દુખદ / બસ પલટતાં 21થી વધુ લોકોના મોત, અંતિમ સંસ્કારમાંથી પાછા આવતાં કાળ ભેટ્યો

Bus Accident: માર્ગ અકસ્માતની ઘટનાઓમાં દિવસેને દિવસે વધારો થઈ રહ્યો છે. છેલ્લા કેટલાક સમયમાં અકસ્માતની ઘટનાઓમાં નોંધપાત્ર રીતે વધારો થયો છે. ત્યારે હવે એક મોટા સમાચાર સામે આવી રહ્યાં છે જ્યાં હાઈવે પર બસ પલટી જતાં 21 લોકોએ જીવ ગુમાવ્યો છે, જેમાં 10 મહિલા અને એક બાળકીનો સમાવેશ થાય છે.

હાઈવે મોતની ચિચિયારીઓથી ગૂંજી ઉઠ્યો

અકસ્માત એટલો ભયાનક હતો કે બસનો બુકડો બોલી ગયો હતો, મૃતકોમાં 10 વર્ષની માસૂમ બાળકીનો પણ સામેલ છે. જ્યારે અનેક લોકો ગંભીર રીતે ઈજાગ્રસ્ત થયા હતા, જેઓને તાત્કાલિક ધોરણે નજીકની હોસ્પિટલમાં ખસેડવામાં આવ્યા હતા. અકસ્માતના પગલે હાઈવે મોતની ચિચિયારીઓથી ગૂંજી ઉઠ્યો હતો. બસમા સવાર લોકો અંતિમ સંસ્કારમાંથી પરત ફરી રહ્યા હતા, ત્યારે રસ્તા પર કાળનો ભેટો થયો હતો.

ડ્રાઈવરે નિયંત્રણ ગુમાવતા થયો અકસ્માત

બસના ડ્રાઈવરે નિયંત્રણ ગુમાવતા હાઈવેની બાજુમાં આવેલા ઊંડા ખાડામાં ખાબકી હતી. અકસ્માતના પગલે અફરાતફરીનો માહોલ સર્જાયો હતો, તેમજ હાઈવે પર ટ્રાફિક જામ થયો હતો. આ આકસ્માતની ઘટના કેન્યાના દક્ષિણ-પશ્ચિમ વિસ્તારમાં સ્થાનિક સમય અનુસાર શુક્રવાર (08 ઓગસ્ટ 2025) થયો હતો. બસ કાકામેગા શહેરથી કિસુમુ જઈ રહી હતી તે દરમિયાન અકસ્માતની ઘટના બની હતી.

વધુ વાંચો : ટેરિફ હટશે તો આવશે 1929 જેવી મહામંદી! US કોર્ટના નિર્ણય પહેલા ટ્રમ્પની ચેતવણી

અકસ્માત અંગે પોલીસે શું કહ્યું?

સ્થાનિક પોલીસ અધિકારી પીટર મૈનાના જણાવ્યાનુસાર, બસ પૂરપાટ ઝડપે એક ચોકડી પાસે પહોંચી ત્યારે ડ્રાઇવરે બસ પરનો કાબૂ ગુમાવતા બસ ખાડામાં ખાબકી હતી. મૃતકોમાં 10 મહિલાઓ, 10 પુરુષો અને 10 વર્ષની છોકરીનું મોત થયું છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ