અનંત અંબાણી અને રાધિકા મર્ચન્ટના પ્રી-વેડિંગ બેશનો ત્રીજો અને છેલ્લો દિવસ ખૂબ જ ખાસ રહ્યો. ત્રીજા દિવસે અરિજીત સિંહ, લકી અલી, શ્રેયા ઘોષાલ અને ઉદિત નારાયણ જેવા સિંગર્સે પરફોર્મ કર્યું. આ બધા સિંગર્સે પોતાના અવાજથી મહેમાનોનું મનોરંજન કર્યું. તેમના ગીતો પર બોલિવુડ સ્ટાર્સ અને બીજા મહેમાનો નાચતા જોવા મળ્યા.
એવામાં બોલિવુડના મિસ્ટર પરફોક્શનિસ્ટ આમિર ખાન અને નીતા અંબાણીના ડાન્સનો એક વીડિયો પણ વાયરલ થઈ રહ્યો છે. તેમાં આમિર ખાન પોતાની જ ફિલ્મના એક ગીત પર નીતા અંબાણી સાથે ડાન્સ કરતા જોવા મળી રહ્યા છે.
નીતા અંબાણી સાથે આમીર ખાને કર્યો ડાન્સ
વાયરલ ક્લિપમાં તમે જોઈ શકો છો કે સ્ટેજ પર ઉદિત નારાયણ આમિક ખાનની ફિલ્મ કયામત સે કયામત તકનું ગિત પહેલા નશા ગાઈ રહ્યા છે. ત્યાં જ સ્ટેજથી નીચે આમિર ખાન આ ગીત પર નીતા અંબાણીની સાથે ડાન્સ કરતા જોવા મળી રહ્યા છે.
તેમની સાથે જ અનંત અંબાણી અને રાધિકા મર્ચન્ટ પણ આ ગીત પર ડાન્સ કરતા જોવા મળી રહ્યા છે. આ વીડિયો સોશિયલ મીડિયા પર ખૂબ જ વાયરલ થઈ રહ્યો છે અને ફેન્સ તેના પર ઘણી કમેન્ટ્સ પણ કરી રહ્યા છે.
વધુ વાંચો: VIDEO: પહેલા મહાઆરતી પછી રાધિકાની એન્ટ્રી, અનંત અંબાણીએ પકડ્યો હાથ... જુઓ જશ્નના છેલ્લા દિવસના દ્રશ્યો
આ ફંક્શનનો એક બીજો પણ વીડિયો હાલ સોશિયલ મીડિયા પર વાયરલ થઈ રહ્યો છે. જેમાં મુકેશ અંબાણી ડોન ફિલ્મની ધૂન પર ગોગલ્સ પહેરીને બેઠા છે અને ત્યાર બાદ નીતા અંબાણી આવે છે અને કહે છે 'મુકેશ, ચાલો અનંતના સંગીત પર જઈએ. આ પછી બધાને ખબર પડે છે કે 'નીતા અંબાણી અંબાણી પરિવારની અસલી ડોન છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
