ચોંકાવનારૂ / 51 વર્ષથી તારા જેવી છોકરીની શોધમાં છું, ફ્રી હોય તો... ફ્લાઈટમાં એર હોસ્ટેસ સાથે આ શું બની ગયું?

• માલે-બેંગ્લોર ફ્લાઇટ ચર્ચામાં આવી
• 51 વર્ષીય મુસાફરે એરહોસ્ટેસ સાથે છેડતી કરી
• અકરમ અહમદ નામના આરોપીને બેંગ્લોરથી દબોચી લેવાયો

માલે-બેંગ્લોર ફ્લાઇટ ફરી ચર્ચામાં આવી છે. જેમાં માલદીવના એક 51 વર્ષીય મુસાફરે એરહોસ્ટેસ સાથે છેડતી કરી હોવાના ચોંકાવનારા આરોપસર તેમની ધરપકડ કરવામાં આવી છે. અકરમ અહમદ નામના આરોપીને બેંગ્લોરથી પકડી પાડી તેમની સામે કાર્યવાહી કરવામાં આવી છે.આ અંગે ડીસીપી નોર્થ ઇસ્ટ બેંગ્લોરના લક્ષ્મી પ્રસાદે આ ઘટના અંગે સત્તાવાર સમર્થન આપ્યું છે.

ફલાઇટ નંબર 6E 1128નો  આ કિસ્સો

લક્ષ્મી પ્રસાદે કહ્યું હતું કે ઈન્ડિગો કેબીન ક્રુ દ્વારા આરોપી અકરમ અહમદ સામે જાતીય સતામણીની રાવ ઉઠાવી છે. શુક્રવારે માલેથી બેંગ્લોર જતી ઈન્ડિગો ફલાઇટ નંબર 6E 1128માં  આ કિસ્સો બન્યો હતો. જાણવા મળી રહ્યું છે કે બપોરે 3.45 વાગ્યાના સમયગાળા દરમિયાન ફલાઈટે માલેથી ટેકઓફ કર્યા પછી અકરમ એરહોસ્ટેસ પાસે ગયો હતો. જ્યા બિયર લઈને આવેલી એરહોસ્ટેસ સાથે ફ્લર્ટ કરવાનું શરૂ કર્યું હતું. 

ઉચ્ચ અધિકારીઓને ફરિયાદ કરવામાં આવી

આ સમગ્ર ઘટનાને લઇ અન્ય એરહોસ્ટેસ વચ્ચે પડી હતી અને તેણીએ સમજાવવાનો પ્રયાસ કર્યો હતો. જોકે આરોપી અકરમ અહમદ સમજ્યો ન હતો અને હરકત શરૂ રાખતા ઉચ્ચ અધિકારીઓને ફરિયાદ કરવામાં આવી હતી અને ત્યારબાદ ફ્લાઇટ બેંગ્લોરમાં ઉતર્યા બાદ અકરમને સુરક્ષા અધિકારીઓને હવાલે કરાયો હતો. ફરિયાદમાં એરહોસ્ટેસે એવી રાવ કરી કે જ્યારે પોતે બિયર લઈને પહોંચી ત્યારે અકરમે કહ્યું હતું કે હું 51 વર્ષથી તમારા જેવી છોકરીને શોધી રહ્યો છું. તમે ફ્રી ક્યારે થશો!? બાદમાં આરોપીએ 10 ડોલરની બિયર માટે 100 ડોલર પણ ચૂકવી દીધા હતા અને  વધારાના રૂપિયા પોતા પાસે રાખવાનું પણ કહ્યું હતી. જોકે યુવતીએ વિરોધ કરતા આરોપીએ હેરાન કરીને ખોટી રીતે સ્પર્શ કરી હોવાના પણ આરોપ લાગ્યા છે.