આયોજન / અમદાવાદમાં WWE જેવી રેસલિંગ ઈવેન્ટનું આ તારીખથી આયોજન, 25 રેસલરો કરશે ફાઇટિંગ

• WWE જેવી રેસલિંગ ઈવેન્ટનું આયોજન 
• 25મી ફેબ્રુઆરીએ યોજાશે ઈવેન્ટ
• SG હાઈવે પરના RM ફાર્મમાં ઈવેન્ટ

દુનિયાની નંબર વન રેસલિંગ ઈવેન્ટ એટલે WWE. આ ઈવેન્ટમાં દુનિયાભરના રેસલરો ભાગ લે છે. અને આ ઈવેન્ટ મોટાભાગે અમેરિકા, યુરોપ અને એશિયાના અમૂક જ દેશોમાં યોજાતી હોય છે. પરંતુ હવે આવી જ એક WWE જેવી ઈવેન્ટનું આયોજન અમદાવાદમાં કરવામાં આવ્યું છે. 

25 રેસલરો એકબીજા સાથે ટકરાશે
આગામી 25મી ફેબ્રુઆરીએ શહેરના SG હાઈવે પરના RM ફાર્મમાં WWE જેવી રેસલિંગ ઈવેન્ટ યોજાશે. જેમાં દેશભરના 25 જેટલા રેસલરો એક બીજા સામે ટકરાશે. આ ઈવેન્ટ સાંજે 6થી 10 વાગ્યા સુધી ચાલશે. એક સાથે 10 હજારથી વધુ લોકો જોઈ શકે તેવા પ્રકારનું આયોજન કરવામાં આવ્યું છે. ફાઈટ જોવા માટે પ્રેક્ષકે 299થી લઈને 4999 સુધી રૂપિયા ખર્ચવા પડશે. ઈવેન્ટમાં વિજેતા બનનાર રેસલરને અંદાજે 6થી 7 લાખ રૂપિયાનો બેલ્ટ આપવામાં આવશે.

વાંચવા જેવું: 'ઘણાને ભાજપમાં આવવું છે પણ..' ઉનાના ધારાસભ્ય કે.સી રાઠોડે કોંગ્રેસ પર કસ્યો તંજ, વીડિયો વાયરલ

અમદાવાદમાં WWE જેવી ગેમનું આયોજન
ટીવી પર WWE લગભગ તમામે જોઈ જ હશે. આ ગેમમાં એક પ્રકારની કુસ્તી છે. જેમાં બે બળિયા એક બીજાને પછાડી પછાડી માર મારે છે. આ ગેમ્સ ખુબ જ લોકપ્રિય છે. ત્યારે આ પ્રકાર ગેમનું આયોજન અમદાવાદમાં કરવામાં આવી રહ્યું છે, પાટણના બે રેસલર ભાઈઓ દ્વારા અમદાવાદમાં પ્રથમ વખત આ રેસલર ગેમનું આયોજન કરવામાં આવ્યું છે.