ભયાનક વીડિયો / VIDEO : લિફ્ટની સ્પીડે ફેલાઈ આગ, આખી 18 માળની બિલ્ડિંગને સળગાવી દીધી, કોઈને કંઈ ન થયું

• મુંબઈની ડોંબિવલીની 18 માળની બિલ્ડિંગમાં આગ 
• લિફ્ટની સ્પીડથી ફેલાઈ આગ 18મા માળે પહોંચી
• તાબડતોબ રેસ્ક્યૂથી બચાવાયા લોકોના જાવ
• 3 માળ સુધી જ લોકો રહેતા હતા, બાકીના માળ બનતા હતા 

મુંબઈના ડોમ્બિવલી લોઢા ફેઝ 2માં આવેલી બહુમાળી બિલ્ડિંગ એસ્ટરેલા ટાવરની ગેલેરીમાં આગ લાગી હતી જે જોતજોતામાં 18મા માળ સુધી ફેલાઈ હતી, 6 માળ તો પુરા આગથી ઘેરાયેલા વીડિયોમાં જોવા મળતાં હતા. શોર્ટ સર્કિટથી લાગેલી આગ પવનને કારણે છેક 18મા માળ સુધી ફેલાઈ હતી. આગની ખબર મળતાં તાબડતોબ રેસ્ક્યૂ શરુ કરવામાં આવ્યું હતું અને જોતજોતામાં બિલ્ડિંગમાં રહેતા માણસોને બચાવી લેવાયા હતા. જોકે સારી એ વાત હતી કે 18 માળ સુધી લોકો રહેતો નહોતા ફક્ત 3 માળ સુધી જ લોકોનો વસવાટ હતો કારણ કે બાકીના માળ બની રહ્યાં હતા.  ફાયરના ત્રણ ટેન્ડર ઘટના સ્થળે દોડી આવ્યા હતા. આગ પર કાબુ મેળવવાના પ્રયાસો કરવામાં આવી રહ્યા છે.

💥💥 Massive fire engulfed a high-rise building in #Mumbai, with six floors ablaze.
pic.twitter.com/1FFiGabACb

— ビットコイン (@Ripple_X_) January 13, 2024

શોર્ટ સર્કિટથી લાગેલી આગને પવને વિકરાળ બનાવી દીધી 
આગ શોર્ટ સર્કિટના કારણે લાગી હતી. ભારે પવનને કારણે આગ ખૂબ જ ઝડપથી પ્રસરી ગઇ હતી. આ ઘટનાનો વીડિયો સોશિયલ મીડિયા પર સામે આવ્યો છે. તે જોઇ શકાય છે કે બિલ્ડિંગની ગેલેરીની બારીઓમાંથી જ્વાળાઓ બહાર આવી રહી  હતી, સદનબીસે આટલી મોટી આગની ઘટનામાં કોઈને પણ જરા જેટલું પણ નુકશાન થયું નહોતું. મુંબઈના ગિરગામ ચોપાટી વિસ્તારમાં પણ એક બહુમાળી ઈમારતમાં આગ લાગી હતી. 

લિફ્ટની સ્પીડથી ફેલાઈ આગ 18મા માળે પહોંચી
શોર્ટ સર્કિટથી લાગેલી આગને પવને વિકરાળ બનાવી દીધી હતી અને જોતજોતામાં 18મા માળ લપેટામાં આવી ગયા હતા.