ધમકી / ઈરાને ડોનાલ્ડ ટ્રમ્પની સોપારી આપી! મારનારને 870 કરોડનું ઈનામ આપવાની કરી જાહેરાત

ઈરાન નહતું ઇચ્છતું કે ટ્રમ્પ ફરીથી રાષ્ટ્રપતિ બને. ટ્રમ્પને સત્તામાં આવતા રોકવાના પ્રયાસો થયા પરંતુ ઈરાન નિષ્ફળ ગયું. ટ્રમ્પે આખરે એ જ કર્યું જેનો ઈરાનને ડર હતો. હવે ઈરાન ટ્રમ્પથી છૂટકારો મેળવવા માટે છેલ્લા વિકલ્પ પર પહોંચી ગયું છે અને તે છે ટ્રમ્પને મારી નાખવું. ખામેનીના નજીકના સહાયક અને સલાહકારે ધમકી આપી છે કે ઈરાન માટે ટ્રમ્પને મારી નાખવું ખૂબ જ સરળ છે. ઈરાને ધમકી આપી છે કે ટ્રમ્પ એકલા અને બેફિકર હોય ત્યારે તેમને મારી શકાય છે. એવી ધમકી આપવામાં આવી છે કે જો ઈરાન ઈચ્છે તો ટ્રમ્પને તેના પોતાના ઘરમાં ઘૂસીને મારી શકે છે. હત્યારા માટે 100 અબજ તોમનનું ઈનામ રાખવામાં આવ્યું છે જે ભારતીય રૂપિયામાં આશરે 870 કરોડ રૂપિયા છે.

FBI અને CIA સહિત વિશ્વની ઘણી ગુપ્તચર એજન્સીઓ કહી રહી છે કે ઈરાનમાં ટ્રમ્પને મારવાનું કાવતરું ઘડવામાં આવી રહ્યું છે, પરંતુ આ પહેલીવાર છે જ્યારે ઈરાનની અંદરથી સમાચાર આવ્યા છે કે ટ્રમ્પને મારી શકાય છે. ખામેનીના વરિષ્ઠ સલાહકાર જાવેદ લારીજાનીએ ટ્રમ્પને મારવાની સીધી ધમકી આપી છે. ઈરાની ડ્રોનને સર્વશક્તિમાન ગણાવતા જાવેદે કહ્યું કે તેમના ડ્રોન ફ્લોરિડાના સ્વિમિંગ પુલમાં પહોંચી શકે છે જ્યાં ટ્રમ્પ સનબાથ લે છે અને તેમને મારી શકાય છે. જાવેદે દાવો કર્યો હતો કે ઈરાની ડ્રોનના ડરને કારણે, ટ્રમ્પ તેમના જીવનમાં ક્યારેય સનબાથની ભૂલ કરશે નહીં.

ધમકી બાદ વધી ટ્રમ્પની સુરક્ષા

આ ધમકી બાદ અમેરિકન સુરક્ષા એજન્સીઓની ઊંઘ ઉડી ગઈ છે. એક રિપોર્ટ અનુસાર, તેમણે માત્ર ટ્રમ્પની સુરક્ષા વધારી નથી, પરંતુ ગોળીબારમાં બેદરકારી બદલ 6 સુરક્ષા એજન્ટોને પણ સસ્પેન્ડ કરવામાં આવ્યા છે, જેથી બેદરકારીને કોઈ શક્યતા ન રહે. દરમિયાન, વિશ્વભરના સુરક્ષા નિષ્ણાતોના મતે, આ ધમકીનો અર્થ એ છે કે અરબ યુદ્ધ હજુ પૂરું થયું નથી અને ઈરાન-ઈઝરાયલ યુદ્ધનો નવો અધ્યાય ટૂંક સમયમાં શરૂ થવાનો છે. બીજી તરફ, એવું પણ માનવામાં આવી રહ્યું છે કે ટ્રમ્પને ખતમ કરવા માટે ઈરાનનું ઓપરેશન તેના અંત તરફ છે અથવા તે મોટો વિસ્ફોટ કરવાની તૈયારી કરી રહ્યું છે. ખામેનીના સલાહકારના આ નિવેદનનો અર્થ એ છે કે તે ધ્યાન ભટકાવવા માટે આપવામાં આવ્યું છે.

વધુ વાંચો: શુભાંશુ શુક્લા અવકાશમાંથી પૃથ્વી પર ક્યારે પરત ફરશે? નાસાએ જણાવી તારીખ

ટ્રમ્પને મારવા માટે ફંડ એકત્ર કરવામાં આવી રહ્યું છે

ટ્રમ્પને મારવા માટે ઈરાનમાં બ્લડ પેક્ટ નામનું અભિયાન શરૂ કરવામાં આવ્યું છે. આ માટે ફંડ એકત્ર કરવામાં આવી રહ્યું છે, ટ્રમ્પને ભગવાનનો દુશ્મન ગણાવતા ફતવા બહાર પાડવામાં આવી રહ્યા છે. ઈરાનના રાષ્ટ્રપતિ ખામેનીએ કહ્યું કે તમે (અમેરિકન રાષ્ટ્રપતિ) એવું કંઈક કર્યું છે કે હવે તેઓ માર-લાગોમાં સનબાથ નહીં લઈ શકે. જ્યારે તમે માર-લાગોમાં સનબાથ લઈ રહ્યા હશો ત્યારે એક નાનું ડ્રોન તમારી નાભિ પર હુમલો કરશે અને તમને મારી નાખશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ