વિશ્વ / લો બોલો..! નેતન્યાહૂએ નોબેલ પ્રાઇઝ માટે ટ્રમ્પને કર્યા નોમિનેટ, તો કર્યો દાવો, કહ્યું 'અમે ઘણી લડાઈઓ રોકાવી'

Trump Nobel Peace Prize : ઇઝરાયલના વડા પ્રધાન બેન્જામિન નેતન્યાહૂએ નોબેલ શાંતિ પુરસ્કાર માટે અમેરિકી રાષ્ટ્રપતિ ડોનાલ્ડ ટ્રમ્પનું નામ નોમિનેટ કર્યું છે. નેતન્યાહૂએ કહ્યું, હું તમને નોબેલ પુરસ્કાર સમિતિને મોકલવામાં આવેલ પત્ર રજૂ કરવા માંગુ છું. આમાં તમને શાંતિ પુરસ્કાર માટે નોમિનેટ કરવામાં આવ્યા છે, જેના તમે લાયક છો અને તમને તે મળવો જોઈએ.

ઇઝરાયલી PM બેન્જામિન નેતન્યાહૂએ નોબેલ શાંતિ પુરસ્કાર માટે અમેરિકી રાષ્ટ્રપતિ ડોનાલ્ડ ટ્રમ્પનું નામાંકન કર્યું છે. હકીકતમાં ગાઝામાં યુદ્ધવિરામ માટેના પ્રયાસો વચ્ચે ઇઝરાયલી PM બેન્જામિન નેતન્યાહૂએ વ્હાઇટ હાઉસમાં ડિનર માટે અમેરિકી રાષ્ટ્રપતિ ડોનાલ્ડ ટ્રમ્પને મળ્યા હતા. આ દરમિયાન તેમણે ટ્રમ્પને આ વાત કહી. તેમણે નોબેલ પુરસ્કાર સમિતિને મોકલવામાં આવેલ પત્ર પણ અમેરિકી રાષ્ટ્રપતિને રજૂ કર્યો.

ટ્રમ્પે કહ્યું : અમે ઘણા યુદ્ધો રોક્યા

ડોનાલ્ડ ટ્રમ્પે કહ્યું, અમે ઘણા યુદ્ધો અટકાવ્યા છે, જેમાંથી સૌથી મોટું યુદ્ધ ભારત અને પાકિસ્તાન વચ્ચે હતું. અમે તેને વેપારના મુદ્દા પર અટકાવ્યું. અમે ભારત અને પાકિસ્તાન સાથે કામ કરી રહ્યા છીએ. અમે કહ્યું હતું કે, જો તમે લડવાના છો તો અમે તમારી સાથે બિલકુલ કામ કરીશું નહીં. તેઓ કદાચ પરમાણુ તબક્કામાં હતા. આને રોકવું ખરેખર મહત્વપૂર્ણ હતું.

ટ્રમ્પે ટેરિફ વિશે શું કહ્યું ?

ડોનાલ્ડ ટ્રમ્પે કહ્યું કે, હું મક્કમ કહીશ પણ 100 ટકા મક્કમ નહીં. જો તેઓ ફોન કરીને કહે કે અમે કંઈક અલગ રીતે કરવા માંગીએ છીએ, તો અમે તેના માટે ખુલ્લા છીએ, યુએસ રાષ્ટ્રપતિ ડોનાલ્ડ ટ્રમ્પને જ્યારે પૂછવામાં આવ્યું કે, શું તેઓ યુએસ ટેરિફ માટે 1 ઓગસ્ટની સમયમર્યાદા પર મક્કમ છે. વેપાર સોદાઓ અંગે ટ્રમ્પે કહ્યું, અમે ભારત સાથે સોદો કરવાની નજીક છીએ. અમે યુનાઇટેડ કિંગડમ સાથે સોદો કર્યો છે. અમે ચીન સાથે સોદો કર્યો છે. અમે અન્ય દેશો સાથે મુલાકાત કરી છે, અને અમને નથી લાગતું કે અમે સોદો કરી શકીએ છીએ, તેથી અમે તેમને પત્ર મોકલ્યો છે. અમે વિવિધ દેશોને પત્રો મોકલી રહ્યા છીએ જેમાં તેમને જણાવવામાં આવ્યું છે કે, તેઓએ કેટલા ટેરિફ ચૂકવવા પડશે. કેટલાક દેશો કદાચ થોડું ગોઠવણ કરશે, તેમની પાસે કોઈ કારણ છે કે નહીં તેના આધારે, અમે તે અંગે ગેરવાજબી નહીં હોઈએ.

યુક્રેનને શસ્ત્રો મોકલવા વિશે પણ વાત કરી

યુએસ પ્રમુખ ડોનાલ્ડ ટ્રમ્પે કહ્યું કે, અમે યુક્રેનને કેટલાક વધુ શસ્ત્રો મોકલવા જઈ રહ્યા છીએ. તેઓએ પોતાનો બચાવ કરવા સક્ષમ બનવું પડશે. તેઓ ખૂબ જ ખરાબ રીતે ઘાયલ થઈ રહ્યા છે. આ ગડબડમાં ઘણા લોકો મરી રહ્યા છે.

આ પણ વાંચો : 14 દેશો પર ભલે ટ્રમ્પે ફોડ્યો ટેરિફ બૉમ્બ, પરંતુ ભારત સાથે ડીલને લઇ આપી ખુશખબર

શું અમેરિકા ઈરાન પર ફરી હુમલો કરશે?

જ્યારે તેમને પૂછવામાં આવ્યું કે શું અમેરિકા ઈરાન પર બીજો હુમલો કરવા જઈ રહ્યું છે, ત્યારે ડોનાલ્ડ ટ્રમ્પે કહ્યું, મને આશા છે કે આપણે આવું નહીં કરવું પડે. હું કલ્પના પણ કરી શકતો નથી કે આપણે આવું કરવા માંગીએ છીએ. હું કલ્પના પણ કરી શકતો નથી કે તેઓ એવું કરવા માંગશે. તેઓ (ઈરાન) મળવા માંગે છે. તેઓ કંઈક ઉકેલ લાવવા માંગે છે. તેઓ બે અઠવાડિયા પહેલા કરતા હવે ખૂબ જ અલગ છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ