વિશ્વ / લંડનથી શિકાગો જતી ફ્લાઈટે હવામાં ખાધા ગોથા, 37000થી 9000 ફૂટ પર આવી ગઈ, પ્રવાસીઓના જીવ પડીકે બંધાયા

લંડનથી શિકાગો જઈ રહેલી બ્રિટિશ એરવેઝની ફ્લાઇટ BA295 આયર્લેન્ડ ઉપર ઉડતી વખતે અચાનક ઝડપથી નીચે ઉતરવા લાગી. વિમાન થોડીવારમાં જ 37,000 ફૂટની ઊંચાઈથી 9,000 ફૂટ પર નીચે સુધી આવી ગયુ હતું. ત્યારબાદ ચાલક દળએ 7700 નો ઇમરજન્સી કોડ જારી કર્યો. વિમાનને આટલી ઝડપથી નીચે કેમ ઉતારવું પડ્યું, શું ફ્લાઇટમાં કોઈ ગંભીર ખતરો હતો? ચાલો વિગતવાર જાણીએ.

બ્રિટિશ એરવેઝની ફ્લાઇટ BA295 લંડનના હીથ્રો એરપોર્ટ પરથી સવારે 11:50 વાગ્યે શિકાગોના ઓ'હેર ઇન્ટરનેશનલ એરપોર્ટ માટે ટર્મિનલ 5 થી રવાના થઈ હતી. આ ફ્લાઇટ લગભગ આઠ કલાક અને 40 મિનિટ સુધી ઉડતી રહી. આ વિમાન બોઇંગ 777-200ઇઆર હતું અને અંદાજે 30 વર્ષ જૂનું હોવાનો અંદાજ છે. ટેકઓફ કર્યાના લગભગ એક કલાક પછી વિમાન 37,000 ફૂટની ઊંચાઈએ પહોંચ્યું. પછી વિમાન અચાનક ઝડપથી નીચે ઉતરવા લાગ્યું હતું.

આ પણ વાંચોઃ વર્લ્ડ / FBI ડિરેક્ટર કાશ પટેલે કરી સગાઈ, જુઓ કોણ છે આ 18 વર્ષ નાની ફિયાન્સી?

શું વિમાનમાં કોઈ મોટી ટેકનિકલ સમસ્યાની શક્યતા હતી?

એરલાઇન મીડિયા અનુસાર વિમાનમાં અચાનક ઓપરેશનલ સમસ્યા સામે આવી. ત્યારબાદ પાઇલટ્સે ઝડપથી વિમાનની ઊંચાઈ ઘટાડી અને એર ટ્રાફિક કંટ્રોલનો સંપર્ક કર્યો. વિમાન મધ્ય આયર્લેન્ડ પર હવામાં જ રહ્યું અને સીધું આગળ વધી રહ્યું હતું. પાઇલટ્સ પરિસ્થિતિનું આંકલન કરી રહ્યા હતા. કટોકટીની સ્થિતિમાં તેમની પાસે વિમાનને શેનોન અથવા ડબલિન એરપોર્ટ તરફ વાળવાનો વિકલ્પ હતો. તેઓ લંડનના હીથ્રો એરપોર્ટ પર પાછા ફરવાનું પણ વિચારી રહ્યા હતા. કોઈ મુસાફરોને ઈજા કે વિમાનને નુકસાન થયાના કોઈ અહેવાલ નથી. આ સમયે તે પણ સ્પષ્ટ નહોતું કે વિમાનને લેન્ડ કરવાનો નિર્ણય કયા એરપોર્ટ પર લેવામાં આવ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ