- એમ્બ્યુલેન્સમાં શવ સાથે થયો ચમત્કાર
- ડોક્ટર્સે મૃત ઘોષિત કરેલ વ્યક્તિમાં એકાએક જીવ આવ્યો
- 80 વર્ષનાં મૃત દાદા અચાનક શ્વાસ લેવા માંડ્યા
જે વ્યક્તિને ડોક્ટર્સે મૃત ઘોષિત કરી દીધું હતું તેમનામાં અચાનક જીવ આવ્યો! પરિવાર સહિત ડોક્ટર્સ પણ આ ચમત્કાર જોઈને ચોંકી ગયાં હતાં. આ ઘટના પંજાબનાં પટિયાલાની છે. આ વ્યક્તિનું નામ દર્શન સિંહ બરાડ છે જેમની ઉંમર 80 વર્ષની છે. તેઓ કરનાલનાં નિસિંગનાં રહેનારાં છે.
ઝટકો લાગ્યો અને જીવ આવ્યો
દર્શન સિંહનાં પૌત્રએ જણાવ્યું કે દાદાનાં શવને એમ્બ્યુલેન્સમાં પટિયાલાથી કરનાલ લઈ જવામાં આવી રહ્યું હતું. અચાનક એમ્બ્યુલેન્સ ખાડા પરથી પસાર થઈ અને જોરદાર ઝટકો આવ્યો. ઝટકાની થોડી જ સેકેન્ડ બાદ તેમણે દાદાનો હાથ હલતો જોયો. થોડો હલ્યા બાદ દાદા શ્વાસ લેવા માંડ્યા. તેમણે દાદાનાં ધબકારા પણ અનુભવ્યાં.
મૃત વ્યક્તિ જીવિત થયો
આ જોઈને તેમણે તરત જ એમ્બ્યુલેન્સનાં ડ્રાઈવરને નજીકની હોસ્પિટલ જવા માટે કહ્યું. હોસ્પિટલ પહોંચીને ડોક્ટર્સે તપાસ બાદ દાદાને જીવિત ઘોષિત કર્યો. આ ખુશખબર તેમણે તરત જ પોતાના પરિવારજનોને ફોન કરીને આપી.
વધુ વાંચો: VIDEO : લિફ્ટની સ્પીડે ફેલાઈ આગ, આખી 18 માળની બિલ્ડિંગને સળગાવી દીધી, કોઈને કંઈ ન થયું
અંતિમ સંસ્કારની તૈયારી કરી લીધી હતી...
મીડિયા રિપોર્ટ અનુસાર બરાડ પરિવારે દર્શન સિંહનાં અંતિમ સંસ્કારની તમામ તૈયારીઓ કરી લીધી હતી. પરિવારજનો પણ ભેગાં થઈ ગયાં હતાં પણ દર્શન સિંહનાં શવમાં અચાનક જીવ આવતાં પરિવાજનોમાં ફરી ખુશીનો માહોલ છવાઈ ગયો હતો. હાલમાં દર્શન સિંહ કરનાલની NP રાવલ હોસ્પિટલમાં ભરતી છે. તેમની સ્થિતિ હજુ પણ થોડી નાજુક છે. ડોક્ટર્સ સતત મોનિટરિંગ કરી રહ્યાં છે. પરિવારનાં સદસ્યો દર્શનસિંહનાં જલ્દી સ્વસ્થ થઈને ઘરે આવવાની કામના કરી રહ્યાં છે.
