સાથે રહેવું જરૂરી છે. જો દંપતી વચ્ચે મતભેદ થઈ જાય તો પણ પતિથી દૂર ના રહેવું જોઈએ. લાંબા સમય સુધી દૂર રહેવાથી સંબંધમાં ખટાશ આવી શકે છે અને પારિવારિક પરેશાની વધી શકે છે. 

કોઈનું અપમાન ના કરશો: કોઈપણ વ્યક્તિનું ક્યારેય અપમાન ના કરશો. આ કારણોસર કડવા શબ્દો ના બોલવા જોઈએ. જે શબ્દોથી કોઈના મનને ઠેસ પહોંચે તેવા શબ્દો ના બોલવા જોઈએ. કોઈ વ્યક્તિ તમારાથી નાની અથવા મોટી હોય તો તમારે વિનમ્રતાથી વાત કરવી જોઈએ અને ખરાબ શબ્દો ના બોલવા જોઈએ.