ક્રાઈમ / ભાવનગર જિલ્લાના જેસર તાલુકાના શેવડીવદર ગામે પ્લોટ પર બાંધકામ વખતે મારામારી, 6 લોકો ઈજાગ્રસ્ત

ભાવનગરના જેસર તાલુકાના શેવડીવદર ગામે જૂની અદાવતના કારણે હિંસક બનાવ સામે આવ્યો છે. પરિવાર પોતાના પ્લોટ પર બાંધકામ કરી રહ્યો હતો ત્યારે પડોશી મહરીભાઈ સહિતના લોકો અચાનક હથિયારો સાથે તૂટી પડ્યા હતા.

ઈજાગ્રસ્તોને તાત્કાલીક સારવાર અર્થે ખસેડાયા

માહિતી મુજબ, હુમલાખોરોએ લાકડાના દંડા, લોખંડના રોડ તેમજ ધારદાર હથિયારો વડે પરિવારના સભ્યો પર નિર્દયી રીતે હુમલો કર્યો હતો. આ બનાવમાં અનેક લોકો ગંભીર રીતે ઇજાગ્રસ્ત થયા છે. જેમને તાત્કાલિક સારવાર માટે હોસ્પિટલમાં ખસેડવામાં આવ્યા છે.

તમામ ઘાયલોને હોસ્પિટલ ખસેડાયા

પીડિત પરિવાર દ્વારા નોંધાવવામાં આવેલી પોલીસ ફરિયાદમાં જણાવાયું છે કે હુમલાખોરોએ મહિલાઓ સાથે અશોભનીય વર્તન પણ કર્યું હતું. ઉપરાંત, જાનથી મારી નાખવાની ધમકીઓ પણ આપવામાં આવી હતી.

હુમલો કરનાર પરિવાર સામે ફરિયાદ

આ બનાવ પાછળ જૂની અદાવત મુખ્ય કારણ હોવાનું સામે આવ્યું છે. મુખ્ય આરોપી મહરીભાઈ અગાઉ પણ પાસા (PASA) હેઠળ જેલવાસ ભોગવી ચૂક્યો હોવાનું જાણવા મળ્યું છે.

આ પણ વાંચોઃ આડાસંબધથી જન્મેલા શિશુની હત્યા કરી દાટી દીધું, પોરબંદરમાં પરિણીતાના પાપનો ભાંડો ફૂટ્યો

વીડિયો સોશિયલ મીડિયામાં વાયરલ

ઘટનાના કેટલાક વિડિયો પણ સામે આવ્યા છે. જે સોશિયલ મીડિયા પર વાયરલ થઈ રહ્યા છે. પોલીસ દ્વારા ફરિયાદના આધારે કેસ દાખલ કરી વધુ તપાસ હાથ ધરવામાં આવી છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ