અહેવાલ / ઈલેક્ટોરલ બોન્ડ: રાજકીય પાર્ટીઓને જુઓ ક્યાંથી મળ્યાં સૌથી વધુ નાણાં, રિપોર્ટ આવ્યો બહાર

શું છે ઈલેક્ટોરલ બોન્ડ?

2017ના બજેટમાં શરુ કરવામાં આવેલ ઈલેક્ટોરલ બોન્ડ એ વ્યાજ વગરના બોન્ડ્સ છે જેનો ઉપયોગ રાજ્કોય પક્ષોને ડોનેશન આપવા માટે વપરાય છે. આ બોન્ડ 1,000, 10,000, 1 લાખ, 10 લાખ, 1 કરોડ એવી રકમમાં આપી શકાય છે. ડોનેશન કરનારનું નામ ગુપ્ત રહે છે. ફક્ત SBI બેન્ક આ બોન્ડ વેચી શકે છે. રાજકીય પક્ષો આ બોન્ડને તેમના સત્તાવાર એકાઉન્ટ વડે 15 દિવસમાં કૅશ કરાવી દેવાના હોય છે.

કેમ આનો વિરોધ થઇ રહ્યો છે?

2017માં સરકારે આ બોન્ડને લઈને કહ્યું હતું કે તે ડોનેશન કરનારાઓની ઓળખ એટલે જાહેર નથી કરાતી કારણ કે ફંડ આપનારને કોઈ રાજકીય પક્ષને મદદ કરવા બદલ પરિણામો ભોગવવા ન પડે. 

જો કે ઈલેક્શન કમિશન અને દેશના બુદ્ધિજીવીઓએ આ સ્કીમનો વિરોધ કરતા જણાવ્યું છે કે આ નિયમ રાજકીય ફંડિંગની પારદર્શકતા ઘટાડે છે. આ મુદ્દાને લગતી પિટિશન પણ સુપ્રીમ કોર્ટમાં ચાલી રહી છે.

ADRમાં આંકડા મુજબ લોકસભાના ક્વાર્ટરમાં સૌથી વધુ 4444 કરોડના બોન્ડ વેચાયા હતા. સૌથી વધુ સેલ 2256 કરોડનો નોંધાયો હતો.

મુંબઈમાં સૌથી વધુ 1880 કરોડ, કોલકતામાં 1440 કરોડ અને નવી દિલ્હીમાં 919 કરોડના બોન્ડ વેચાયા હતા.